Joel 2:14

Ñanderuete Ñe’ẽ Porã 2015

Ha mávapa oikuaáne, ikatu Ha’e ombyasy ha ome’ẽ jevy ijehovasa, peikuave’ẽ hag̃ua trígo ha víno pende Ruete, pende Járape g̃uarã.

Referencias Cruzadas

2 Samuel 12:22

Ha David he’i ichupekuéra: Oikove aja pe mitã, che ndakarúi ha cherasẽnte ha’égui chejupe: Mávapa oikuaa Ñanderuete oiporiahuverekónepa oikove hag̃ua pe mitã.

2 Samuel 16:12

Ikatúntemo Ñanderuete oma’ẽ che jepy’apy asy rehe, ha ome’ẽ chéve mba’eporã ko ára pegua ko maldicion rekovia.

2 Réyes 19:4

Ñanderuete, nde Jára ohendupánera’e opaite ñe’ẽ, Rabsaces he’imava’ekue, Asíria retã ruvicha he’iukava’ekue oñe’ẽvai hag̃ua Ñanderuete oikovéva rehe, ha iñe’ẽ rupi oñembohory asy Ñanderuetépe. Ñanderuete tohavira ichupe ha nde, Isaías, eñembo’e Judayguakuéra hembymíva rehehápe.

Éxodo 32:30

Uperiregua árape Moises he’i hetãyguakuérape: Peẽ peñemboheko vaipágui ajupi jevýta Ñanderuete rendápe, aporandu hag̃ua Ñanderuetépe: Ha’epeneperdona jevýtapa térã nahániri.

Isaías 65:8

Péicha pende Ruete he’i: Parral’a hykue guive, oje’e, naiporãi ojeheja oñehundi rei, oĩgui pende Ruete jehovasa ipype, péicha Che ajapóta avei che retã rehe, nahundipamo’ãi katu.

Jeremías 18:8

Ha upe tetã ha’emava’ekuépe oñembyasy jevy ramo ojapo vai haguére ha opoi ramo hembiapo vaígui Che avei apoíta che ñe’ẽnguégui ha ndajapomo’ãi ajapomo’ãva’ekue hesekuéra.

Jeremías 26:13

Pepoi katu pende rape ha pene rembiapo vaígui, ha peneñe’ẽrendu Ñanderuete, pende Járape, ha Ñanderuete ndojapomo’ãi opaite mba’evai he’imava’ekue penderehe.

Jeremías 26:3

Ikatu hag̃uánte nerendu hikuái, ha peteĩteĩva ojevy hape vaígui, ha natekotevẽmo’ãi ahavira ichupekuéra hembiapo vaikuéra rehe.

Joel 1:13

Peẽ pa’ikuéra pejeku’a jopy ha pejahe’o joáke, penepyahẽ asy joáke, peẽ kuave’ẽmby renda rembiguaikuéra. Peju ha peke ao vosakue reheve, che Jára rembiguaikuéra, ojepe’a haguére pe kuave’ẽmby tembi’u ha víno rehegua pende Ruete rogaguasúgui.

Joel 1:16

Pe tembi’u ojepe’áta pende resa renondégui, ha upéicha avei pe vy’a ha tory pende Ruete rógape.

Joel 1:9

Pe kuave’ẽmby tembi’u ha víno rehegua opáma pende Ruete rógape, ha ipa’ikuéra oñembyasyetéta opa haguére pe tembiapo pende Ruetépe g̃uarã.

Amos 5:15

Pepoi mba’evaígui, ha pehayhu mba’eporã, peiporu justícia añeteguáva, upéicharamo Ñanderuete, Yvága Atykuéra Jára oiporiahuvereko jevý Jose rembyremíme.

Jonas 1:6

Ha umi barcoguasu ruvicha oñemboja Jonas rendápe ha he’i ichupe: Mba’érehe piko rekereína. Epu’ã ha eñembo’e nde Járape, ikatu mba’éntemo ñandeporiahuvereko, nañamanombái ko y pochy rupi.

Jonas 3:9

Ikatu porãnte ningo Ñanderuete oñembyasy orerehe, ha ojei ipochýgui, ha ikatu péicharõ nañamanombái.

Sofonías 2:3

Peheka Ñanderuetépe peẽ peñemomirĩva guive, peẽ pejapóva guive hekoitépe hembiapoukapy, peheka justícia, peñemomirĩve pehóvo, upéicha ikatúne pejohu pytyvõ ipochyha árape.

Hagéo 2:19

Pema’ẽ porãke temitỹ ra’ỹinguéra rehe oñeñongatúva gueteri hendápe. Pe parral, pe hígo, pe granáda ha pe olívo ne’ĩra gueteri ipoty, Che katu ko ára guive amboheta porã jevýta pende koga’akuéra.

2 Timotéope 2:25

Ñemomirĩme ha teko porã reheve ohekombo’eva’erã umi oñemoĩvape hese, ha oha’ãrõva’erã Ñanderuete omoambue hag̃ua ipy’aro (ipy’a vai) py’a porãme, ojohu hag̃ua hikuái avei pe añetegua rape,

Josué 14:12

Eme’ẽna chéve ko’ág̃a ko cérro, Ñanderuete oñe’ẽva’ekuégui, nde voi rehendu avei pe ára pévape oiko hague gueteri Anacguakuéra, ha oĩha avei upépe umi táva tuicháva ha ikorapy jere ijyvatéva. Ikatu Ñanderuete oĩ chendive, ha amosẽta ichupekuéra, Ñanderuete he’i haguéicha.

1 Samuel 6:5

Upévare pejapo, pende susu’a ha pene anguja ra’ãnga ombyaíva pene retã ha pemomba’eguasu Israel Jarateépe; ikatu mba’e ningo Ha’e ombovevuive ipo pende árigui, pende jára ha avei pende jeikoha árigui.