Joel 2:32

Ñanderuete Ñe’ẽ Porã 2015

Ha mayma umi ohenóiva guive pende Ruete réra ojesalvava’erã; Sion cérrope ha Jerusalénpe oikóta umi osẽmava’ekue jejopy vaietégui, he’i haguéicha pende Ruete, ha umi hembymítava oĩmbáta Ha’e ohenoiva’ekuépe.

Referencias Cruzadas

Genesis 4:26

Ha Set ita’ýra avei ha ombohéra ichupe Enos. Ha upe guive yvyariguakuéra oñepyrũ omomba’eguasu Ñanderuetépe.

Salmokuéra 50:15

Ha cherenói nde jepy’apyha árape, Che roipytyvõta ha nde chemomba’eguasúta.

Isaías 10:22

Nde Israel, ne retãygua heta ramo jepe ku yguasu rembe’y yvyku’ícha, hembyremínte ou jevýta. Ko ñehundiguasu katuete oikóta ha og̃uahẽta ku yvytu ratãicha.

Isaías 11:11

Ha ojehuva’erã avei upe ára upévape, Ñanderuete omopu’ã jevýta ipo oguenohẽ jevy hag̃ua hetã rembyre Asíriagui, Egípto, Patros, Etiopía, Elam, Sinar, Hamat ha umi ísla yguasu peguágui.

Isaías 11:16

Ha oĩta tape hetãyguakuéra rembyrépe g̃uarã, opytava’ekue Asíriape, ku tape oĩ haguéicha Israélpe g̃uarã osẽ ramoguaréicha Egíptogui.

Isaías 4:2

Upe ára upévape Ñanderuete ombohokýta hakã porã ojajaipáva, ha Israel retã oñembotuicháta ha oñemoherakuã porãta, ombovy’a hag̃ua Israelguakuéra hembýva guivépe.

Isaías 46:13

Che amog̃uahẽta pene rendápe che ñepytyvõ, naimombyryvéima che salvacion, hi’ag̃uíma uvei. Siónpe aguenohẽta ijejopy vaígui ha Israélpe ahechaukáta che reko jajaipa.

Jeremías 31:7

Péicha he’i pende Ruete: Tapendepy’a rory ha tapevy’aite Jacóbo ndive, ha vy’apópe pesapukái pe tetã oporomyakãvape. Pemboetéke, pemomba’eguasúke ha peje: Nde, ore Ruete, esalvána ne retãme, umi Israélgui hembymívape.

Jeremías 33:3

Nde cherenói ramo Che ambohováita ndéve ha rombo’éta mba’e ndetuichapa jepévare, iñemimby ha reikuaa’ỹvare.

Amos 9:8

Peikuaa porãke, pende Ruete, pe Jaraitéva resa, oñemoĩma umi tetã hembiapo vaíva rehe, ha Che ahundíta ichupekuéra ko yvy apégui, Che nahundipamo’ãi katu Jacóbo ñemoñarépe, he’i pende Ruete.

Abdías 1:17

Ha Jerusalen cérrope katu oikóta Israel rembyre, Che aguenohẽta ijehasa asyguasúgui, ha pe yvy pende Ruete omboykeva’ekue hogaguasúpe g̃uarã ojeporu jevýta ha Jacóbo ñemoñare oñemomba’e jevýta ijyvytee rehe.

Abdías 1:21

Upéramo Israel retãygua ohova’erã Jerusalen cérrope ombojovake hag̃ua Edom retãyguakuérape, ha Ñanderuete voi oisãmbyhypáta ichupekuéra hetã ruvichaguasuete ramo.

Miquéas 5:3

Ojehejáta pe kuñakarai ohasa asy hag̃ua imemby peve ha opaite ityvýra hembýva guive ojevy jey hag̃ua Israel ra’ykuéra ndive Ñanderuete rendápe.

Zacarías 13:9

Ha pe atyguasu mbohapyha amoingéta tatápe, ha amboykúta ichupekuéra ku pláta oñemboyku háicha, amopotĩ hag̃ua iky’akuégui. Upérõ ohenóita hikuái che rérape ha Che ahendúta ichupekuéra ha ha’éta: Israel che retãtee, ha ha’ekuéra he’íta ángel atykuéra Jára, ore Ruete voi ningo Nde.

Juan 10:16

Ha Che areko avei ambue korápe che ovecharãnguéra. Che aruva’erã avei umívape, umíva ohendúta che ñe’ẽ, ambyatypáta peteĩ korapýpente, oiko hag̃ua peteĩ ovecha atyguasu ramo peteĩ ovecha rerekua poguýpente.

Juan 4:22

Peẽ peñembo’e peẽ peikuaa’ỹvape, ore katu roñembo’eroína ore roikuaávape, pe salvacion ningo ou Judayguakuéragui.

Apostolkuéra 15:17

ha umi tetãygua hembýva ha opaite tetãnguéra oheka hag̃ua avei Ituvateépe, ha Ñanderuete réra oñembotuichave ohóvo ko yvy apére, Ha’e ojapopáta opaite ko’ã mba’e he’íva guive,

Apostolkuéra 2:39

Peẽme g̃uarã, pene ñemoñarenguérape g̃uarã ha tetã ambueyguakuérape g̃uarã oñeme’ẽ avei ko promésa Pytu Porãmbáva rehegua, opaite umi ohenóiva guive Ñanderuetépe.

Romayguakuérape 11:26

Uperire aémante opaite Israelgua hembýva ojesalvava’erã avei, ojehai háicha. Ouva’erã Jerusaléngui pe osalvátava Israelguakuérape, Ha’e oipe’a hag̃ua ijapytégui iñañangue, (Isaías 59,20-21).

Romayguakuérape 11:5

Upeichaite ningo avei ko’ág̃a, opyta hembyremi Ñanderuete oiporavova’ekuépe, ipy’a porãgui.

Romayguakuérape 11:7

Aipórõ mba’e piko. Umi mba’e Israel retã ohupityseva’ekue ndohupitýi, umi Israelgua Ñanderuete oiporavova’ekue katu ohupitýma, ambuekuéra katu oñembopy’a hatãma,

Romayguakuérape 9:24

Ñande voi ningo ko’ã imba’yru poriahuvereko reheguáva. Ñanderuete voi ningo ohenoimava’ekue Israélpe ha ambue tetãnguérape ko tembiapo kóvape g̃uarã.

Romayguakuérape 9:27

Isaías ningo sapukaihápe he’i Israel retã rehe: Nde Israel, ne retãyguakuéra heta ramojepe ku yguasu rembe’y yvyku’ícha, hembyremínte ojesalváta,

1 Corintoyguakuérape 1:2

rohai ko kuatiañe’ẽ iglésia Corintoyguápe g̃uarã, oñemboheko potĩva’ekue Hesu Crísto rupi, ha oñehenoiva’ekue oiko hag̃ua heko porãva ramo, ha opaite ambue hermanokuéra oñehenoimava’ekuépe opárupi ha omomba’eguasúva guivépe Hesu Crísto réra.

hebreoyguakuerape 12:22

Peẽ katu peñemboja uvei cérro Sion rehe, Ñanderuete oikovéva tavaguasu rehe, ha’eha pe Jerusalen yvága pegua ha peg̃uahẽ 10.000-kuéra yvága rembiguaikuéra rendápe,