Joel 1:3

Ñanderuete Ñe’ẽ Porã 2015

Ko’ã mba’e pemombe’úta pende ra’ykuérape, ha pende ra’ykuéra ombohasáta ita’yrakuérape, ha ita’yrakuerare omombe’u jevýta iñemoñarenguérape.

Referencias Cruzadas

Salmokuéra 145:4

Tuvakuéra tomomba’eguasu Ñanderuete rembiapokue ita’yrakuéra renondépe, tomombe’u ichupekuéra umi mba’e tuichaitéva Ha’e ojapova’ekue.

Salmokuéra 44:1

Nde, ore Ruete, ore apysakuéra rupive rohenduva’ekue, ore rukuéra omombe’uva’ekue oréve pe tembiapo rejapova’ekue hi’arakuérape, umi ára ymaguarépe.

Salmokuéra 71:18

Chetujáma ningo ha che akã rague morotĩmbámarõ jepe, Nde, che Ruete, ani chereja rei, amombe’uve hag̃ua nde pu’aka ha ne mbaretekue che ñemoñarenguérape ha mayma ouva’erãvape.

Éxodo 13:14

Ko’ẽ ramo ára nde ra’y oporandúrõ ndéve, he’ívo: Mba’épa he’ise ko’ã mba’e kóva, eréta ichupe: Ñanderuete oreguenohẽ pyapy mbaretepópe Egíptogui, tembiguái rekógui;

Isaías 38:19

Pe oikovévante ikatu nemomba’eguasu, che romomba’eguasu háicha ko ára kóvape; pe túva oikuaauka ita’yrakuérape ne añetegua.

Deuteronómio 6:7

ha ere jevy jeyva’erã nde ra’ykuérape, reime ramo nde rógape, térã tape rehe, reñeno térã repu’ãnguévo.