Jeremías 7:6

Ñanderuete Ñe’ẽ Porã 2015

ha ndapejopyvéi ramo tetã ambueyguápe, ni ityre’ỹvape, ni imenave’ỹvape, ha napeñohẽvéi ramo ko yvy kóvape heko potĩva ruguy, ha ndapeikói ramo ambue jarakuéra rapykuéri oguerúva mba’evaínte peẽme g̃uarã,

Referencias Cruzadas

2 Réyes 21:6

Ha’e oikuave’ẽ avei ita’ýrape kuave’ẽmby renda ári, ha oñemoĩ oma’ẽ jasytataguata rehe, ha oiko mba’ekuaa ha paje apohára ramo; péicha omboheta hetave hembiapo vai Ñanderuete renondépe, ombopochyve ohóvo ichupe.

2 Réyes 24:4

ha’e oñohẽ haguére avei umi heko potĩva ruguy, ha omyenyhẽ Jerusalénpe huguýgui, upévare Ñanderuete noperdonasevéi ichupekuéra.

Salmokuéra 106:38

Ha oñohẽ hikuái heko potĩva ruguy. Ita’ýra ha itajyrakuéra ruguy oikuave’ẽ hikuái kuave’ẽmby ramo Canaan jarakuérape ha upévagui pe yvy oñemongy’a huguy rupi.

Mga Kawikaan 23:10

Aníke rembotuicha nde yvy rembe’y rechaukaha (mojon) ymaite oñemoĩva’ekue, ha ani reikétei umi ityre’ỹva kokuépe;

Isaías 59:7

Ipykuéra ningo oñani hembiapo vai rekávo, pya’e pya’e oiko oñohẽ hag̃ua heko potĩva ruguy; ipy’apýpe ojejohu aña rembiapo; ñehundi ha jejopy vai oĩ hapépe.

Jeremías 13:10

Ko tetã kóva iñañaite, nohenduséi voi che ñe’ẽ, ha oiko ipy’apýpe oñandu háichante, ha oho ambue jára rapykuéri oiko hag̃ua hembiguái ramo, ha oñesũ henondepekuéra, upévagui oikóta hikuái ku ku’a jokuaha kóvaicha, naiporãvéima mba’everãme.

Jeremías 19:4

peẽ pepoi haguére chehegui, ha ndapeikói hekoitépe ko yvy kóvape ha ipype peikuave’ẽ haguére mba’e ryakuã porã ambue jarakuérape, peẽ, pende rukuéra ha Juda retã ruvichakuéra ndoikuaaiva’ekue ha pemyenyhẽ haguére ko táva kóva umi ánga ipotĩva ruguykueguiguáva.

Jeremías 2:30

Ainupã rei piko ra’e nde ra’ykuérape, nomyatyrõi haguére hikuái hekove. Pende kyse pukúpe pejuka pende profetakuérape, ku leõ oporomondyryrypávaicha.

Jeremías 2:34

Ha nde ao ruguái rehe jepe ojejohu umi mboriahu ha umi hi’ánga potĩva ruguykue. Nderejohuiva’ekue ichupekuéra oiko vai jave, oñeha’ã uvei hikuái oiko porã hag̃ua.

Jeremías 26:15

Peikuaa porã katu, peẽ chejuka ramo, añetehápe peñohẽ pendeári peteĩ hi’ánga potĩva ruguy, ha ko táva ha ipypeguakuéra ári; añetehápe Ñanderuete chembou pene rendápe ha’e hag̃ua ko’ã ñe’ẽ ko’ãva pende apysápe.

Jeremías 26:23

ogueru jevy hag̃ua Uríaspe Egíptogui, ha ogueru ichupe tetã ruvicha Joacim rendápe, ha ha’e ojuka ichupe kyse pukúpe, ha hetekue oity umi mboriahu retekue oñeñotỹháme.

Jeremías 35:15

Ha tapia amondo peẽme che rembiguái profetakuérape, ha’euka hag̃ua peẽme: Pepia joaite pende rape vaígui, ha peñemohembiapo porã hag̃ua, ha ani pehótei ambue jára rapykuéri peiko hag̃ua hembiguái ramo, ha peikovéta ko yvy kóvape, ame’ẽva’ekue pende rukuérape, peẽ katu ndapecherendúi ha ndapeikuaaséi mba’eve chehegui.

Jeremías 5:28

Okaru imondapyre rupi porãgui ikyraite ohóvo, ha hembiapo vaikue hetaitereirasa; nombojovakéi hekoitépe ityre’ỹvape ha nome’ẽi imboriahúvape imba’eteéva.

Jeremías 7:5

Pemyatyrõ ramo hekoitépe pende rape ha pene rembiapo; ha peiko ramo añetehápe justícia poguýpe,

Jeremías 7:9

Peiko peporomonda, peporojuka, pemongy’a pene menda reko, peme’ẽ rei pene ñe’ẽ, ha hi’ári pemyatatĩ Baálpe mba’e ryakuã porã, ha peiko ambue jarakuéra peikuaa’ỹva rapykuéri.

Lamentaciónes 4:13

Ko’ã mba’e ojehu proféta rembiapo vai rupi ha ipa’ikuéra oñohẽ reiva’ekuégui umi heko potĩva ruguy.

Ezequiel 18:6

upévare ha’e ndoikói umi cérro rehe ho’u hag̃ua kuave’ẽmby ro’o, ha’e nomomba’eguasúi ambue jarakuérape, ha’e ndohupíri hesa umi Israelgua jára gua’u ra’ãngakuéra rehe, ha’e norãirõi hapicha rembirekópe, ha’e ndoikói hembireko ndive ikuña mba’asy oguejy jave,

Ezequiel 22:7

Jerusalengua nomomba’éi itúva ni isýpe, ojopy hikuái tetã ambueyguápe, omonda hikuái ityre’ỹva ha imenave’ỹvape.

Levítico 19:33

Ani pejopy pe tetã ambueyguápe, oikóva penendive pene retãme.

Levítico 25:17

Ha aníke avave ombotavy hapichápe, pekyhyjékena pende Járagui; Che ningo Jahve, pende Jára (pende Ruete).

Malaquías 3:5

Pe ángel atykuéra Jára he’i: Uperire ajúta pombojovake hag̃ua ha añemoĩta techahare ramo, ahavira hag̃ua umi paje apohárape, umi oikóvape hembirekotee’ỹva térã imenatee’ỹva ndive, umi ijapúvape, umi ojopyva’ekue imba’apohárape térã tetã ambueyguápe, imenave’ỹva térã ityre’ỹvape.

Matéo 27:25

Ha umi tetãyguakuéra katu ombohovái: Huguykue to’a ore’ári ha ore ra’ykuéra ári.

Matéo 27:4

Che ningo añemoangaipa amoĩvo pende pópe pe heko potĩva ruguy. Ha’ekuéra katu he’i ichupe: Mba’evete ningo oréve upéva, ejehechána nde ndejeheve.

Deuteronómio 11:28

ha maldicion oĩta peẽme g̃uarã napeneñe’ẽrendúi ramo pende Ruete rembiapoukapykuéra ha peñemboyke ramo hapégui che ha’éva peẽme ko árape, ha pemomba’eguasu ramo avei ambue jára peikuaa’ỹvape.

Deuteronómio 24:17

Neremokarẽiva’erã tetã ambueygua ni ityre’ỹva justícia, ha ndereguerahaiva’erã imenave’ỹva ao pe pirapire rendaguépe reiporukava’ekue rehe ichupe.

Deuteronómio 27:19

Maldicion ho’ava’erã upe kuimba’e térã kuña ári omboyke ramo tetã ambueyguáva, ityre’ỹva térã imenave’ỹva derécho. Ha mayma tetãygua he’iva’erã: Taupéicha.

Deuteronómio 8:19

Ha peẽ penderesarái ramo pende Ruetégui ha peiko ramo ambue jára rapykuéri, ha pemomba’eguasu ichupekuéra ha peñesũ ramo henondepekuéra, añetehápe che ha’e ko’ág̃a peẽme, katuete pemanombava’erã.

Tiágo 1:27

Pe ñemomba’eguasu (cúlto) ipotĩva, Ñandejára Ñanderuete ohayhúva ningo kóva: Ñaipytyvõ umi ityre’ỹvape ha imenave’ỹvape hemikotevẽme, ha ñañemboyke opaichagua teko vaígui.