Joel 2:23

Ñanderuete Ñe’ẽ Porã 2015

Peẽ, Jerusalengua, pevy’aite ha penderory joaitéke pende Jára, pende Ruete ndive, Ha’e ome’ẽta peẽme pe ama hi’araitépe, ha omboukáta pendeári pe ama tenondegua ha hapykue pegua.

Referencias Cruzadas

1 Réyes 8:36

upérõ ehendu jevymi ichupekuéra yvága guive, ha eperdonami ne rembiguaikuérape ha ne retã Israel angaipa, ha embo’e jevymi ichupekuéra oiko hag̃ua tape porãme, ha emongymi yvy apére, ne retãyguakuérape reme’ẽ ndete voi ko yvy kóva imba’etee ramo.

Job 33:23

Ijypýpe oĩne peteĩ Ñanderuete ángel, hi’angelkuéra apytégui, ohekombo’e porãva ichupe oguata jevy hag̃ua Ñanderuete rape porãre.

Job 37:13

Umía Ha’e sapy’a ombou yvy apére jehavira ramo térã jehovasa ramo.

Salmokuéra 104:34

Tove taiporã che py’apy ñemongeta, avy’aite che Jára ndive.

Salmokuéra 147:8

Pe ára Ha’e omo’ãva heta arai reheve, Ha’e ombosako’i ama yvýpe g̃uarã ha omoheñói kapi’i cerrokuéra rehe.

Salmokuéra 149:2

Israel tahoryete ijapohare ndive, Jerusalen ra’ykuéra tovy’aite hetã ruvicha ndive.

Salmokuéra 28:7

Ñanderuete voi ningo chemombaretéva ha Ha’e oñangareko porã cherehe, che py’apýpe ajerovia hese, upévagui ahupity iñepytyvõ, ha vy’apópe che ñe’ã opurahéi, omomba’eguasu hag̃ua ichupe.

Salmokuéra 32:11

Pevy’aitéke ha penderoryetéke Ñanderuete ndive peẽ, heko potĩva, ha pepurahéike vy’apópe py’a potĩ reheve.

Salmokuéra 84:6

Ha ohasa asy ramojepe ñu perõ rupi ojehechaukáta ichupe yvu iporãva ha pe ama tenondeguáva ome’ẽ ichupe ijehovasa porã.

Mga Kawikaan 16:15

Pe tetã ruvicha resa porã oporomoingove, ha ipy’aporãva ningo ojogua amáme arahakúpe.

Isaías 30:21

Upéramo pende apysa ohendúta pe ñe’ẽ pende rapykuéguio he’íva: Kóa ha’ehína pe tape, peiko ipype; ha ani pejepoítei pende akatúa gotýo ni pepia pende asu gotýo.

Isaías 30:23

Upéicharamo Ñanderuete omboúta ama peñemitỹ hag̃ua, ha pende yvy hi’a porãta peneryg̃uatã porã hag̃ua ha pene rymbakuéra okaru joáta ñu ipy ha kapi’i iporãva oĩháme.

Isaías 41:16

Remombóta yvytúre, ha pe yvytu oguerovevepáta, ha pe yvytu jepoka omosarambipáta; revy’aitéta nde Ruete ndive, ha nderoryetéta Israel Jára ndive.

Isaías 61:10

Chepy’aroryetéta Ñanderuete ndive, che ánga ovy’aitéta che Jára ndive, chemonde haguére isalvacion pegua aópe ha cheñuã ijustícia rehegua ahojápe, ku omendátava peguáicha chembojeguaka hikuái, oñembojeguaka háicha kuñataĩ omendátava ijeguaka hepývape.

Jeremías 3:3

Ajoko ramojepe pe ama tenondegua ha ipaha pegua, nde nereñembyasýi ku kuña reko vaícha.

Jeremías 5:24

Ha nde’íri hikuái ipy’apýpe jepe: Jakyhyje ko’ág̃a Ñanderuete, Ñandejarateégui, omboúva hi’araitépe ama tenondegua ha ipaha peguáva, ha ombosako’íva hi’araitépe pe ñemitỹ ñemono’õha ára.

Lamentaciónes 4:2

Umi Sion ra’ykuéra ojehayhuveva’ekue óro potĩgui, mba’éichapa ojeguereko ko’ág̃a ichupekuéra, ko’ág̃a ojogua mba’yru ñay’ũguiguápe, ku ñay’ũ rehe omba’apokuaávaicha pópe.

Ezequiel 34:26

Ahovasáta ichupekuéra ha ijyvy, ha amboúta pe ama hi’araitépe; ama ojehovasapyréva.

Oséas 6:3

Ñañeha’ãmba jaikuaave hag̃ua Ñanderuetépe. Ha’e katuete oúta ñane rendápe ku kuarahy rendýicha osẽva opaite árape ha og̃uahẽta jaikohápe ku ama tenondegua ha ipaha peguáicha oúva ko yvy apére.

Levítico 26:4

Che amboúta peẽme ama hi’árape, pe yvy hi’a porã hag̃ua, ha umi yvyra ñu megua ome’ẽ hag̃ua avei peẽme hi’akuéra.

Amos 4:7

Che ajoko avei pendehegui pe ama mbohapy jasyjere umi ñemitỹngue oñemono’õ mboyve, ha amongy peteĩ táva ári, ha namongyukái ambue táva ári; peteĩ kokuépe oky, ha ambue kokuépe ndokýigui, ñemitỹnguéra ipirupa.

Zacarías 10:1

Pejeruréke Ñanderuetépe omongy hag̃ua hi’araitépe. Ñanderuete ombyatýta araikuéra, ha omongy porãta okakuaa porã hag̃ua opaichagua ñemitỹngue pende kokuépe.

Zacarías 10:7

Efrain ipy’aguasúta, ipy’apýpe horýta ku víno ho’urõguáicha; ita’yrakuéra ohechapáta ichupe ha ovy’a joáta, ipy’apýpe oguerohorýta Ñanderuetépe.

Zacarías 9:13

Che aiporúta Judápe che guyrapa ramo ha Efraínpe che hu’y ryru renyhẽ ramo, ha nde, Sion ra’ýgui ajapóta che kyse puku amopu’ãtava Greciayguakuéra rehe.

Zacarías 9:9

Evy’aitékena, Sion rajy, epurahéi vy’apópe, Jerusalen rajy, péina ápe ne retã ruvicha (Hesu Crísto) oúta ne rendápe nde Salvador ramo ijustícia reheve, Ha’e oñemomirĩta ha oúta peteĩ búrro ra’yrusu ári.

Apostolkuéra 14:17

Ha’e tapia ohechauka mba’eporã opaite tetãnguérape, Ha’e ombou yvágagui pe ama ha ára porã okakuaa hag̃ua pene ñemitĩnguéra, penemohyg̃uatã ha penembopy’a rorýva.

Deuteronómio 11:14

Ñanderuete katuete ome’ẽta ama hi’araitépe pende kokuépe, pe ama tenondegua ha pe hapykueguáva; ha pemono’õta pene mba’e ra’ỹi, pene víno ha pende aceiterã.

Deuteronómio 28:12

Ñanderuete oipe’ava’erã peẽme imba’erepy porã rokẽ, pe yvága ombou hag̃ua ama pende yvy apére hi’árape, ha ohovasa hag̃ua opaite mba’e pende po ojapóva guive. Peẽ peiporukava’erã heta tetãme, peẽ katu ndapejeruremo’ãi mba’eve avavépe.

Deuteronómio 32:2

Totyky amáicha che rekombo’e, tokukúi ysapýicha che ñe’ẽ, ku amarayvi ho’a háicha kapi’ipe ári ha Ñanderuete omondyky háicha ñemitỹnguéra ári.

Filipoyguakuérape 3:1

Ha’eseve katu, pevy’áke Ñanderuete ndive. Che ahai jevy hag̃ua ko’ã mba’e ndaipohýiri chéve g̃uarã, ha peẽme g̃uarã iporãve (pehendu jevy ramo).

Filipoyguakuérape 3:3

Ñande ningo umi oñekytĩ’óva añetehápe, ñande jajeroviágui Ñanderuete Pytu Porãite rupi ha ñamomba’eguasúgui Hesu Crísto rembiapo porã ikurusureguare, ha ndajajeroviái kuimba’e rete rembiapóre, ojejapóva kuimba’e rete apérente.

Filipoyguakuérape 4:4

Pevy’a tapia Hesu Cristopype, ha ha’e jevy: Pevy’ákena.