Jeremías 8:4

Ñanderuete Ñe’ẽ Porã 2015

Ha eréta avei ichupekuéra: Péicha he’i pende Ruete: Oĩ ramo peteĩ ho’áva, nopu’ãmo’ãi piko. Ha pe ojavýva hape, ndojevymo’ãi piko.

Referencias Cruzadas

1 Réyes 8:38

ha peteĩ Israelgua oñembo’e ha omba’ejerure asy ramo, oñembyasyete rire ipy’apýpe, ipy’apyñe’ẽ oñe’ẽ pohýi haguére ichupe,

Mga Kawikaan 24:16

Pe heko potĩva ho’a ramojepe 7 jevy, katuete opu’ã jevýta; ha umi iñaña rekóva katu ho’ava’erã mba’evaípe, (ikatu’ỹre opu’ã jevy).

Isaías 44:22

Pe yvytu omosarambi háicha araikuéra, péicha cheresaráita ndehegui reñemoĩ haguére cherehe ha opa háicha pe tatatĩna, péicha amboguéta ne rembiapo vaieta. Ejevýke che rendápe, Che roperdonáma.

Isaías 55:7

Pe tekove ñaña topoi hape vaígui, ha pe tembiapo vai apohára tomosẽ iñakãgui umi mba’evai ojaposéva ha tojevy jey pende Ruete rendápe, Ha’e oiporiahuverekóta ha operdonáta avei ichupe.

Jeremías 23:14

Ha umi proféta Jerusalen pegua ojapo avei mba’evaiete: Oporomyakã ratĩ hikuái, oporombotavy hikuái ha omombarete umi iñañávape heko vaípe, ani hag̃ua avave opoi heko ñañágui; ha’ekuéra ha hetãyguakuéra ojogua Sodóma ha Gomorrayguápe.

Jeremías 3:1

Oje’e ningo: Oime ramo opoíva hembirekógui, ha upéi kóva oho ramo ha oiko ambue kuimba’e ndive, upe kuña upéva ohokuaa jevýnepa iména tenondegua rendápe; ndaiky’apái piko ko yvy kóva pene rembiapo vai rupi. Ha nde katu, reiko kuña reko vaícha heta (jára gua’u) ndive; ha upéicha ramojepe rejuse jevy che rendápe, he’i pende Ruete.

Jeremías 3:22

Pejevy peẽ peñemoĩva pende Ruete rehe ha Che pomongueráta pende reko pu’ãségui. Péina ápe ore rojuroína ne rendápe, Nde ha’eguihína ore Ruete, ore Jaratee.

Jeremías 36:3

Ikatu Judayguakuéra opáy ohendu ramo opaite mba’evai ajapótava hesekuéra, ha oheja hape vaígui, Che aperdona hag̃ua heko ha hembiapo vaikuéra.

Jeremías 4:1

Nde, Israel, rejevy ramo, he’iuka ndéve Ñanderuete, rejevykuaa hendápe, repoi ramo nde jára ambuégui rejukuaa jevy nde Ruete rendápe.

Ezequiel 18:23

Avy’ánepa omano ramo heko vaíva, he’i pende Ruete. Nahániri, ndavy’aichéne heko vaíva omano ramo, avy’a katu heko vaíva opoi ramo heko vaígui oikove hag̃ua.

Oséas 14:1

Nde, Israel, ejevýke nde Jaratee rendápe, ne rembiapo vaikue rupi re’ava’ekue.

Oséas 6:1

Peju ha jaha jevy Ñanderuete rendápe. Ha’e ñandereityva’ekue, Ha’e katuete ñanemopu’ã jevýta avei, Ha’e ñanembohasy, Ha’e katuete ñanemonguera jevýta avei.

Oséas 7:10

Israel oñembotuicha haguére opu’ã hese ha ndojevýi Ñanderuete rendápe ni ndohekái ichupe, oikotevẽ asy ramojepe.

Amos 5:2

Ho’a Israel retã, ha ndaikatumo’ãi opu’ãve, ojeheja upe yvy ho’a haguépe, ha ndaiporivéima omopu’ãtava ichupe.

Miquéas 7:8

Nde, reñemoĩva cherehe, ani repukátei. Ha’a ramojepe apu’ã jevýta, aiko ramo jepe pytũmbýpe Ñanderuete che resape.