Joel 1:12

Ñanderuete Ñe’ẽ Porã 2015

Pe parralty ipiru ha pe hígo yvyra oñembyaíma, upéicha avei granáda, mbokaja ha manzána máta; ipirupa umi ñu rupigua yvyra rakãnguéra, upévare opa avei yvyarigua vy’a.

Referencias Cruzadas

Salmokuéra 4:7

Che py’a Nde rembohoryve ipy’akuéragui, ha’ekuéra omono’õ jave heta ikoga’a ha iparral rykue iñemono’õha árape.

Salmokuéra 92:12

Pe heko potĩva katu ipotýta mbokajáicha ha okakuaáta ku cédro Líbano peguáicha.

Cantar de los cantáres 2:3

Kuñataỹ oñe’ẽ: Ku manzána oiko háicha yvyra ka’aguy apytépe, péicha hína che mborayhu jára karia’ykuéra apytépe, ikuarahy’ãme aguapyse, ha hi’akue he’ẽ asy che jurúpe.

Cantar de los cantáres 4:13

Opaite mba’e oĩva térã osẽva guive ndehegui ojogua peteĩ granada’a aty iporãvape (yvyra hi’a he’ẽ asýva). Opaite imba’e ryakuã iporãitéva reheve (alhéña ha nárdo),

Isaías 16:10

Ojeíma ndehegui vy’a ha sapukái rory, parraltýpe ndojepurahéiri ha ndojevy’avéi; ojehykue’o haguépe pe parral’a avave noñamivéi, oñemokirirĩete pe parral’a ohykue’óva sapukái rory.

Isaías 24:11

Ojesapukaipa, ndaiporivéigui víno táva callekuérape, opaichagua vy’a opa rei, oñemosẽma vy’a yvy ape árigui.

Isaías 24:7

Pe víno oñehundi, pe parralty ipiru, ipyahẽ asy joa umi ipy’aroryva’ekue.

Isaías 9:3

Remboheta hetavéta tetãyguakuéra ha rembovy’aitéta ichupekuéra. Ovy’a joáta hikuái ne renondépe ku ovy’a ramoguáicha kóga ra’ỹi oñemono’õha árape, ku hory joa háicha soldadokuéra omboja’o jave umi mba’e oguerumava’ekue ambue tetãgui.

Jeremías 48:3

Horonaímgui oñehendu sapukái, ñehundi ha jehasa asy ndetuichaitéva.

Jeremías 48:33

Opáma Moab vy’a ha tory oĩva’ekue ikóga ha ijyvy porã rupi, Che ambyaíma ivíno ñongatuha ndojosomo’ãvéima puraheipópe parral’akuéra, ha umi opurahéiva ndopuraheimo’ãvéima vy’apópe.

Joel 1:10

Pe yvy oñembotaperéta ha pe kokue ombyasy oñembyaipa haguére pe trígo, ikã pe parral rykue ha ipiru umi olívo rakã.

Joel 1:16

Pe tembi’u ojepe’áta pende resa renondégui, ha upéicha avei pe vy’a ha tory pende Ruete rógape.

Jonas 4:7

Ambue ko’ẽme katu Ñanderuete ombou peteĩ yso ombyai hag̃ua pe mba’ysyvo,

Hagéo 2:19

Pema’ẽ porãke temitỹ ra’ỹinguéra rehe oñeñongatúva gueteri hendápe. Pe parral, pe hígo, pe granáda ha pe olívo ne’ĩra gueteri ipoty, Che katu ko ára guive amboheta porã jevýta pende koga’akuéra.

Malaquías 3:11

Che amondyipáta umi tuku ho’upávape, ha umía nombyaimo’ãvéima pende koga’akue, ha pende parralty hi’a porã jevýta, he’i ángel atykuéra Jára.

Números 13:23

Ha og̃uahẽ hikuái Escol yakã meve, ha upégui oikytĩ peteĩ parral rakã hi’a reheve, ha omosãingo peteĩ yvyra rehe mokõi kuimba’e ogueraha hag̃ua ijati’ýre, ha upéicha avei umi granáda ha hígo yvakuéra.