Jeremías 7:9

Ñanderuete Ñe’ẽ Porã 2015

Peiko peporomonda, peporojuka, pemongy’a pene menda reko, peme’ẽ rei pene ñe’ẽ, ha hi’ári pemyatatĩ Baálpe mba’e ryakuã porã, ha peiko ambue jarakuéra peikuaa’ỹva rapykuéri.

Referencias Cruzadas

1 Réyes 18:21

Ha oñembyatypa rire, Elías he’i hetãyguakuérape: Araka’e pevépa peñembopy’amokõita. Ñanderuete ramo pe Jaratee, peiko hapykuéri; ha oime ramo Baal, tapeho hapykuéri. Ha hetãyguakuéra nde’íri mba’evete.

Éxodo 20:3

Ndereguerekoiva’erã ambue jára che ykére.

Isaías 1:13

Anive peguerútei chéve kuave’ẽmby tova mokõi reheve; pene mba’e ryakuã porã chembopy’aro; pende arete, jasyra’y ha sábado chemonguerái.

Isaías 58:2

Opaite árape ha’ekuéra chereka, ha oikuaase haperã, ku ojerovia porãvaicha cherehe ha ku ndohejáiva ramoguáicha che rembiapoukapy; ojerure hikuái chéve Che aipytyvõ hag̃ua ichupekuéra ha oha’ãrõ hikuái Ijára oiko hag̃ua ijapytépe.

Jeremías 1:16

Che ambojovakéta ichupekuéra, ha’ekuéra opoi haguére chehegui ha ohapy haguére mba’e hyakuã asýva ambue jarakuérape, ipo rembiapokuépe, ha upévare ahaviráta ichupekuéra iñaña haguére.

Jeremías 11:13

Juda táva heta háicha upéicha ijára gua’ukuéra avei, ha nde Jerusalen remopu’ã oimeraẽ nde táva cállepe peteĩ kuave’ẽmby renda ambue járape g̃uarã ha upépe peikuave’ẽ mba’e ryakuã porã Baálpe.

Jeremías 11:17

Che, Yvága Atykuéra Jára, roñotỹva’ekue guive ha’éma outaha mba’evai ndeári, nde Israel ha Judayguakuéra peẽ peneñaña ha chembopochy haguére pehapývo mba’e ryakuã porã Baálpe.

Jeremías 13:10

Ko tetã kóva iñañaite, nohenduséi voi che ñe’ẽ, ha oiko ipy’apýpe oñandu háichante, ha oho ambue jára rapykuéri oiko hag̃ua hembiguái ramo, ha oñesũ henondepekuéra, upévagui oikóta hikuái ku ku’a jokuaha kóvaicha, naiporãvéima mba’everãme.

Jeremías 18:15

Che retã ningo hesarái chehegui, ha oiko omyatatĩ mba’e ryakuã porã ambue jarakuérape, péva ningo mba’evaiete ha oiko ñepysãnga sãngahápe hape rehe, pe tape ymaguare oiko haguépe, ha ndoikói pe tape potĩ ha oñemyatyrõ haguépe,

Jeremías 19:4

peẽ pepoi haguére chehegui, ha ndapeikói hekoitépe ko yvy kóvape ha ipype peikuave’ẽ haguére mba’e ryakuã porã ambue jarakuérape, peẽ, pende rukuéra ha Juda retã ruvichakuéra ndoikuaaiva’ekue ha pemyenyhẽ haguére ko táva kóva umi ánga ipotĩva ruguykueguiguáva.

Jeremías 32:29

Ha umi Caldeaygua oúta ojeity hag̃ua ko táva ári, ha ohapýta hikuái ko távape, ohapýta avei umi óga ijape ári oñekuave’ẽ haguépe Baálpe g̃uarã mba’e ryakuã porã ha oñohẽ hague hikuái víno ambue jarakuérape g̃uarã ha ko’ã mba’e rupi ha’ekuéra ou chembopochy.

Jeremías 44:3

Hembiapo vaieta rupi chembopochy, oikuave’ẽgui hikuái mba’e ryakuã porã ha omomba’eguasúgui ambue jarakuérape peẽ ha pende rukuéra ndoikuaaiva’ekuépe.

Jeremías 44:8

Peẽ ningo chembopochy pene rembiapo vai rupi, peiko peikuave’ẽvo mba’e ryakuã porã ambue jarakuérape Egípto retãme, mamo peike haguépe peiko hag̃ua tetã ambueygua ramo, ko teko ñaña rupi peẽ voi peñehundíta ha peikóta maldicion poguýpe ha ñemotĩguasu ramo opaite tetãnguérape g̃uarã oĩva guive ko yvy apére.

Jeremías 44:9

Penderesaráimapa pende rukuéra reko ñañanguégui, umi Juda retã ruvichakuéra ñañanguégui ha hembirekokuéra rembiapo vaikuégui; ha pene rembiapo vaígui ha pene rembirekokuéra rembiapo vaikuégui pejapova’ekue Juda retãme ha Jerusalénpe,

Jeremías 48:35

Che ahundipáta umi oikuave’ẽva umi yvypu’ã rupi, ha umi oikóva oikuave’ẽ mba’e ryakuã porã ijarakuérape, he’i pende Ruete.

Jeremías 5:2

Ha’ekuéra ome’ẽ ramojepe iñe’ẽ pende Ruete oikovéva rérape, ome’ẽ gua’uete oporombotavy hag̃uánte.

Jeremías 5:7

Mba’éicha piko roperdonáta. Nde ra’ykuéra cherejapáma, ha ome’ẽma iñe’ẽ ijára gua’úpe. Amohyg̃uatã porã ramojepe ichupekuéra, ha’ekuéra katu chembotavy ha oñembyaty hikuái kuña reko vai rógape.

Jeremías 7:6

ha ndapejopyvéi ramo tetã ambueyguápe, ni ityre’ỹvape, ni imenave’ỹvape, ha napeñohẽvéi ramo ko yvy kóvape heko potĩva ruguy, ha ndapeikói ramo ambue jarakuéra rapykuéri oguerúva mba’evaínte peẽme g̃uarã,

Ezequiel 18:18

Itúva ojapógui mba’evaiete, mbaretépe omondágui ipehẽnguépe, ha ojapógui hetãyguakuéra apytépe mba’e iporã’ỹva, katuete ha’e omanóta iñañangue rupi voi.

Ezequiel 20:30

Upévare ere Israel retãme: Péicha he’i pende Ruete, mba’érehepa peñemongy’a pende ypykuéraicha, ha pejapo jevy avei hembiapo vaikuerakue.

Ezequiel 23:39

Ha’ekuéra oikuave’ẽ imembykuéra ijára gua’úpe g̃uarã ha upe ára upévape oike gueteri che rogaguasúpe omongy’a hag̃ua; ha peikuaa porãke, ko’ã mba’e ojapo hikuái che rogaguasu ryepýpe:

Ezequiel 5:11

Upévare, che rekovére ame’ẽ che ñe’ẽ, he’i Yvága Atykuéra Jára, pende Ruete, añetehápe Che poipy’apýta peẽ pemongy’a haguére che rogaguasu, pemomba’eguasúvo ambue jarakuérape; upévare che resa napeneperdonamo’ãi, ha Che ndapoporiahuverekomo’ãvéima.

Oséas 2:13

Che ahaviráta ichupe ohapy haguére mba’e ryakuã porã Baalkuérape g̃uarã ha omoĩ heta ijeguaka hetére ha ohómi haguére hembiayhuharakuéra rapykuéri, ha hesarái chehegui he’i pende Ruete.

Oséas 6:9

Ku mondahakuéra oha’ãrõ háicha oimeraẽ kuimba’épe (omonda hag̃ua), péicha pa’ikuéra oporojuka avei Siquem rapépe, mba’evaiete ojapo hag̃ua hikuái.

Amos 4:5

Peikuave’ẽ pene pan ojejapopyréva levadúra reheve peagradece hag̃ua pende Ruetépe, peichagua tembiapo peẽ, Israel ra’ykuéra, pehayhu voi, he’i pende Ruete.

Sofonías 1:5

Ha upéicha ahundíta avei umi óga apére omomba’eguasúva mbyjakuéra ára peguápe, ha umi oñesũva ha ome’ẽva oñondive iñe’ẽ pende Ruete ha ambue jára gua’úpe, oñembohérava Milcom.

Malaquías 3:5

Pe ángel atykuéra Jára he’i: Uperire ajúta pombojovake hag̃ua ha añemoĩta techahare ramo, ahavira hag̃ua umi paje apohárape, umi oikóvape hembirekotee’ỹva térã imenatee’ỹva ndive, umi ijapúvape, umi ojopyva’ekue imba’apohárape térã tetã ambueyguápe, imenave’ỹva térã ityre’ỹvape.

Romayguakuérape 2:2

Ñande ningo jaikuaa porã Ñanderuete ombojovakeha hekópe opaite kuimba’e ha kuña rembiapokue.

Deuteronómio 32:17

Ha’ekuéra oikuave’ẽ tymba rekove añanguérape, ndaha’éi Ñanderuetépe; oikuave’ẽ uvei umi jára ndoikuaaiva’ekuépe, umi jára pyahúpe ag̃uígui oúva, ituvakuéra nomomba’eguasuiva’ekuépe.

Apocalípsis 21:8

Umi ipy’amirĩva, umi opiáva pende Ruete rapégui, umi heko ky’áva, umi oporojukáva, umi oikóva oñondive omenda’ỹre (heko ky’áva), umi paje apoha, umi omomba’eguasúva ambue jára ra’ãngápe ha opaite ijapúvape oñemombova’erã upe lágo tataguiguápe, hendyhápe avei azúfre, kóva ningo pe ñemano mokõiha.

Apocalípsis 22:15

Okápe katu opytáta umi jagua (umi oñemoĩva Ñanderuete rehe hembiapo vaiete rupi. Matéo 7,6), paje apohára, umi ojoguerekóva menda’ỹ rehe, umi oporojuka reíva, umi omomba’eguasúva jára ra’ãngápe, ha opaite ohayhúva ha oikóva japúpe.

Juéces 5:8

Israelguakuéra oiporavo ijára pyahurã, pe ñorãirõ og̃uahẽma pe táva rokẽguasu peve, 40.000 Israel soldadokuéra apytépe ndojehechái piko rete mo’ãha yvyra puku akua (lánza).