Joel 1:9

Ñanderuete Ñe’ẽ Porã 2015

Pe kuave’ẽmby tembi’u ha víno rehegua opáma pende Ruete rógape, ha ipa’ikuéra oñembyasyetéta opa haguére pe tembiapo pende Ruetépe g̃uarã.

Referencias Cruzadas

2 Crónicas 13:10

Oréve g̃uarã katu Ñanderuete opyta ore Jára ramo, ndoropoíri ichugui; ha umi pa’i omba’apóva Ñanderuetépe g̃uarã Aaron ra’ykuéra voi, ha umi oipytyvõva ichupekuéra Leviguakuéra meme.

Éxodo 28:1

Remog̃uahẽta ne rendápe nde ryke’y Aaron ha ita’yrakuérape: Nadab, Abiu, Eleazar ha Itamar. Ha’ekuéra oiko hag̃ua che pa’ikuéra ramo Israel ñemoñarenguéra apytépe.

Isaías 61:6

Ha peẽ peñembohérata Ñanderuete pa’ikuéra, ha pende rérata Ñanderuete rembiguaikuéra, oñeme’ẽta peẽme ambue tetãnguéra mba’erepy ha peñembojeguakáta imba’ekuerakuére.

Lamentaciónes 1:16

Ko’ã mba’e rupi cherasẽ, che reságui osyrymanteva’erã che resay, ojeígui che ypýgui chemoangapyhy ha chemokyre’ỹva; che ra’y ha che rajykuéra oñehundipa, ipu’akágui cherehe ija’e’ỹva.

Lamentaciónes 1:4

Jerusalen callekuéra inandi ha oñembyasy ndaipórigui oúva areteguasuhápe; mayma hokẽnguéra ojeitypa, ipyahẽ asy ipa’ikuéra, ikuñataĩ imarã’ỹva ojepy’apy joa, opaite Jerusalengua katu oñembyasyeterei.

Oséas 9:4

Ndoikuave’ẽmo’ãvéima víno pende Ruetépe, ha hymbakuéra oikuave’ẽva nombovy’amo’ãvéima Ijapoharépe ha peẽ ndaikatuvéima pegueraha pene pan pende Ruete rogaguasúpe, ha’égui pan oñembyasýva, pene pan peiporúta pemohyg̃uatã hag̃uánte pende rete, nog̃uahẽmo’ãvéima pende Ruete rogaguasúpe.

Joel 1:13

Peẽ pa’ikuéra pejeku’a jopy ha pejahe’o joáke, penepyahẽ asy joáke, peẽ kuave’ẽmby renda rembiguaikuéra. Peju ha peke ao vosakue reheve, che Jára rembiguaikuéra, ojepe’a haguére pe kuave’ẽmby tembi’u ha víno rehegua pende Ruete rogaguasúgui.

Joel 1:16

Pe tembi’u ojepe’áta pende resa renondégui, ha upéicha avei pe vy’a ha tory pende Ruete rógape.

Joel 2:14

Ha mávapa oikuaáne, ikatu Ha’e ombyasy ha ome’ẽ jevy ijehovasa, peikuave’ẽ hag̃ua trígo ha víno pende Ruete, pende Járape g̃uarã.

Joel 2:17

Pa’ikuéra, pende Ruete rembiguái, tojahe’o Ñanderuete rogaguasúpe ha kuave’ẽmby renda pa’ũme. Tojahe’o joa ha toñembo’e, ha te’i hikuái: Nde, ore Ruete, oreporiahuverekomína ha ani reheja ambue tetã ombopoguy ne retã Israélpe. Mba’upépa ambue tetãnguéra he’íta: Mamo piko oime Israel Jára.