Jeremías 9:2

Ñanderuete Ñe’ẽ Porã 2015

Mba’eichatamora’e desiértope aguereko peteĩ tapýi ahasakuévo aiko hag̃ua, aheja rei hag̃ua che retãme, ha añemomombyry hag̃ua ichuguikuéra. Oporomyakãratĩ ha oporombotavységuinte.

Referencias Cruzadas

Isaías 59:3

Pende po henyhẽ tuguýgui, ha pene kuã tembiapo vaígui; pene rembekuéra he’i japu, ha pene kũ omombe’u mba’evai.

Jeremías 12:1

Aikuaa porã ningo, Nde che Ruete, rembojovakeha hekópe; upeichavéramo jepe aporanduse mba’érehepa iñañáva rape ipoty porã ha opaite hembiapo osẽ porã, ha mba’érehepa Nde neremyengoviái hembiapo vai.

Jeremías 12:6

Nde ryke’ykuéra ha nde ru rogayguakuéra jepeve opu’ã nderehe, ha’ekuéra osapukái joa nde rapykuéri. Aníke regueroviátei ichupekuéra oñe’ẽ porã ramojepe nde rovake.

Jeremías 13:22

Ha ere ramo nde py’apýpe: Mba’érehepa ojehu chéve ko’ã mba’e. Che ambohováita reñemohembiapo vai haguére, ha’ekuéra nemboi, nerãirõ ha oñembosarái nderehe.

Jeremías 23:10

Pe tetãpy henyhẽgui tapichakuéra oporombotavývagui, maldicion rupi pe tetã itaperepa; pe kapi’ity ñumegua ipirupa; oñeha’ãmba hikuái oiko vai hag̃ua ha omboyke pe justícia (tekojoja).

Jeremías 4:22

Ko che retã ningo itavy, ha’ekuéra ndachekuaái he’i pende Ruete; ita’yrakuéra itavy ha naiñakã porãi; ivale ojapo hag̃ua mba’evai, ndojapokuaái katu mba’eporã.

Jeremías 5:1

Ñanderuete he’i: Peguata Jerusalen táva cálle rehe, pema’ẽ porã opa rupi; peheka ipláza rupi pejohu hag̃ua peteĩ kuimba’e jepe oñeha’ãmbáva oiko hag̃ua hekoitépe ha ohekáva pe añetegua, upéicha ramo aperdonáta Jerusalen rembiapo vaikue.

Jeremías 5:11

Israel ha Judayguakuéra oñemoĩ cherehe, he’i pende Ruete.

Jeremías 5:2

Ha’ekuéra ome’ẽ ramojepe iñe’ẽ pende Ruete oikovéva rérape, ome’ẽ gua’uete oporombotavy hag̃uánte.

Oséas 4:2

Israelguakuéra oñe’ẽme’ẽ gua’u, ijapu, ojuka, omonda, ombyai pe mendare reko ha oñorãirõ hikuái.

Oséas 5:7

Ha’ekuéra ojei haguére che rapégui ha omoñemoñágui hikuái mitã hesegua’ỹva, upévagui pe jasy pyahu arete ohundíta ichupekuéra ijyvy reheve.

Oséas 6:7

Yvyariguakuéra omboyke hikuái che ñe’ẽme’ẽ ha oñemoĩ cherehe.

Oséas 7:4

Ombyaipa hikuái imenda reko, oiko hikuái ku tatakua hakuetereívaicha, hakuete rire katu pe pan apohára ndohatapyñavéima, ha oñembosako’ipa rire ovupa pe pan.

Miquéas 6:12

Umi tavaygua heta mba’e oguerekóva, ojopy reiete hapichakuérape, ijapupa rei ha ijuru oporombotavysénte.

Sofonías 3:4

Iprofetakuéra katu oñembotuicha ha oikónte pirapire rekávo, ipa’ikuéra omongy’a che rogaguasu ha omoambue pende Ruete rembiapoukapy.

Malaquías 2:11

Juda oñemboykéma Ñanderuete rapégui, Israel ha Jerusalengua oñemongy’áma, Judayguakuéra oiporu vai che rogaguasu, Che ahayhúva, omenda ambue jára gua’u rehe.

Malaquías 2:14

Ha peẽ katu peje gueteri: Mba’upe piko péva. Pende Ruete ohecha porãgui peẽ pepoi haguére pene rembirekoteévagui, peikova’ekue ndive pende karia’y ára guive, ha peme’ẽ hague pene ñe’ẽ peiko hag̃ua hendive (pemano meve).

Tiágo 4:4

Peẽ peñemboykéva Ñanderuete rapégui, peiko ku tembireko opoimava’ekuéicha iménagui, oiko hag̃ua kuña reko vaícha; upe oikoséva ko múndo rayhupára ramo oikóta Ñanderuete rehe ija’e’ỹva ramo.

Juéces 2:10

Ha opaite Israelguakuéra uperõguare ha’e omano rire, ita’ýra ha itajyrakuéra oikóva hendaguépe hesarái Ñanderuetégui, ha naimandu’avéi Ñanderuete rembiapo rehe, Ha’e ojapomava’ekue ituvakuéra resa renondépe.