Joel 2:26

Ñanderuete Ñe’ẽ Porã 2015

Pekarúta peneryg̃uatã porã hag̃ua, ha pemomba’eguasuetéta pende Ruetépe, pende Jára réra, mba’e techapyrãva (milagrokuéra) ojapova’ekue penderehehápe; ha araka’evéma che retã noñemotĩmo’ãvéima.

Referencias Cruzadas

Genesis 33:11

Ejapyhymína, ajerure ndéve, ko’ã jopói che agueruva’ekue ndéve g̃uarã, Ñanderuete cherovasa porãgui ha opaite mba’e oĩva guive ko’ápe che mba’e meme. Ha’e ojerure jevy jey ichupe, ha ipahápe Esau omoneĩ ha oguerahauka.

Nehemías 9:25

Ha ombopoguy hikuái itavakuéra oñemo’ã porãva ha kokue yvy iporãitéva, ha opytákuri ichupekuéra ogaita henyhẽtéva mba’e porãitágui, yendakuéra ojejapopapyréva, parralty ha olivoty, ha heta yvyra hi’a porãva, ha ipy’a rory hikuái opaite ne mba’e porãita reheve rembosako’iva’ekue ichupekuéra g̃uarã.

Salmokuéra 103:5

Ha’e omyenyhẽ nde rekove mba’eporãgui ha Ha’e nemomitã jevy ku ñapykanícha.

Salmokuéra 116:7

Ejevýna, nde che ánga rejohu haguépe nde pytu’u, Ñanderuete katu ojapo ndéve g̃uarã mba’e iporãva.

Salmokuéra 13:6

Apurahéita Ñanderuetépe, chepytyvõ porã haguérehe.

Salmokuéra 22:26

Imboriahúva okarúta hyg̃uatãmba peve, umi ohekáva ichupe omomba’eguasúta ichupe, upévare hekove arakuéra ipukuvéta.

Salmokuéra 37:19

Umía notĩmo’ãi og̃uahẽ vove pe ára vaiete, ha umi ñembyahyiha árape hyg̃uatãmbava’erã hikuái.

Salmokuéra 67:5

Umi tetã tanemomba’eguasuete, Nde, ore Ruete, mayma tetã tanemboete joa.

Salmokuéra 72:18

Toñemomba’eguasu yvága Jára, Israel Jára, Ha’émante ojapokuaa mba’e techapyrãva (milágro).

Mga Kawikaan 13:25

Pe heko potĩva okaru hyvatã meve; ha umi iñañáva katu ohasa asyva’erã.

Cantar de los cantáres 5:1

Karia’y oñe’ẽ: Che ajúma che yvatýpe, nde che rembirekorãmi, amono’õma che mírra ha umi mba’e ryakuã porã; ha’úma che eíra, che víno ha che kamby. Pekaru joa che irũnguéra; che rayhupára pey’u ha peñemohyg̃uatã mborayhu reheve.

Isaías 25:1

Ore Ruete, Nde, che Jára: Che amomba’eguasúta ha amboetéta nde réra, rejapo haguére tembiapo ndetuicháva; ymaite guive Nde rehekombo’e hekoitépe ha añetehápe.

Isaías 29:22

Upévare Ñanderuete oipytyvõva’ekue avei Abrahámpe, péicha Ha’e he’i Israelguakuérape: Ko’ág̃a Israel noñemotĩmo’ãvéi, ha hova ndahesa’yjupamo’ãvéi;

Isaías 45:17

Ñanderuete katu oguenohẽta Israel ijejopy vaietégui ha araka’evéma noñemotĩmo’ãvéi avei.

Isaías 49:23

Tetã ruvichakuéra oñangarekóta ne membykuéra rehe, ha tetã ruvicha rembirekokuéra ningo herekuarã; tĩndyhápe nemomba’eguasúta ndéve, ha oheréita pe yvy timbo oĩva nde py rehe; ha reikuaáta Che ha’eha nde Ruete, ha umi cherehe ojeroviáva noñemotĩriva’erãha araka’eve.

Isaías 54:4

Ani rekyhyjétei, nderejesareamo’ãi, ha ani retĩtei, nereñemotĩmo’ãi, nderesaraipáta katu ne mitãrõ guare ñemotĩgui, ha pe ñemotĩ nanemenavéi ramoguarégui.

Isaías 55:2

Mba’upéiko peiporuse pende pirapire pejogua hag̃ua umi mba’e ndaha’éiva pan ha ma’erãpa peme’ẽse pene rembiapo repy pejogua hag̃ua umi mba’e penemohyg̃uatã’ỹva. Pecherendu porãke, ha pe’u pe mba’e iporãva, pembovy’a katu pene ánga tembi’u he porãva reheve.

Levítico 25:19

péicha pe yvy ome’ẽta hi’akue, ha pe’úta ichugui peneryg̃uatã meve, ha peikóta ipype kyhyje’ỹre.

Levítico 26:26

Uperire aipe’áta che ñepytyvõ ani hag̃ua pehupity pan peneryg̃uatã hag̃ua, 10 kuña ombojyva’erã pene pankuéra peteĩ tatakuápente, ome’ẽ jevyva’erã peẽme pene pan oñeha’ãvo ipohyikue; ha pe’u ramo jepe napeneryg̃uatãmo’ãi.

Levítico 26:5

Ha pe trígo ñemono’õ ára ohupitýta pe parral’a ñemono’õha árape ha pe parral’a ñemono’õ ohupitýta pe trígo ñemitỹha ára peve, ha pe’úta pene pan peẽ peneryg̃uatã porã meve, ha peikóta pende yvýpe kyhyje’ỹre.

Miquéas 6:14

Rekaru ramo naneryg̃uatãmo’ãi, neñembyahýita gueteri, remono’õta ha reñongatu ramojepe nde kóga’a oñehundipáta ñorãirõme.

Sofonías 3:11

Upe ára upévape nde, Jerusalen, nereñemotĩmo’ãi mba’eveichagua ne rembiapokue rejapova’ekuégui ha reñemoĩvo cherehe, aipe’apáta nde apytégui opaite umi oñembotuichava’ekue, ha araka’eve nereñembotuichaveimava’erã che rogaguasúpe, oĩva che cérrope.

Zacarías 9:15

Ángel atykuéra Jára oñangareko porãta hesekuéra, Israelguakuéra omokõmba hag̃ua hese ija’e’ỹvape ha opyrũmba hag̃ua umi ita oñemombova’ekue rehe, ha omboy’úta hikuái huguy oje’u háicha pe víno, ha henyhẽta hikuái tuguýgui ku kuave’ẽmby ña’ẽmbéicha térã pe kuave’ẽmby renda ratĩcha.

Zacarías 9:17

Ituichaiterei ningo Ñanderuete poriahuvereko ha heko jajaipa. Pe trígo omombaretéta karia’ykuérape ha pe parral rykue omoporãta kuñataĩkuérape.

Romayguakuérape 10:11

Ñanderuete kuatiañe’ẽ he’i voi: Upe ojeroviáva Hesu Crístore noñehundimo’ãi, (Isaías 28,16).

Romayguakuérape 5:5

ha pe esperánza Ñanderuete rehe nombotavymo’ãi avavépe, Ñanderuete mborayhu omyhenyhẽgui ñande py’apy imborayhúgui, ha opaite ko’ã mba’e oñeme’ẽ ñandéve Pytu Porãmbáva rupi.

Romayguakuérape 9:33

Ñanderuete kuatiañe’ẽme he’i voi: Peikuaa porãke, Che amoĩma Siónpe peteĩ ita oñepysãngatahápe ha peteĩ ita guasu oporoitytahápe; ha upe ojeroviáva hese (Hesu Crísto rehe) noñehundimo’ãi, (Isaías 28,16; ha Isaías 8,14).

Deuteronómio 11:15

Amoheñóita kapi’i porã pene ñúme ha ambue tembi’u pende kokuépe pene rymbakuérape g̃uarã, upéicha peẽ pekaru porãta peneryg̃uatã meve.

Deuteronómio 12:12

Ha upépe pevy’a joava’erã pende Ruete renondépe, peẽ, pende ra’ykuéra, pende rajykuéra, pene rembiguái kuimba’e ha kuñakuéra ha umi Levigua oikóva pende apytépe; ha’ekuéra ndoguerekomo’ãigui penendive ilotekuéra, imba’eteerã.

Deuteronómio 12:18

Ñanderuete, pende Jára renondépe, pe yvy pehẽngue Ha’e oiporavomahápe, upépente pekaruva’erã peẽ, pende ra’y, pende rajy ha pene rembiguái kuimba’e ha kuñáva, ha avei umi Levigua oikóva pende apytépe; pevy’a hag̃ua Ñanderuete renondépe, opaite mba’e Ha’e ome’ẽmava reheve ndéve nde po rembiapo rupi.

Deuteronómio 12:7

upépe pekarúta Jahve, pende Ruete renondépe, ha pevy’áta peẽ pende rogayguakuéra ndive opaite mba’eporãme Jahve, pende Ruete, ome’ẽtava peẽme ijehovasa rupi.

Deuteronómio 8:10

Peẽ pekarúta peneryg̃uatã porã meve, Ñanderuete ohovaságui pe yvy ome’ẽtava peẽme.

1 Timotéope 6:17

Umi mba’eita oguerekóvape, che ha’e, ani hag̃ua oñembotuicha ha anítei ojerovia imba’eita rehe, imba’eita ohasakuaa pya’eiterei, tojerovia uvei Ñanderuete rehe, ome’ẽva ñandéve heta mba’e javy’a hag̃ua,

1 Juan 2:28

Ha ko’ág̃a, che ra’ykuéra ha rajykuéra, pepyta ipype, ani hag̃ua Ha’e ojehechaukaha árape, ñande ñatĩ henondépe, javy’a rãngue.