Jeremías 8:2

Ñanderuete Ñe’ẽ Porã 2015

omyasãi hag̃ua kuarahy, jasy ha jasytata ára pegua renondépe, umívape ha’ekuéra voi omomba’eguasu ha oikova’ekue hembiguái ramo, oiko hapykuéri, omba’eporandu ichupekuéra, oñesũ henondepekuéra, noñeñotỹmo’ãi ha ndojejatymo’ãi yvy guýpe, oikóta ku mymba repotícha (ytýicha) yvy apére.

Referencias Cruzadas

2 Réyes 17:16

Opoi hikuái Ñanderuete rembiapoukapýgui ha ojapo ijupekuéra g̃uarã mokõi tóro ra’y ra’ãnga bróncegui ha Asera ra’ãngakuéra ha omomba’eguasu hikuái avei pe ára pegua mbyjakuérape, ha oiko hikuái Baal rembiguái ramo.

2 Réyes 21:3

Omopu’ã jevy umi yvy yvate itúva Ezequías oitypava’ekue, ha omopu’ã avei kuave’ẽmby rendanguéra Baálpe g̃uarã, ha ojapo peteĩ Asera ra’ãnga, ku Acab, Israel retã ruvicha, ojapo haguéicha; ha omomba’eguasu mbyjaita árare oĩvape, ha ombotuicha umívape.

2 Réyes 21:5

Ha omopu’ã kuave’ẽmby rendanguéra mbyjakuéra árare oĩvape g̃uarã, Ñanderuete róga korapy mokõivéva ryepýpe.

2 Réyes 23:5

Josías omosẽ avei umi jára ra’ãnga pa’ikuérape, Juda retã ruvichakuéra omoĩva’ekue ohapy hag̃ua mba’e ryakuã porã umi yvy yvateha rupi, Juda tavakuérape ha Jerusalén ypy rupi; ha oipe’auka avei umi pa’i ohapyva’ekue mba’e ryakuã porã Baalpe g̃uarã, kuarahy, jasy ha mbyjakuéra ára peguápe g̃uarã.

Salmokuéra 53:5

Upérõ oryryipa kyhyjégui, ndaipóri ramojepe mba’eve okyhyje hag̃ua, Ñanderuete omosarambipágui umi omongorava’ekue retekue, Nde remotĩ ichupekuéra, ha’ekuéra omboyke haguére yvága Járape.

Salmokuéra 83:10

Omanombava’ekue Endor rendápe, ha umi hetekue oiko abóno ramo yvýpe g̃uarã.

Salmokuéra 83:11

Ejapo imburuvichakuéra rehe rejapo haguéicha Oreb ha Zeeb rehe, ha avei Zeba ha Zalmuna ruvichakuéra rehe.

Eclesiástes 6:3

Jepevémo peteĩ túva ita’ýra 100, ha oikove heta áño pukukue, ha hi’ánga ndaipy’aguapýi imba’eporã reheve, ha omano rire noñeñotỹi ramo ichupe, che ha’e: Peteĩ mitã membykuare jepe iporãveha upe túva upévagui.

Jeremías 14:16

Ha umi tetãygua, ha’ekuéra omomaranduva’ekue, oñemombóta Jerusalen callekuéra rehe, ñembyahýi ha kyse puku rupi omanóta, ha ndaiporimo’ãi oñotỹséva ichupekuéra; ha upéicha avei proféta rembireko, ita’ýra ha itajyrakuérape, iñakã ári añohẽta hembiapo vaikue.

Jeremías 16:11

Ha upevove eréta ichupekuéra: Pende rukuéra chemboyke haguére, he’i pende Ruete, ha oiko hikuái ambue jára gua’u rembiguaikuéra ramo, henondépe oñesũ hikuái; ha’ekuéra chemboyke chéve ha ndojapovéima hikuái che rembiapoukapykuéra.

Jeremías 16:4

Mba’asy hasyetéva rupi omanóta hikuái; ha avave ndojahe’omo’ãi hesekuéra ha noñeñotỹmo’ãi; opytáta ku mymba repotícha yvy apére; kyse puku ha ñembyahýi rupi oñehundíta, ha hetekuérakue opytáta guyra ha mymba saite rembi’urã ramo.

Jeremías 16:6

Umi tuicháva ha umi michĩva omanóta ko tetã kóvape, noñeñotỹmo’ãi ichupekuéra ha hesekuéra ndojejahe’omo’ãi, noñemondoromo’ãi ijao noñekytĩmo’ãi ipire ha noñemyakã perõmo’ãi avei.

Jeremías 19:13

Umi Jerusalen róga, ha umi Juda retã ruvicha róga, oikóta Tofetichaite, oñemongy’a ha oikuave’ẽ haguére mayma óga apére mba’e ryakuã porã umi mbyja ára peguápe ha oñohẽgui hikuái víno ikuave’ẽmby ramo ambue jarakuérape.

Jeremías 22:19

Búrro oñeñotỹ háicha oñeñotỹta avei ichupe, oñembotyryrýta ha mombyrymi Jerusaléngui oñemombóta ichupe.

Jeremías 25:33

Ha upe ára upévape ojepysóta umi tetekue, Ñanderuete ojukava’ekue, peteĩ yvy apýra guive ambue apýra peve; ndojeguerojahe’omo’ãi, noñembyatymo’ãi ha noñeñotỹmo’ãi avei; ku tymba repotícha (abónorãicha) opytapáta yvy apére.

Jeremías 31:40

Opaite pe cérro pa’ũ, oĩháme umi omanóva retekue ha oñemombohápe tanimbu ysyry Cedron peve; ha upe guive kavajukuéra rokẽ hakuaha (esquína) ojejereha peve, kuarahyresẽ gotýo, oñemboykéta pende Ruetépe g̃uarã, ndojepe’aveiva’erã ha noñembyaiveiva’erã opaite ára peve.

Jeremías 36:30

Upévare Ñanderuete he’i Juda retã ruvicha Joacim rehe: Iñemoñare ndoguapymo’ãi David guapyhaguasúpe ha hetekue oñemombóta kuarahy aku ha pyhare ro’ysãme.

Jeremías 9:20

Pejapysaka porãke, peẽ kuñakuéra, Ñanderuete ñe’ẽ rehe, ha iñe’ẽ toike pende apysakuérape. Ha pembo’e purahéi ñembyasy rehegua pene membykuñakuérape, ha kuñakuéra peñombo’e pejahe’o hag̃ua purahéi ñemano rehegua péicha:

Jeremías 9:21

Pe ñemano oike ñane rovetã rupi, ha oike ñande rogaguasúpe, ohundipa hag̃ua umi mitã oikóva táva rape rupi, ha umi mitãrusu oĩva plázape.

Jeremías 9:22

Ere, péicha he’i Ñanderuete: Tetãyguakuéra retekue ho’a joáta ku mymba repotícha ñúre, ha ku trígo apesãicha ñemono’õhára rapykuerépe, ha ndaipóri avave ombyatyva’erãva.

Ezequiel 29:5

Ha romombóta pe yvy perõme, ndéve ha opaite pira nde ysyry peguápe, pe ñu reíre re’áta; ha avave nanderupimo’ãi, avave naneñotỹmo’ãi; Che roitýgui umi mymba saite yvy ape arigua ha guyrakuéra árare ovevéva rembi’urã ramo.

Ezequiel 39:5

Upe ñu reípe pe’apáta; Che, Yvága Atykuéra Jára, ha’epáma ko’ã mba’e.

Ezequiel 6:5

Amombóta umi Israel ñemoñare retekue ijára ra’ãnga renondépe, ha pene kangue amosarambíta pene kuave’ẽmby renda jerekuévo.

Ezequiel 8:16

Ha chegueraha Ñanderuete róga korapy hyepy gotyoguápe; ha péina Ñanderuete róga rokẽme oĩ 25 kuimba’e, Ñanderuete rogaguýpe ha pe kuave’ẽmby renda pa’ũme, ha ijatukupepekuéra oĩ Ñanderuete rogaguasu ha hovakuéra oma’ẽ kuarahyresẽha gotýo, ha omomba’eguasu hikuái pe kuarahy, oñesũvo hikuái kuarahy renondépe.

Sofonías 1:17

Pende Ruete he’i: Che amongyhyjéta tetãyguakuérape, ha’ekuéra oguatáta ku ohecha’ỹvaicha, oñemohembiapo vaígui hikuái chendive g̃uarã, ha huguykuéra oñeñohẽta yvy timbóicha ha ho’okuéra oñemombóta tepotícha.

Sofonías 1:5

Ha upéicha ahundíta avei umi óga apére omomba’eguasúva mbyjakuéra ára peguápe, ha umi oñesũva ha ome’ẽva oñondive iñe’ẽ pende Ruete ha ambue jára gua’úpe, oñembohérava Milcom.

Apostolkuéra 7:42

Ha Ñanderuete ojei ichuguikuéra ha oheja omomba’eguasu mbyjakuérape oĩva árare, ojehai háicha Ñanderuete kuatiañe’ẽme: Peẽ Israelgua peikuave’ẽ piko chéve kuave’ẽmbynguéra umi 40 áño pukukue desiértope.

Deuteronómio 17:3

térã omomba’eguasúva ambue járape ha oñesũ henondépe, jepémo taha’e kuarahy térã jasy, térã mayma mbyjaita ára pegua, umía Ha’e he’iva’ekue peẽme ani hag̃ua pemomba’eguasu,

Deuteronómio 4:19

Ha pema’ẽvo ára rehe ha pehecha ramo pe kuarahy, pe jasy, umi mbyjakuéra térã ambue mba’e ani pejeity henondepekuéra pemomba’eguasu hag̃ua; umía Ñanderuete oheja ambue tetãnguéra oĩva ára guýpe g̃uarã.