Joel 2:3

Ñanderuete Ñe’ẽ Porã 2015

Henonderãme tata ombokusuguepáta ha hapykuerépe tata rendyguasu oñu’ãmbáta gueteri, henonderãme pe yvy oiko Eden peguáicha, ha hapykuerépe itaperéta yvy perõicha, ha ndaiporimo’ãvéi avave okañýtava ichugui.

Referencias Cruzadas

Genesis 13:10

Ha Lot ojesaporavo hag̃ua oma’ẽ pe Jordan ñu tuichakuére ha hi’y porã heta rehe, ojogua Ñanderuete yvatýpe térã Egípto retãme, Zoar peve, Ñanderuete ohundi mboyve Sodóma ha Gomórrape.

Genesis 2:8

Ha Ñanderuete, pe Jaraitéva oñotỹ peteĩ yvaty Edénpe, kuarahyresẽ gotýo; ha omoĩ ipype pe kuimba’e ojapova’ekuépe.

Salmokuéra 50:3

oúta Ñanderuete ha nokirirĩmo’ãvéima, henonderãme hata ohundipáta, ha peteĩ yvytu ratã ipu’akapáva oúta hendive.

Salmokuéra 97:3

Tata ohóta henonderãme, ohundi hag̃ua hese ija’e’ỹvape.

Éxodo 10:15

ha oñuãmba opaite Egípto retã tuichakue omoypytũ meve pe yvy; ha ho’upa opaichagua ñemitỹ hembýva gueteri Egípto retãme, opaichagua yvyra’a, yvyrarogue ha kokue pegua pe amandáu ohejava’ekue.

Éxodo 10:5

umi tuku atykuéra ojaho’íta ne retã ha ho’upáta umi ñemitỹ hembyva’ekue amandáugui, ha ho’úta avei mayma yvyrarogue hembýva gueteri.

Isaías 14:17

ohejava’ekue pe yvy ape ku yvy perõváicha, ombyaíva itavakuéra, ha umi oñemosãva’ekuépe araka’eve ndopoiriva’ekue.

Isaías 15:6

Umi Nimrim pegua ykua oñembyaíta, ha pe kapi’i ipirupáma, yvyra rogue havirupáma, ndopytái peteĩ yvyra rogue hovyũva jepe.

Isaías 33:4

Upérõ peẽ pembyatýta pene mba’erepyrã, oñembyaty háicha pe tuku aty ha Asiriayguakuéra opoipáta imba’erepýgui ha peẽ pejeitykuaa hi’ári umi tuku ojeity háicha hembi’urã rehe.

Isaías 51:3

Añetehápe pende Ruete voi omoangapyhýma Siónpe, oiporiahuverekóta itaperekuérape ha ijyvy perõgui ojapóta Eden, ha iñuguasúgui Ñanderuete ojapóta kokue porã, ipype ojejohu hag̃ua vy’a, tory, purahéi ha ñemomba’eguasu avei.

Isaías 9:18

Iñaña reko hendy tatáicha, ohapýva javorái ha ñuãtĩ ka’aguy iñypytũveháme, omopu’ãvo tatatĩ yvate peve.

Isaías 9:19

Ñanderuete pochy ohapy ko tetã ha hetãyguakuéra opytapáta tata rembi’urã ramo; hetãyguakuéra ndoiporiahuverekovéi ipehẽnguekuérape jepeve.

Jeremías 5:17

Ha’ekuéra ho’úta ne remitỹngue ha ne pan, ojukáta nde ra’y ha nde rajykuérape; ho’úta ne rymba ovecha ha vakakuéra, nde parral’a ha nde higo’a, ha’ekuéra ohundíta umi táva oñemombaretepyréva ikyse puku rupi, umívare ningo nde rejeroviáva.

Ezequiel 36:35

Ha he’íta hikuái: Ko yvy oñembotapereva’ekuégui ko’ág̃a oiko Eden kógaicha; ha ã táva ñembyaipa ha oñembotapereva’ekue oñemopu’ã jevýta ikora reheve, ojeiko porã hag̃ua ipype.

Amos 7:4

Ñanderuete koichagua mba’e ohechauka chéve: Peikuaa porãke, Ñanderuete, pe Jaraitéva, penembojovake hag̃ua ohenóita tata, ha pe tata ombohypáta pe yguasu ha ho’upáta avei pende kokue.

Habacuc 1:6

Peikuaa porãke, Che voi amopu’ã umi Caldeayguápe, tetã iñarõséva ha ojejokokuaa’ỹva, ha oguatáva ko yvy apére oñemomba’e hag̃ua ambue yvy rehe, ndaha’éiva imba’e.

Zacarías 7:14

Upévare, Che amosarambi ichupekuéra ambue tetãnguérape, ha’ekuéra oikuaa’ỹvape, ha osẽ rire hetã itapere, hetã ojererohoryetévagui ojapo hikuái yvy perõ (desiérto).