Jeremías 8:9

Ñanderuete Ñe’ẽ Porã 2015

Ko’ã iñarandúva oñemotĩmba, oñemondyipa ha ho’ava’erã iñuhãme, omboykégui pende Ruete ñe’ẽ; ha mba’eichagua arandúpa oĩ gueteri ipype.

Referencias Cruzadas

2 Réyes 17:15

Ha omboyke hikuái avei iñe’ẽ ha iñe’ẽme’ẽ Ha’e ojapova’ekue ituvakuéra ndive, ha umi tembiapoukapy Ha’e ome’ẽva’ekue ichupekuéra; ha oiko mba’e rei rapykuéri ha imba’ekuaa hikuái umi tetã ijerekue rupi ojapo háicha, ha ojapo avei umi mba’e Ñanderuete he’imava’ekue ichupekuéra ani hag̃ua ojapo.

Job 5:12

Ñanderuete ombyai heko vaíva pensamientokuéra, ani hag̃ua ipokuéra ojapótei tembiapo vai.

Job 5:13

Ñanderuete voi oity umi ipy’aróva heko vaípe, ha ombyai umi iñañáva rembiapo vai.

Salmokuéra 19:7

Ñanderuete rembiapoukapykuérape ndaipóri jejavy, omoangapyhy katu yvyariguakuérape, opaite mba’e Ñanderuete he’íva guive katuete ojehu avei, Ha’e omoaranduhína umi oikuaa’ỹvape.

Isaías 19:11

Añetehápe itavy ningo umi Zoan pegua mburuvicha; umi faraon ohekombo’éva oñembotavypa hikuái. Mba’éichapa pejéta faraónpe: Ore ningo umi iñarandúva ra’yre, ha umi tetã ruvicha ymaguare ñemoñarenguéra.

Isaías 29:14

Upévare Che ahechaukáta ko tetã kóvape tembiapo techapyrãva oporomongyhyjéva; opa rei hag̃ua umi iñarandúva arandu, ha ogue hag̃ua iñakã porãva.

Isaías 43:27

Nde ru tenondegua oñemohembiapo vai ha nde ypykuéra oñemoĩva’ekue avei cherehe.

Isaías 8:20

Umi ojeroviase’ỹva Ñanderuetére ha ndojaposéiva hembiapoukapy katuete naiko’ẽmo’ãi ha Che nañe’ẽmo’ãi hendivekuéra.

Jeremías 15:6

Nde voi repoi chehegui, he’i pende Ruete; ha reñemomombyry haguére chehegui Che aipysóta ndeári che po rohundi hag̃ua; chekane’õma Che aiporiahuvereko jevy jey hag̃ua.

Jeremías 19:7

Che ambogue reíta Juda ha Jerusalen kuimba’e arandu ha aitýta ichupekuéra hesekuéra ija’e’ỹva kyse pukúpe ha he’õnguekuéra ame’ẽta, umi guyra yvate ovevévape ha umi mymba ñarõ oguatáva yvy apére, hi’upyrã ramo.

Jeremías 2:8

Umi pa’i nde’íri: Mamo piko oime Ñanderuete. Umi che rembiapoukapy rerekua voi opu’ãmba cherehe, ha umi proféta katu omomarandu (oprofetiza) Baal rérape, ha oikova’ekue hikuái ambue jára gua’u rapykuéri, oipytyvõkuaa’ỹva avavépe.

Jeremías 49:7

Péicha he’i Ñanderuete, Yvága Atykuéra Jára, Edom rehe: Ndaiporivéi piko arandu Temánpe. Opa piko arandu tekombo’e ha naiñaranduvéi piko hikuái.

Jeremías 6:15

Otĩva’erãmo’ã hikuái ojapo haguére mba’evaiete; ha’ekuéra katu notĩri ha ndoikuaái voi avei mba’épa he’ise ñemotĩ, upévare ho’áta avei hikuái umi oñehundítava ndive; ahavira vove ho’apáta hikuái, he’i pende Ruete.

Jeremías 6:19

Ejapysaka porãke, yvyariguakuéra: Péina ápe, Che voi aguerúta mba’evai ko tetã kóvape g̃uarã oñemoĩ haguére cherehe; ipy’apy nohenduséi voi che ñe’ẽ, ha omboyke hikuái che rembiapoukapy.

Ezequiel 7:26

Oúta jepy’apy vai, ha jehasa asy ojoapykuéri; upéramo reiete ohekáta proféta ñe’ẽ, ipa’ikuéra ndive ndojohumo’ãi ñemoangapyhy, hi’ancianokuéra nohekombo’emo’ãvéi ipy’andýigui.

Amos 2:4

Péicha he’i pende Ruete: Mbohapy Juda angaipaguasu rupi, ha opoi rãngue hembiapo vaígui ojapove uvei ohóvo pe irundyha, upévare Che naperdonamo’ãi ichupekuéra, omboyke hikuái Itúva rembipota, ha ndojapovéi hikuái hembiapoukapykuéra, ha oñembotavypa hikuái ijára gua’u japu rupi ituvakuéraicha.

Zacarías 13:4

Ha ojehuva’erã upe ára upévape umi proféta japu otĩta omombe’u hag̃ua hechapáy (vision) ha omomarandu vai haguére, ha araka’evéma nomondeveimava’erã ahoja raviju ijapu hag̃ua.

Deuteronómio 4:6

Peñangarekókena ha pejapo hekoitépe hembipota; péva ningo peẽme g̃uarã arandu ha akãporã ambue tetã renondépe, ohendu ramo hikuái ko’ã ñe’ẽ ha tembiapoukapy he’iva’erã: Añetehápe ko’ã Israelgua iñarandu ha iñakãporã, ko tetã kóva ningo ituichaite.

2 Timotéope 3:15

ne mitã ára guive reikuaa voi Ñanderuete kuatiañe’ẽ, kóva nemoaranduve rehóvo rejesalva hag̃ua pe jerovia rupi Hesu Crísto rehe.