Joel 1:10

Ñanderuete Ñe’ẽ Porã 2015

Pe yvy oñembotaperéta ha pe kokue ombyasy oñembyaipa haguére pe trígo, ikã pe parral rykue ha ipiru umi olívo rakã.

Referencias Cruzadas

Genesis 4:12

Remba’apo ramojepe nde kokuépe nde neremono’õmo’ãvéi mba’eve ha reikóta kañyháme yvy apére ha nanerendamo’ãvéima mamove.

Isaías 15:6

Umi Nimrim pegua ykua oñembyaíta, ha pe kapi’i ipirupáma, yvyra rogue havirupáma, ndopytái peteĩ yvyra rogue hovyũva jepe.

Isaías 24:11

Ojesapukaipa, ndaiporivéigui víno táva callekuérape, opaichagua vy’a opa rei, oñemosẽma vy’a yvy ape árigui.

Isaías 24:7

Pe víno oñehundi, pe parralty ipiru, ipyahẽ asy joa umi ipy’aroryva’ekue.

Jeremías 12:11

Opyta itapere ha ityre’ỹ ha pe yvy ojahe’o; opyta itaperepaite che yvy, ndaiporivéigui ijapytégui ojepy’amongeta porãva.

Jeremías 12:4

Araka’e pevépa temitỹnguéra ipiru ha umi kapi’i ñumegua havirúta. Yvyarigua reko ñaña rupi opamive ohóvo mymba ha guyrakuéra; ha he’i hikuái cherehe: Che, (Jeremías), ndahechamo’ãiha henonderã.

Jeremías 48:33

Opáma Moab vy’a ha tory oĩva’ekue ikóga ha ijyvy porã rupi, Che ambyaíma ivíno ñongatuha ndojosomo’ãvéima puraheipópe parral’akuéra, ha umi opurahéiva ndopuraheimo’ãvéima vy’apópe.

Oséas 4:3

Upévare Israel retã ohasa asyete ha péicha avei opaite hymbakuéra, umi mymba ñu megua, guyrakuéra ha pirakuéra jepe ohasa asyetéta.

Oséas 9:2

Pende kogaty ha parralty napenemongarumo’ãi haparral’a ndapehykue’omo’ãvéima pende apytépe.

Joel 1:12

Pe parralty ipiru ha pe hígo yvyra oñembyaíma, upéicha avei granáda, mbokaja ha manzána máta; ipirupa umi ñu rupigua yvyra rakãnguéra, upévare opa avei yvyarigua vy’a.

Joel 1:5

Pepáyke, peẽ peka’úva, ha pejahe’óke, penepyahẽ asýke peẽ pe’úva pe víno, ojepe’áta pe parral rykue pende jurúgui.

Joel 2:19

Upéicha pende Ruete ombohováita hetãme he’ívo: Péina ápe, Che amondo peẽme pan, parral rykuere ha acéite, peñemohyg̃uatã jevy hag̃ua ha araka’evéma ndahejamo’ãvéi ambue tetã oñembohory hag̃ua penderehe.

Levítico 26:20

Pende pu’aka opa reiva’erã, pende yvy nome’ẽmo’ãvéigui hi’akue ha umi yvyra ndahi’amo’ãvéi.

Habacuc 3:17

Pe hígo rakã ndaipotýi ramojepe, umi parral ha olívo rakã ndahi’ái ramojepe, umi ñemitỹngue nome’ẽi ramojepe hi’upyrã, umi ovecha ha vakakuéra oñehundi ramojepe,

Hagéo 1:11

Ha che namongyvéi ko tetã cerrokuérape, pende trigotýpe, pende parraltýpe, pende olivotýpe ha opaite mba’e yvy omoheñóivape, tetãyguakuéra ha tymbakuéra guive ha opaite tembiapo pejapóvape g̃uarã.

Malaquías 2:3

Cháke, Che ambyaíta pene ñemitỹnguéra, ha pende rova rehe amombóta pene rymba repoti, peẽ peikuave’ẽva chéve, ha upéi Che pomomboukáta okápe, pene rymba repoti oĩháme.