Joel 1:14

Ñanderuete Ñe’ẽ Porã 2015

Peñembyatypa, peguerosapukái ha pehasa karu’ỹme, opaite karai anciáno ha tetãyguakuéra peñembo’e pende Ruete rógape.

Referencias Cruzadas

2 Réyes 10:20

Ha Jehu he’i: Peiporavo peteĩ ára pemomarangatu hag̃ua Baálpe. Ha ha’ekuéra oiporavo.

2 Crónicas 20:13

Ha opaite Judaygua oñembo’y joahína Ñanderuete renondépe, mitãkuéra, hembirekokuéra imembykuéra ndive.

Nehemías 8:18

Ha Ésdras ko’ẽ ko’ẽ rehe omoñe’ẽ Moises rembiapoukapykuéra oñepyrũha ára guive ka’arupytũ meve; ha omboareteguasu hikuái 7 ára pukukue, ha pe ára 8-hápe oiko atyguasu, ojejapóva hekoitépe.

Ester 4:16

Tereho ha embyatypaite Judayguakuéra Súsape oikóva guive, ha peiko karu’ỹme cherehehápe, ani pekaru ha ani pey’útei mbohapy ára ha pyhare pukukue, ha che, che kuñataĩkuéra ndive aikóta avei karu’ỹme, ha uperire aikéta ahecha hag̃ua tetã ruvichápe amboyke ramojepe pe tembiapoukapy péva ha amano ramo, tove tamano.

Jeremías 14:2

Juda oñemonde ao vosakuépe, hokẽnguérape ndaiporivéima avave; ñembyasypópe oguapy joa hikuái yvýpe, ha Jerusalenguakuéra ojahe’ohína.

Jeremías 36:9

Ha ojehu ningo Joacim, Josías ra’y, Juda retã ruvicha oisãmbyhy aja 5 áño, pe jasy 9-hápe, oje’e mayma Jerusalenguápe ha mayma Judaygua oúva Jerusalénpe opyta hag̃ua okaru’ỹre Ñanderuete renondépe.

Joel 1:2

Pehendúke ko’ã mba’e, peẽ karai ancianokuéra ha opaite Israelguakuéra, ojehúmapa koichagua mba’e pende árape térã pende rukuéra árape.

Levítico 23:36

Siéte ára pukukue peikuave’ẽva’erã kuave’ẽmby hendypáva pende Ruetépe g̃uarã; ha pe ára 8-hápe peguereko jevýta atyguasu, ha pe arete pévape peikuave’ẽva’erã kuave’ẽmby hendýva pende Ruetépe g̃uarã, mba’eveichagua tembiapo ndapejapoiva’erã.

Jonas 3:5

Ha umi Niniveygua oguerovia Ñanderuetépe, ha ohechauka oñembyasyha hikuái, upévare ndokaruvéi ha oñemonde ao vosakuépe, itujavéva guive imitãvéva peve.

Jonas 3:8

toñemondénte ao vosakuépe kuimba’ekuéra, kuñakuéra ha tymbakuéra, ha tojerure asy Ñanderuetépe, Ha’e oiporiahuvereko hag̃ua; ha oimeraẽva topoi heko vaígui, ha tome’ẽ jevy imondapyre oguerekóva ipópe ijarateépe.

Sofonías 2:1

Peñembyaty ha pejepy’amongeta porãke, peẽ petĩ’ỹva,