Joel 2:21

Ñanderuete Ñe’ẽ Porã 2015

Yvy, ani rekyhyjétei, evy’a ha nderory katu, pende Ruete tuicha mba’e ojapótagui penderehe.

Referencias Cruzadas

Genesis 15:1

Ko’ã mba’e rire Ñanderuete oñe’ẽ Abram ndive techapáy rupive (visión), ha he’i ichupe: Ani rekyhyje, Abram; Che voi ningo ne mo’ãha ha ne rembiapo repy me’ẽha.

Salmokuéra 71:19

Nde, ore Ruete, nde justícia og̃uahẽ yvága peve, Nde ningo rejapo tuichaite mba’e; ore Ruete, máva piko ndeichagua.

Salmokuéra 98:8

Umi ysyry tojepopete joa ha opaite cérro tovy’a joaite.

Isaías 35:1

Ovy’áta pe yvy perõ ha pe yvy nandi; ha horyetéta pe ñu ipoty jevýgui ku yvotytýicha.

Isaías 41:10

Ani rekyhyje, Che voi aĩgui nendive, aníke nde py’akangy, che ha’égui nde Jára, nemombaretéva, tapiaite roipytyvõta, ha añangarekóta nderehe che pu’aka rupive.

Isaías 44:23

Yvagakuéra pepurahéike Ñanderuetépe ha’e voígui pende apohareteetéva; yvy rugua esapukái vy’apópe; cerrokuéra, ka’aguy ha oimeraẽ yvyra oĩva guive ipype pepurahéi torypápe Ñanderuete oipytyvõ jevýtagui Jacóbope, ha Israel retãme oñemomba’eguasu jevýta ichupe.

Isaías 54:4

Ani rekyhyjétei, nderejesareamo’ãi, ha ani retĩtei, nereñemotĩmo’ãi, nderesaraipáta katu ne mitãrõ guare ñemotĩgui, ha pe ñemotĩ nanemenavéi ramoguarégui.

Isaías 55:12

Añetehápe, vy’apópe ha torypápe pesẽ joáta, ha py’aguapy reheve peju jevýta; umi cérro ha umi cerrorusu opurahéi joáta pene renondépe, ha umi yvyra ñu rupigua ojepopete joáta.

Jeremías 33:3

Nde cherenói ramo Che ambohováita ndéve ha rombo’éta mba’e ndetuichapa jepévare, iñemimby ha reikuaa’ỹvare.

Oséas 2:21

Ha upe ára upévape pende Ruete he’i: Che ajapysakáta pe yvága ojeruréva rehe ha pe yvága ome’ẽta pe yvy ojeruréva guive.

Joel 2:20

Ha amomombyrýta pendehegui umi yvatéguio oñemoĩva penderehe, ha amondopáta ichupekuéra desiertoha rupi, yvy oñembotaperévape; umi tenonde pegua aitýta Yguasu kuarahyresẽ gotyoguápe, ha umi hapykue pegua aitýta pe Yguasu kuarahyreikeha gotyoguápe; ha oñehetũta inengue ha itujupáta, oñembotuicha haguére hikuái.

Joel 2:26

Pekarúta peneryg̃uatã porã hag̃ua, ha pemomba’eguasuetéta pende Ruetépe, pende Jára réra, mba’e techapyrãva (milagrokuéra) ojapova’ekue penderehehápe; ha araka’evéma che retã noñemotĩmo’ãvéima.

Zacarías 8:15

ko’ã árape hi’ãite chéve ajapo porã Jerusalen ha Juda róga rehe, upévare ani pekyhyjétei.

Deuteronómio 4:32

Peporandu umi ára ymaguare oikova’ekuépe, umi ára Ñanderuete ojapo ypy ramoguare kuimba’e ha kuña yvy apére, ojejapómapa ko’ãichagua mba’eguasu, térã oñehendúmapa ambue mba’e peichagua peteĩ yvága apýra guive ambue yvága apýra peve.

1 Samuel 12:16

Peha’ãrõ ha pehechava’erã umi mba’e tuichaitéva Ñanderuete ojapótava pende resa renondépe.

1 Samuel 12:24

Pekyhyjénte Ñanderuetégui ha pejapo añetehápe iñe’ẽ pende py’aite guive, pehechakuaáke tuichaite mba’e Ha’e ojapomava’ekue penderehe.