Joel 2:10

Ñanderuete Ñe’ẽ Porã 2015

henondépe oryryipáta pe yvy, iñangekõita umi yvága, kuarahy ha jasy iñypytũmbáta, ha mbyjakuéra nahendymo’ãvéi.

Referencias Cruzadas

Salmokuéra 114:7

Nde yvy, eryrýi Ñanderuete renondépe, Jacóbo Jára renondépe pe yvy oryryipa.

Salmokuéra 18:7

Upéramo oñemomýi ha oryrýi pe yvy; umi cérro rapo peve oñemomýi ha oryrýi Ha’e ipochy ramo.

Isaías 13:10

Upévare umi mbyja ha umi mbyja aty ndohesapemo’ãvéi; ha pe kuarahy osẽngue vovénte iñypytũta, ha jasy ndohesapemo’ãvéi avei.

Isaías 34:4

Ha umi mbyja ára pegua opa reíta, ha yvagakuéra oñembyapakuáta ku kuatiáicha; ha ho’apáta jasytata, ku parral rogue okúi háicha, ha hígo rogue ho’a háicha.

Isaías 5:30

Ha upe ára upévape osunúta hi’ári ku yguasu pochy hyapu háicha; ha oma’ẽvo pe tetã rehe ojehecha pytũ oporomongyhyjéva oñu’ã pe yvy, ha arai anambusu omoypytũ pe tesape.

Jeremías 4:23

Ama’ẽ ningo yvy rehe, ha péina itapere ha inandipa; ha ama’ẽ ára rehe, ha ndaiporivéima pe tesape.

Joel 2:2

Upe ára upévape iñypytũ ha hi’araipa, ikuarahy’ã ha hatatĩna iñasãi háicha pe ko’ẽjúvo cerrokuéra rehe, péicha oñemyasãita peteĩ tetã imbarete itereíva. Peichagua mba’e araka’eve ndaiporiva’ekue, ha ndaiporimo’ãvéima avei.

Joel 2:31

Pe kuarahy iñypytũta ha jasýgui oikóta tuguy, og̃uahẽ mboyve Ñanderuete araguasuete ha oporomongyhyjeitéva.

Joel 3:4

Ha avei peẽ, Tíro, Sidon ha Filistéa retã tuichakue, mba’épa pejapose. Pemyengoviase piko Che ajapova’ekue penderehe térã peẽ voi peñorãirõse chendive, peju pya’e Che aity jevy hag̃ua hepykue pene akã ári.

Amos 5:8

Peheka raẽ mbyja atykuéra apoharépe ha pe mbyja hesakã mbaretéva Jára, Ha’e ningo ojapo pyharégui ko’ẽ porã, ha pe ára hesakãvagui pyhare pytũ, Ha’e ohenói pe y oĩva yguasúpe ha omyasãi yvy apére, Jahve ningo héra.

Nahum 1:5

Umi cerro tuicháva oryryipa henondépe ha pe yvy aty hykupa, pe yvy ha opaite oikóva guive ijape ári osusũmba.

Matéo 24:29

Ha aipo jehasa asyguasu rire, pe kuarahy iñypytũmbava’erã, ha pe jasy ndohesapemo’ãvéi, ha mbyjakuéra ho’áta áragui, ha yvagakuéra pu’aka oñemongu’epava’erã.

Matéo 27:51

Upévo Ñanderuete rogaguasu aosãingo osoro mbyte rupi, yvate guive yvy peve; ha pe yvy oryrýi, ha umi itaguasu ojeka;

Apostolkuéra 2:20

pe kuarahy oñemoambuéta iñypytũmba peve, ha jasýgui oikóta tuguy, ko’ã mba’e oikóta Hesu Crísto ára ojajaipáva og̃uahẽ mboyve.

Apocalípsis 20:11

Ha che, Juan, ahecha pe guapyhaguasu morotĩ ha pe oguapýva hi’ári, ha hovakégui okañy pe yvy ha pe ára, ha ndojejohuvéima mamove.

Apocalípsis 6:12

Ha ahechávo ojepe’aha pe ta’ãnga jopyha 6-ha oiko peteĩ yvyryrýi ndetuicháva, ha pe kuarahy oñemohũmbaite pyhare pytéicha, ha pe jasy oñemopytã tuguýicha.

Apocalípsis 8:12

Ha pe yvága rembiguái irundyha ombopúvo ituru pe kuarahy párte mbohapyha ha pe jasy párte mbohapyha ha umi jasytata párte mbohapyha iñypytũmba ha ndohesapevéi pe ára, ha upéicha avei pe pyhare párte mbohapyha.

Apocalípsis 9:2

Ha ha’e oipe’ávo pe yvykua pypukuete (yvypore’ỹ) rokẽ ojupi tatatĩ ha omoypytũmba pe kuarahy ha pe ára.