Jeremías 7:4

Ñanderuete Ñe’ẽ Porã 2015

Aníke pejeroviátei umi ñe’ẽ japu rehe, he’i ramo jepe hikuái: Ñanderuete róga, Ñanderuete róga, kóa ningo Ñanderuete rogaguasu.

Referencias Cruzadas

1 Réyes 9:7

upérõ Che amosẽta Israélpe ko tetãgui Che ame’ẽmava’ekue ichupekuéra, ha avei ko ógagui Che aiporavomava’ekue che rérape g̃uarã, ha Che amombóta Israélpe che renondégui, ha peẽ peikóta toryjárõ ha ñembohoryha ramo opaite tetãnguéra apytépe.

Isaías 48:2

Peñembohéra táva oñemboykéva Ñanderuetépe g̃uarã ha Israel Jára réragui peha’ãrõ pene ñepytyvõrã, héra yvága atykuéra Jára.

Isaías 59:4

Ombotavy ha ijapu hag̃uánte ogueraha hapichápe mbojovakehára rendápe. Oñe’ẽ ha ojerovia hikuái mba’e rei rehe, ñaña rekógui hyeguasu ha imemby hikuái ñehundi.

Isaías 66:1

Péicha he’i pende Ruete: Pe yvága che guapyha renda, ha pe yvy che pykuéra renda; mba’eichagua óga piko peẽ pemopu’ãkuaa chéve g̃uarã ha mba’épa peẽ pejapokuaa Che apytu’u hag̃ua.

Jeremías 28:15

Upéramo Jeremías he’i Hananíaspe: Ejapysaka porãke nde, Hananías, Ñanderuete nandejokuáiri, ha nde rembojerovia ko’ã tetãyguápe nde japu rehe.

Jeremías 29:23

Umi mba’e ningo ojehu ichupekuéra iñaña haguére Israel retãme, ha oikógui hikuái hapicha rembireko ndive, ha omomarandu japu che rérape, ha omombe’u umi mba’e Che nda’eiva’ekue ichupekuéra; Che ningo ahecha ha aikuaapa voi, he’i pende Ruete.

Jeremías 29:31

Ereuka mayma umi oikóva guive jepokuapýpe: Péicha pende Ruete he’i Semaías, Nehelam pegua rehe, ha’e oprofetiza haguére peẽme Che namondói ramojepe ichupe, ha ha’e penembojerovia haguére ijapu rehe;

Jeremías 6:14

Ha’ekuéra oipohãno vai vai che retã mba’asy vai ku ndaha’éi ramoguáicha mba’eve, ha hi’ári he’i: Py’aguapy, py’aguapy, ha ndaipóri py’aguapy.

Jeremías 7:14

Upévare ajapo haguéicha Silo rehe, Che aiko haguépe, ajapóta katuete avei ko che rogaguasu rehe, ame’ẽva’ekue peẽme ha pende rukuérape, peẽ katu pejeroviánte ko ogaguasu rehe pemomba’eguasu rãngue che réra.

Ezequiel 13:19

Peẽ nachemomba’eguasúi che retãyguakuéra renondépe, michĩmi cebáda (ojogua trígope) ha pan pehẽngue rehe pejuka umi tapicha omano’ỹva’erãme, ha pemoingove umi tapicha oikove’ỹva’erãme, peẽ peiko pembotavy che retãyguakuérape ojapysakáva pene ñe’ẽ japu rehe.

Miquéas 3:11

Huvichakuéra ombojovake pirapire ñemiha megua reheve ha pa’ikuéra ombojovakesénte oñembopopegua ramo ichupekuéra, ha iproféta pirapire rupínte ombohasase imarandu ha he’i hikuái Ñanderuete oĩha ñanendive, mba’eve ivaíva ndojehumo’ãi, Ñanderuete oĩgui ñande apytépe.

Sofonías 3:11

Upe ára upévape nde, Jerusalen, nereñemotĩmo’ãi mba’eveichagua ne rembiapokue rejapova’ekuégui ha reñemoĩvo cherehe, aipe’apáta nde apytégui opaite umi oñembotuichava’ekue, ha araka’eve nereñembotuichaveimava’erã che rogaguasúpe, oĩva che cérrope.

Lúcas 3:8

Pehechauka pende a (rembiapo porã) porã rupi, peñembyasyha añetehápe peiko vai haguére, ha anítei peñepyrũ peje pendejupe: Ore ru ningo Abraham. Che ningo ha’e voi peẽme Ñanderuete ikatuha omoingo ko’ã itágui jepe Abraham ra’yrãnguéra.