Joel 3:11

Ñanderuete Ñe’ẽ Porã 2015

Pya’e peñembyaty ha peju, opaite tetãnguéra ijerekuévo oikóva guive toñembyatypa joaite; upépe nde, che Ruete, eraha nde soldadokuérape.

Referencias Cruzadas

Salmokuéra 103:20

Pemomba’eguasu Ñanderuetépe, peẽ angelkuéra imba’éva guive, peẽ pendepy’aguasu mbaretéva ha pejapóva guive iñe’ẽ, peẽ peneñe’ẽrendu porã hembiapoukapy he’ívape.

Isaías 10:34

Upérõ oñekytĩva’erã háchape pe ka’aguy iñypytũva, ha umi Líbano yvyra ho’ava’erã tyapuguasupópe, Ha’e oitýgui.

Isaías 13:3

Che voi ambyatyuka umi heko potĩva aiporavova’ekuépe ha ahenói ipy’aguasúvape ahavira hag̃ua ichupekuéra, osapukái jave torypópe.

Isaías 37:36

Ha osẽ Ñanderuete yvága rembiguái ha ojuka 185.000 Asiriayguápe oñembyaty haguépe. Ha Judaygua opu’ãvo ambue pyhareve ohecháma hikuái hesekuéra ija’e’ỹva ojepysopa yvýre.

Joel 3:2

Ambyatýta opaite tetãme, ha aguerupáta ichupekuéra Josafat ñúme (vállepe), ha upépe ambojovakéta ichupekuéra, che retã Israel rehehápe, ha’ekuéra omosarambipa haguére ambue tetãnguéra apyte rupi, ha omboja’opa haguére che yvy, Israel retã,

Miquéas 4:12

Ha’ekuéra ndoikuaaiete pende Ruete py’apýpe oĩva térã mba’épa Ha’e ojapótava, upévare Ha’e ombyaty ichupekuéra oñemono’õ háicha umi trígo háse.

Sofonías 3:8

Upévare, pende Ruete he’i: Peha’ãrõnte apu’ãha ára peve pombojovake hag̃ua, Che ningo ha’éma ambyatypataha tetãnguérape, ha tetã atyguasukuéra ári añohẽta che pochy, añohẽmbaitéta che pochy, ahundipáta ko yvy che ratápe.

2 Tesalonicayguakuérape 1:7

Ha’e ñanembopytu’úta ñandéve upe jehasa asýgui, Hesu Crísto ouha ára yvágagui hembiguái (hi’ángel) atyguasu ndive,

Apocalípsis 19:14

Ha umi ejército yvága peguáva oho hapykuéri kavaju morotĩ ári, oñemonde ao líno porãitépe, morotĩ asy ha ipotĩvape.