Joel 2:27

Ñanderuete Ñe’ẽ Porã 2015

Ha peikuaáta Che aĩha Israelguakuéra apytépe, Che voi ningo pende Ruete, pende Jára, ha ndaipóri ambue, ha che retã araka’evéma noñemotĩmo’ãvéi.

Referencias Cruzadas

Salmokuéra 46:5

Ñanderuete oikógui ipype ndoku’emo’ãi. Ñanderuete oipytyvõtagui ichupe ko’ẽtĩ jave.

Salmokuéra 68:18

Ore Ruete, Nde rejupíma cérro ru’ãme, rerahávo heta iñapytĩmbýva, ha regueraha jopói yvyariguakuéragui, ha avei umi opu’ãva nderehe jepe oikova’erã nde poguýpe.

Mga Kawikaan 1:23

Pejevýke, pehendu hag̃ua che ñe’ẽ pohýi; péina ápe Che añohẽta che Pytu Porãite pendeári, ha aikuaaukáta peẽme che ñe’ẽ arandu.

Isaías 12:6

Evy’a ha epurahéi, nde Siónpe reikóva; mba’eguasuete Israel Jára Heko porãva ojapóta pende apytépe.

Isaías 44:3

Che añohẽta y yvy ijy’uhéiva ári, ha ambosyrýta y yvy ikãha rupi, Che añohẽta che Pytu Porãite ne mitãkuéra ári ha che jehovasa ne ñemoñarenguéra ári.

Isaías 44:8

Ani pekyhyjétei, ha ani pendepy’amirĩtei, nahendukáipa ndéve ymaite guive, ha peẽ voi che renduhare ha’évo ndéve: Ndaipóri ambue jára che ykére. Ndaipóri ambue pendesalváva; ndaikuaái peteĩminte jepe.

Isaías 45:18

Péicha he’i pende Ruete, yvága apohare: Che ningo pende Ruete, ha ndaipóri ambue, Che ajapomava’ekue ko yvy ha amoĩ porãmbava’ekue ojeiko porã hag̃ua ipype ha ndajapói yvy perõ.

Isaías 45:5

Che ha’e pende Jára, che ykére ndaiporivéima ambue, Che romopu’ã ramojepe nde ndachekuaái; ndaipóri ambue Jára ndachéi ramo.

Isaías 45:6

Ojekuaa porã, kuarahyresẽ guive kuarahyreike peve, ndaiporiha ambue Jára, Chémante, pende Ruete, ha ndaipóri avave che ykére araka’eve,

Isaías 46:9

Peñemomandu’ákena umi mba’e yma oikomava’ekue rehe; Che voi ningo pende Ruete, ha ndaipóri ambue Jára, ndaipóri avave chejoguaha.

Isaías 49:23

Tetã ruvichakuéra oñangarekóta ne membykuéra rehe, ha tetã ruvicha rembirekokuéra ningo herekuarã; tĩndyhápe nemomba’eguasúta ndéve, ha oheréita pe yvy timbo oĩva nde py rehe; ha reikuaáta Che ha’eha nde Ruete, ha umi cherehe ojeroviáva noñemotĩriva’erãha araka’eve.

Isaías 53:6

Mayma ñandekuérava japia joaite tape porãgui ku ovecháicha, peteĩteĩva opia ha oho hape rehe; Ñanderuete katu omoĩ hi’ári (Hesu Crísto) ñane rembiapo vaikue (angaipa) repy.

Ezequiel 37:6

Ha amoĩta pendeári tajygue, ha amongakuaáta pendeári to’o ha pende apére amoĩta pire peneñu’ã hag̃ua, ha amoĩta pendepype Pytu Porã peikove hag̃ua, ha peikuaáta Che ha’eha pende Ruete.

Ezequiel 39:22

Upe ára upéva guive Israel retã oikuaáta Che ha’eha Jahve, pe Yvága Atykuéra Jára.

Ezequiel 39:28

Ha oikuaáta hikuái Che ha’eha Yvága Atykuéra Jára, Che voi amosarambiva’ekue ichupekuéra tetãnguéra apytépe ha Che voi ambyaty jevýta ichupekuéra ijyvyteépe ha ichuguikuéra ndahejamo’ãi avavépe tetã ambuépe.

Ezequiel 39:29

Ha nañomimo’ãvéima che rova ichuguikuéra; añohẽta uvei che Pytu Porãitéva Israel retã ári, he’i Jahve, Yvága Atykuéra Jára.

Joel 2:26

Pekarúta peneryg̃uatã porã hag̃ua, ha pemomba’eguasuetéta pende Ruetépe, pende Jára réra, mba’e techapyrãva (milagrokuéra) ojapova’ekue penderehehápe; ha araka’evéma che retã noñemotĩmo’ãvéima.

Joel 3:17

Peikuaa porãta Che ha’eha pende Ruete, pende Jára, Siónpe oikóva, che cérro aiporavova’ekuépe ha Jerusalen oikóta pe yvy poravopyre ramo, ha tetã ambueygua nombopoguymo’ãvéi ko táva kóvape.

Joel 3:21

Ha Ñanderuete omyengoviapáta hese ija’e’ỹva rembiapo vai, ha uperire Ha’e voi oikóta Siónpe.

Sofonías 3:11

Upe ára upévape nde, Jerusalen, nereñemotĩmo’ãi mba’eveichagua ne rembiapokue rejapova’ekuégui ha reñemoĩvo cherehe, aipe’apáta nde apytégui opaite umi oñembotuichava’ekue, ha araka’eve nereñembotuichaveimava’erã che rogaguasúpe, oĩva che cérrope.

Sofonías 3:17

Ñanderuete oĩhína nde apytépe, ipu’aka nemo’ãta, Ha’e ovy’áta nendive, nderayhúgui okirirĩta, vy’apópe osapukáita nderehe.

Zacarías 2:9

Péina ápe Che añorãirõta hendivekuéra, ha ijarakuégui oikóta hembiguairã, ha upérõ peikuaáta ángel atykuéra Jára chembou hague.

Números 11:29

Ha Moises he’i jevy ichupe: Ndépa nerakate’ỹ cherehe. Mba’éicha tamora’e mayma Ñanderuete retãygua toiko proféta ramo ha Ñanderuete tome’ẽ ichupekuéra Ipytu Porãitéva.

Números 23:21

Ha’e ndohechái Jacóbo rehe aña reko, ha maldicion ndojamo’ãi Israel rehe, Ñanderuete, Ijára oĩgui hendive, ha Israel omomba’eguasu Jahvépe.

2 Corintoyguakuérape 6:16

Mba’éicha piko Ñanderuete iglésia oñembopy’apeteĩkuaáta jára ra’ãnga ñemomba’eguasu reheve. Ñande ningo Ñandejára Hesu Crísto iglésia, Ñanderuete kuatiañe’ẽme he’i háicha: Che aiko ha añembohogava’erã che retã apytépe, ha Che ha’éta Ijára, ha ha’ekuéra che retãtee, (Levítico 26,11-12).

Deuteronómio 23:14

Ñanderuete, pende Jára, oikógui pende rekohápe pendesalva hag̃ua ha omoĩ hag̃ua pende poguýpe penderehe ija’e’ỹvape; upévagui pende rekoha ipotĩva’erã, ani hag̃ua ha’e ohecha ipype mba’e iky’áva, ha ani hag̃ua Ha’e oñemboyke pendehegui.

1 Pédro 2:6

Upévare he’i avei Ñanderuete ñe’ẽ: Peikuaa porãke, Che voi amohendáma Jerusalénpe pe itaguasu tenondegua poravopyréva peteĩ itaguasu esquína pegua, ha hi’ári amopu’ã che iglésia ha upe ohejáva ojeporu hekove oñemopu’ã hag̃ua ko ita oikovéva ári, noñemotĩmo’ãi araka’eve, (Isaías 28,16).

Apocalípsis 21:3

Ha ahendu ñe’ẽ puguasu pe guapyhaguasúgui he’íva: Péina ko’ág̃a pe óga jojohuha (tabernáculo) oĩ tetãyguakuéra apytépe. Ñanderuete voi oikóta ijapytépe, Ituvatee ramo, ha tetãyguakuéra oikóta hetãtee ramo.