Joel 2:16

Ñanderuete Ñe’ẽ Porã 2015

Pembyaty tetãyguakuérape, pemboheko potĩ pende aty, pembyaty umi karai anciánope, pembyaty umi mitã ha umi okambúvape, tosẽ ikotýgui karia’y ha kuñataĩ omenda ramóva.

Referencias Cruzadas

2 Crónicas 20:13

Ha opaite Judaygua oñembo’y joahína Ñanderuete renondépe, mitãkuéra, hembirekokuéra imembykuéra ndive.

2 Crónicas 29:5

Ha he’i ichupekuéra: Peẽ Leviguakuéra cherendúke: Peñemboheko potĩ ko’ág̃a, ha pemopotĩ Ñanderuete, pende rukuéra Jára rogaguasu, ha peipe’a opaite mba’e ky’a.

2 Crónicas 30:17

Ha oĩgui hetaiterei ijatýva apytépe oñemboheko potĩ’ỹva, upévagui Leviguakuéra oikuave’ẽ pe páscua umi oñemopotĩ’ỹva’ekue rehe, omboheko potĩ hag̃ua ichupekuéra Ñanderuetépe g̃uarã.

2 Crónicas 30:19

Ore Ruete, ore rukuéra Jára, jepémo noñembohekopotĩrira’e oñekotevẽ háicha oike hag̃ua Ñanderuete rogaguasúpe.

2 Crónicas 35:6

Upéi peikuave’ẽ pe páscua; ha peñembohekopotĩ rire, pembosako’i pende ryke’ykuérape ojapo hag̃ua Ñanderuete ñe’ẽ Ha’e he’i haguéicha Moises juru rupi.

Job 1:5

Ha ohasa rire umi karuguasu ára, Job ohenói ichupekuéra ombohekopotĩ hag̃ua. Ha Job opu’ã pyharevete oikuave’ẽ hag̃ua kuave’ẽmby ojehapypáva peteĩteĩva rehe. Job he’ígui ipy’apýpe: Ikatúntemo oime hembiapo vaíra’e che ra’ykuéra, ha oñe’ẽvai mba’e Ñanderuete rehe ipy’apýpe. Péicha Job ojapo jepi tapiaite hesehapekuéra.

Salmokuéra 19:5

Ha pe kuarahy ku menarãicha osẽ ikotýgui, ovy’aite ku oñanívaicha haperã rehe.

Éxodo 19:10

Ha Ñanderuete he’i Moiséspe: Tereho Israelguakuéra rendápe ha emboheko potĩ ichupekuéra ko árape ha avei ko’ẽrõ; ha tojohéi hikuái avei ijao,

Éxodo 19:15

Ha he’i hetãyguakuérape: Peñembosako’i porãke pe ára mbohapyhápe g̃uarã; ani peikótei pene rembireko ndive.

Éxodo 19:22

Ha umi pa’i oñembojakuaáva che rendápe toñemboheko potĩ raẽ, ani hag̃ua Che añemoĩ hesekuéra.

Joel 1:14

Peñembyatypa, peguerosapukái ha pehasa karu’ỹme, opaite karai anciáno ha tetãyguakuéra peñembo’e pende Ruete rógape.

Matéo 21:16

Ha oporandu ichupe: Rehendúpa ko’ã he’íva. Ha Hesu he’i ichupekuéra: Ahendu. Ndapejohúi piko Ñanderuete kuatiañe’ẽme: Umi mitãmi ha umi okambúva juru omomba’eguasu ichupe (Salmokuéra 8,2).

Matéo 9:15

Ha Hesu he’i ichupekuéra: Ikatu piko umi mendahápe oĩva oñembyasy pe ména oĩ aja hendivekuéra. Og̃uahẽva’erã katu pe ára ojepe’ataha ichuguikuéra pe ména, ha upépe ae oayunáta hikuái avei.

1 Corintoyguakuérape 7:5

Anítei peñombotove ojuehegui, peñemoĩrõ peteĩ ñe’ẽmente mbovy ára peñembo’e hag̃ua, uperire katu peiko jevy oñondive, ani hag̃ua Satana penera’ã ndapejejokokuaáigui, ha pe’a teko ky’ápe.

Josué 7:13

Epu’ã emboheko potĩ tetãyguakuérape, ha ere: Peñemboheko potĩ ko’ẽ ramog̃uarã; pende Ruete, Israel Jára péicha he’i: Oĩ ningo pe oñemoangaipáva pende apytépe, upévare Israel ndaikatumo’ãi oñemoĩ hese ija’e’ỹva rehe, pehundi peve pende apytégui pe ho’ava’ekuépe maldicion poguýpe.

Josué 8:35

Upéicha Josue omoñe’ẽ opaite ko’ã tembiapoukapy Moises ohaiva’ekue, mokõi Israel atyguasúpe, opaite kuimba’e, kuña, mitã ha tetã ambueyguáva renondépe.

1 Samuel 16:5

Ha’e ombohovái: Añete, aju aikuave’ẽ hag̃ua Ñanderuetépe. Peñemboheko potĩ ha peju chendive pe kuave’ẽmbyhápe, Samuel ohenói avei Isai ha ita’yrakuérape kuave’ẽmbyhápe ha he’iuka avei ichupekuéra oñemboheko potĩ hag̃ua.