Joel 1:18

Ñanderuete Ñe’ẽ Porã 2015

Ñane rymbakuéra hasẽmba, vakakuéra itarovapa ndaikapi’ivéigui. Ha umi ovecha aty oñehundive ohóvo.

Referencias Cruzadas

1 Réyes 18:5

Ha Acab he’i Abdíaspe: Jaha tetãpýre opaite ykua ha yakã oĩha rupi, jahecha ndajajohúipa kapi’i ñamongaru hag̃ua kavaju ha mburikakuéra, anítei japyta ñane renda’ỹre.

1 Réyes 8:5

Ha tetã ruvicha Salomón ha Israelguakuéra oñembyaty hendive oikuave’ẽ hag̃ua Ñanderuete karameg̃ua renondépe hetaiterei ovecha ha torokuéra ojepapakuaa’ỹva.

Jeremías 12:4

Araka’e pevépa temitỹnguéra ipiru ha umi kapi’i ñumegua havirúta. Yvyarigua reko ñaña rupi opamive ohóvo mymba ha guyrakuéra; ha he’i hikuái cherehe: Che, (Jeremías), ndahechamo’ãiha henonderã.

Oséas 4:3

Upévare Israel retã ohasa asyete ha péicha avei opaite hymbakuéra, umi mymba ñu megua, guyrakuéra ha pirakuéra jepe ohasa asyetéta.

Joel 1:20

Umi mymba ñu rupigua hasẽmba joa avei ndéve, hypágui umi yvu ha tata ohapypágui pe kapi’ity ñu rupigua.

Amos 1:2

Ha he’iuka: Ñanderuete oñe’ẽtaha Sion guive, ha osapukáita Jerusalen guive, ha umi ovecha rerekua ñu megua oñembyasyete, ha pe Carmel cérro ru’ã ipirupáta.

Habacuc 3:17

Pe hígo rakã ndaipotýi ramojepe, umi parral ha olívo rakã ndahi’ái ramojepe, umi ñemitỹngue nome’ẽi ramojepe hi’upyrã, umi ovecha ha vakakuéra oñehundi ramojepe,

Hagéo 1:10

Upévare pe ára ojoko pe ysapy, ha pe yvy ojoko avei hi’akuéra.

Romayguakuérape 8:22

Ñande ningo jaikuaa opaite Ñanderuete rembiapokue ipyahẽhína oñondivepa ha ohasa asy peteĩ kuña imembypotávaicha.