Joel 2:1

Ñanderuete Ñe’ẽ Porã 2015

Pembopu turu Siónpe, oñehendu porã hag̃ua che cérro porãite rupi, toryryipa opaite yvy apére oikóva guive, og̃uahẽmbotágui Ñanderuete ára.

Referencias Cruzadas

1 Crónicas 15:28

Péicha Israelguakuéra ogueraha vy’apópe Ñanderuete karameg̃ua, turu, trompéta, platíllo ha mbaraka púpe.

Salmokuéra 119:120

Aryryipa akyhyjégui ndehegui, ha akyhyje ne ñembojovakégui.

Salmokuéra 87:1

Ñanderuete voi omopu’ã Sion cérrope hogaguasu.

Éxodo 10:14

Ha ou tukueta Egípto retã tuichakuépe, hetaiterei oĩ’ỹ haguéicha ymave ha oĩ’ỹ hag̃uáicha uperire;

Isaías 13:6

Pejahe’óke, hi’ag̃uietéma Ñanderuete ára, oúta pe Ipu’akapáva ombyai hag̃ua.

Isaías 13:9

Cháke, Ñanderuete ára ouhína, kyhyje, ñeko’õi ha pochy reheve, ombyai hag̃ua ko yvy tuichakue ha ohundi hag̃ua angaipavorakuérape.

Isaías 2:12

Upe árape yvága atykuéra Jára oñemoĩta opaite umi ojejapóva rehe, oñembotuicháva ha mayma oñemomba’eguasúva rehe oñemomirĩva’erã katuete;

Isaías 66:2

Che po voi ojapopaiteva’ekue ko’ã mba’e ko’ãva, ha chendive opaite ko’ã mba’e oñepyrũmba, he’i pende Ruete; ha Che ama’ẽ’aína umi oñemomirĩvare, umi oñembyasývare ipytúpe ha umi oryrýivare ohendu guive che ñe’ẽ.

Isaías 66:5

Upévare pehendu pende Ruete ñe’ẽ, peẽ pekyhyjéva, pehendu che ñe’ẽ. Pene pehẽngue oñemoĩva penderehe ha penemosẽva okápe che réra rehe, he’ígui hikuái: Ñanderuete tohechauka ipu’aka ore rohecha hag̃ua peẽ pevy’aha; umía katuete oñemotĩmbava’erã.

Jeremías 16:10

Ha remombe’u ramo ko tetãme ko’ã mba’e, he’íta ndéve: Mba’érehe piko Ñanderuete he’i ojehutaha oréve ko mba’evai kóva. Araka’épa oreñaña, térã ore roja’yvere, térã ore rojapo mba’evai Ñanderuete, pe Jaraitéva Járape g̃uarã.

Jeremías 16:7

Avave nome’ẽmo’ãi pan omoangapyhy hag̃ua umi oñembyasývape omano haguére hogaygua ni noñeme’ẽmo’ãi ichupekuéra omboy’u hag̃ua peteĩ váso omoangapyhy hag̃ua ichupekuéra itúva ha isy omano haguére.

Jeremías 4:5

Pemoherakuã Judápe, peguerosapukái Jerusalénpe ha peje: Pembopu turu tetãpy rehe; pesapukái ha peje: Peñembyaty ha jaike umi táva oñemombarete porãvape.

Jeremías 5:22

Ndapekyhyjemo’ãi piko chehegui, he’i pende Ruete, ndaperyryimo’ãi piko che renondépe, amoĩma yvyku’i yguasu rembe’ýpe, hi’y ani hag̃ua ohasa upeguive, oñemopu’ã yvate ha okororõ vai ramojepe ndaikatúi ohasa upégui.

Ezequiel 12:23

Upévare, ere ichupekuéra: Péicha he’i pende Ruete: Amboguéta ko ñe’ẽnga kóva, ani hag̃ua oje’eve ko ñe’ẽnga kóva Israel retãme. Ere ichupekuéra: Oñemoag̃uíma umi ára umíva, ha mayma ojehechaukáva payetépe (visiónpe) oikóta katuete.

Ezequiel 21:12

Esapukái ha ejahe’o, kuimba’e ra’y, kóa oúta che retã ha mayma imburuvichakuéra ári; ha’ekuéra ho’áta avei kyse puku rupi che retãyguakuéra ndive, upévagui einupã nde ku’a rehe.

Ezequiel 30:3

Hi’ag̃uietéma upe ára, hi’ag̃uíma pende Ruete ára, ha upe ára Ha’e ohavirataha tetãnguérape, pévata peteĩ ára ijaraipáva.

Ezequiel 33:3

ha ha’e ohecha ramo ou hetãme hese ija’e’ỹva ha ombopu ramo turu oavisa hag̃ua hetãyguakuérape,

Ezequiel 33:6

Ha pe tetã ñangarekohára ohecha ramo ou hetãme hese ija’e’ỹva ha nombopúi ramo ituru, ha hetãyguakuéra ndoikuaái ramo, ha ou hetãme hese ija’e’ỹva ojuka peteĩvape, kóa ojejapyhýta hembiapo vai rupi, ha pe tetã ñangarekohára pógui katu ajeruréta upe omanóva ruguy.

Ezequiel 7:10

Ema’ẽ porãke, péva ningo upe ára, péina ápe ouhína; og̃uahẽma upe ko’ẽ; yvyarigua reko vai ipotýma ha iñembotuicha og̃uahẽma.

Ezequiel 7:12

Oúma upe ára, hi’ag̃uíma upe ko’ẽ, aníke ovy’átei upe ojoguátava térã upe ovendétava, ani hasẽtei, Ñanderuete pochy oĩ mokõivéva aty ári.

Daniel 6:26

chete voi amoĩ ko tembiapoukapyrã kóva: Ko tetãguasúpe, oĩva che poguýpe aipota opavave okyhyje ha oryrýi Daniel Jára renondépe, Ha’eguihína Jára oikovéva ha oikóva apyre’ỹ meve g̃uarã, ha hetãguasuetéva araka’eve noñehundiriva’erã, Ha’e ipu’akapava’erã tapia guarã.

Daniel 9:16

Ore Jára, nde py’a porãitégui, emomombyry nde pochy Jerusalen ha pe cérro Nde reiporavóvagui; ore ha ore rukuéra angaipa rupi ambue tetã opuka ha oñembohory Jerusalen ha Israelgua rehe.

Daniel 9:20

Añembo’e ha añemombe’u jave che ha che retã Israel angaipa rehe, ha añohẽ jave che mba’ejerure Ñanderuete, che Jára renondépe, che Jára cérro porãite rehe,

Oséas 5:8

Pembopu ovecha ratĩ Gibéape, turu Rámape, pesapukái Betavénpe, peavisa Benjamínpe.

Oséas 8:1

Emoĩ pe turu nde jurúpe, umi penderehe ija’e’ỹva ojeitýta Ñanderuete rogaguasu ári ku ñapykanícha, upéicha che pohaviráta pepoi haguére che ñe’ẽme’ẽgui ha peñemoĩ haguére che rembiapoukapýre.

Joel 1:15

Cháke upe ára upéva hi’ag̃uíma, pende Ruete ára ha pe Ipu’akapáva ñehundiguasu outamahína.

Joel 2:11

Pende Ruete katu osunúta iñorãirõhára atyguasuete renondépe, hetaiterei ningo umi ojapóva hembipota; mba’eguasuete pende Ruete ára, ha oñemondyiete hikuái, mávapa ikatu ipu’aka hese.

Joel 2:15

Pembopu turu Siónpe, peikuaauka karu’ỹ, peñembyaty peñembo’e hag̃ua.

Joel 2:31

Pe kuarahy iñypytũta ha jasýgui oikóta tuguy, og̃uahẽ mboyve Ñanderuete araguasuete ha oporomongyhyjeitéva.

Joel 3:14

Heta tetã oñembyaty pe ñemono’õha ñúme, hi’ag̃uietéma Ñanderuete ára, pe ñemono’õha válle.

Joel 3:17

Peikuaa porãta Che ha’eha pende Ruete, pende Jára, Siónpe oikóva, che cérro aiporavova’ekuépe ha Jerusalen oikóta pe yvy poravopyre ramo, ha tetã ambueygua nombopoguymo’ãvéi ko táva kóvape.

Amos 3:6

Oñembopúnepa pe turu tavapýpe, oñemondyi’ỹre tavayguakuéra. Oĩnepa jehasa asy (desgrácia) peteĩ tavapýpe, pende Ruete ndojapoukái ramo.

Amos 5:18

Angái, angái, umi oha’ãrõva ou hag̃ua pende Ruete ára. Mba’upépa peipota pende Ruete ára og̃uahẽ, péva ningo peteĩ ára iñypytũva, ndaha’emo’ãi ára hesakãva,

Amos 8:2

Ha he’i: Amos, mba’épa rehecha. Ha che ha’e ichupe: Peteĩ ajaka’i henyhẽva yvágui. Ha Ñanderuete he’i chéve: Israel hi’ajúma, opáta, naperdonamo’ãvéima hembiapo vaikuekuéra.

Abdías 1:15

Hi’ag̃uíma pende Ruete ára ombohasa asy hag̃ua umi tetãme, nde rejapo hagueichaite ojejapóta avei nderehe, ne rembiapo vai oupa jevýta ne retã ári.

Sofonías 1:14

Hi’ag̃uíma Ñanderuete araguasu, hi’ag̃uietéma ha oupotaitéma; upérõ, kyhyjepópe osapukáita pe ipy’aguasuvéva jepeve.

Sofonías 1:16

Ha pe árape oñembopúta pe turu ha oñehendúta ñorãirõ ryapu ha oñemoĩta hikuái pe táva oñemombaretéva ha umi óga yvatéva rehe.

Sofonías 1:7

Ekirirĩetéke pende jara pu’akapáva renondépe, hi’ag̃uietéma pende Ruete ára, pende Ruete voi ombosako’íma pe kuave’ẽmby, ha omopotĩma umi ohenóivape ikaruguasuhápe.

Sofonías 3:11

Upe ára upévape nde, Jerusalen, nereñemotĩmo’ãi mba’eveichagua ne rembiapokue rejapova’ekuégui ha reñemoĩvo cherehe, aipe’apáta nde apytégui opaite umi oñembotuichava’ekue, ha araka’eve nereñembotuichaveimava’erã che rogaguasúpe, oĩva che cérrope.

Zacarías 14:1

Pehendu porãke, Ñanderuete ára outahína, ha pene mbytépe oñemboja’ova’erã umi mba’erepy ñorãirõ megua.

Zacarías 8:3

Péicha he’i pende Ruete: Che amyatyrõ jevýta Sion, ha aikóta Jerusalen mbytépe, ha Jerusalen oñembohérata táva jeroviaha ha pende Ruete cérro oñemboheráta cérro oñemboykéva Ñanderuetépe g̃uarã.

Malaquías 4:1

Ñanderuete he’i: Cháke, og̃uahẽ ramo upe ára upéva tatakuáicha hendýta, ha opavave oñembotuicháva guive ha mayma tembiapo vai ojapóva guive okáita ku ñana pirukuéicha ha mba’eve nahembymo’ãi, ndopytamo’ãi yvyra rakã, ha hapokuéra jepeve okaipáta.

Números 10:2

Ejapouka mokõi turu (trompéta) óro morotĩguiguáva, martíllope oñe’ẽmbotava’erãva ha umía reiporúta rehenói hag̃ua ne retãyguakuérape atyguasúpe, ha remongu’e hag̃ua atyguasukuéra oipykúi jevy hag̃ua hapekuérare.

Números 10:3

Ha oñembopu ramo mokõivéva, opaite ne retãygua oñembyatyva’erã nde ypýpe, pe óga jojohuha rokẽme.

1 Corintoyguakuérape 14:8

Pe trompéta (ojogua turúpe) ndaipúi porã ramo, mávapa oñembosako’íta oñorãirõ hag̃ua.

Filipoyguakuérape 2:12

Upévarehe che hermanokuéra ahayhuetéva, peẽ peneñe’ẽrenduva’erã aimerõguáicha pende apytépe, ko’ág̃a che aĩ ramojepe mombyry pende rekohágui peneñe’ẽrendúke avei, ha peñeha’ãmba pehupity ryrýi ha kyhyjepópe pene salvacion.

1 Tesalonicayguakuérape 5:2

peẽ ningo peikuaa porã voi pe ára Hesu Crísto og̃uahẽ jevytaha, oúta ku mondaháicha oúva pyharekuépe.

Tiágo 5:8

Upéicha peẽ peha’ãrõ avei, pemombarete katu pende py’apy, Hesu Crísto ou jevytamahína.

1 Pédro 4:7

Opaite mba’e, opapotaite upévare peñeñangarekóke peñembo’e hag̃ua hekoitépe.

Apocalípsis 6:17

Og̃uahẽ ningo ipochyha araguasu, ha mávapa ikatúne ogueropu’aka.