Jeremías 8:3

Ñanderuete Ñe’ẽ Porã 2015

Ha umi hembymíva ko’ã ñemoñare ñañágui, mamo Che amosarambi hague rupi, omanoseiterei’arã oikove rãngue, he’i Yvága Atykuéra Jára.

Referencias Cruzadas

1 Réyes 19:4

Ha oike desiérto rehe peteĩ ára pukukue, ha oguapy peteĩ enébro yvyra guýpe; upépe ha’e omanose ha he’i: Iporãma, che Ruete, ehekýina chehegui che rekove, ndachereko porãvéi ningo che rukuéragui.

Jeremías 23:3

Ha Che voi ambyatýta che ovechakuéra hembýva opaite tetã amosarambi haguégui, ha umi hembýva guive aguerupa jevýta hetãteépe; ha’ekuéra okakuaa ha oñemboheta jevy hag̃ua.

Jeremías 23:8

oje’éta uvei: Ñanderuete pu’aka oguenohẽ ha ogueruva’ekue Israel ñemoñarenguérape tetã yvatégui, ha opaite umi tetã mamo oñemosarambi haguégui; oiko jevy hag̃ua hikuái ijyvyteépe.

Jeremías 29:14

Peẽ chejohúta, he’i pende Ruete, aguerupa jevýta umi ojeguerahamava’ekue ha pombyatýta mayma tetãnguéragui pomosarambi haguérupi, he’i pende Ruete; ha poguerupa jevýta pene retãteépe.

Jeremías 29:28

Ha’e ningo he’iuka oréve roikóva Babilónia retãme: Hi’areitereíma ore jepokuapyha arakuéra; upévagui pemopu’ãke pende róga ha peiko ipype, peñemitỹ ha pe’u hi’a porãngue.

Jeremías 40:12

oupa hikuái ko’ã Judaygua oĩ haguégui ha oñemosarambi haguégui, ha ou hikuái Juda retãme, Mizpápe, Gedaliás rendápe; ha ombyaty hikuái heta víno ha koga’aita.

Jeremías 44:2

Péicha he’i Yvága Atykuéra Jára, Israel Jára: Peẽ pehechapáma umi mba’evaieta aguerumava’ekue Jerusalen ha Juda tavakuéra ári; ha peikuaa porãke umía ko’ág̃a itaperepáma; ha ndaiporivéima hetãyguakuéra oikóva ipype.

Jeremías 44:6

Upévare añohẽ che pochy ahapy hag̃ua Juda tavakuéra ha Jerusalénpe, ha upéicha itaperepa ha oñehundipa, oĩ háicha ko ára kóvape.

Jeremías 6:9

Péicha he’i Yvága Atykuéra Jára: Ojeporeka jevy jeýta umi Israelgua hembýva rehe ku parral rakã’a ojeheka jevy háicha ojeheja rei’ỹre hi’a peteĩnte jepe, ejepovyvy jevy ku parral rakã’a mono’õhára ojapo háicha umi parral apytépe.

Daniel 9:7

Nde, ore Jára, nde rembojovake hekoitépe, ore rotĩ ne renondépe ojehechauka háicha Judaygua, Jerusalengua ha opaite Israel retãygua rekovépe, tetã ag̃ui térã mombyrýpe roikóva, Nde voi oremosarambi opárupi ore roñemoĩ haguére nderehe.

Levítico 26:33

Che pomosarambíta tetãnguéra rupi, ha amondóta che kyse puku pende rapykuéri; ha pende táva ha pende yvýgui oikóta tapere.

Amos 3:1

Pehendúke Israel ra’ykuéra ko ñe’ẽ kóva pende Ruete he’imava’ekue penderehe: Egípto retãgui aguenohẽva’ekue pende ypykuérape.

Jonas 4:3

Upévare che Ruete ajerure ndéve ehekýina chehegui che rekove, iporãvénte chéve amano aikove rãngue.

Miquéas 2:3

Upévare pende Ruete he’i: Che añemoĩse ko tetã rehe ajapo vai hag̃ua hesekuéra, napekañymo’ãvéi ha napeñakãrapu’ãmoãvéi, ivaietéta upe ára upévape peẽme g̃uarã.

Deuteronómio 30:1

Ojehuva’erã ou ramo pendeári mayma ko’ã ñe’ẽ porã (jehovasa) térã maldicion amoĩmava’ekue ko’ág̃a pene renondépe, ha peñembyasy jevy ramo pejapo vai haguére tetãnguéra apytépe, Ñanderuete penemosarambitahápe,

Deuteronómio 30:4

Ha jepémo umi ojererahava’ekue ne retãgui opyta tetã mombyryetevehápe, upégui Ñanderuete pendegueru ha penembyatypa jevýta,

Apocalípsis 6:16

ha he’i hikuái umi cérro ha itaguasúpe: Pe’ána ore’ári ha oreñomi pe Oguapyvahína guapyhaguasu ári rovágui ha pe Ovechara’y pochýgui.

Apocalípsis 9:6

Umiha árape tetãyguakuéra omanosete ramojepe nomanomo’ãi, pe ñemano okañýtagui ichuguikuéra.