Jeremías 7:3

Ñanderuete Ñe’ẽ Porã 2015

Péicha he’i pende Ruete, Yvága Atykuéra Jára, Israel Jára: Pemyatyrõ porã pende rape ha pene rembiapo, ha Che pomohenda jevýta ko yvy kóvape.

Referencias Cruzadas

2 Réyes 17:13

Ñanderuete ningo he’iukava’ekue voi Israel ha Judayguakuérape opaite iproféta ha mayma techapahára rupi, he’ívo: Pejevýna pende rape vaígui, ha pejapo che ñe’ẽ, che rembipota ha umi tembiapoukapy Che ha’e haguéicha pende rukuérape, ha ha’eukava’ekue peẽme che rembiguái profetakuéra rupi.

Ésdras 10:11

Ha ko’ág̃a pemomba’eguasu Ñanderuete, pende rukuéra Járape, ha pejapo Ha’e oipotáva, ha peñemboyke ambue tetãyguakuéragui ha ikuñakuéragui.

Mga Kawikaan 28:13

Pe omokañýva hi’angaipa ndoiko porãi, ha upe oñemombe’úva ha oñemboykéva tembiapo vaígui ohupityva’erã perdon.

Isaías 55:7

Pe tekove ñaña topoi hape vaígui, ha pe tembiapo vai apohára tomosẽ iñakãgui umi mba’evai ojaposéva ha tojevy jey pende Ruete rendápe, Ha’e oiporiahuverekóta ha operdonáta avei ichupe.

Jeremías 17:25

upéicharamo oikova’erã David guapyhaguasúpe pene retã ruvichaguasu ha oikeva’erã ko’ã táva rokẽ rupi icárrope ha pene mburuvichakuéra ikavaju ári, ita’yrakuéra, Juda ha opaite Jerusalengua ndive; ha iñemoñare oikóta Jerusalénpe opaite árape g̃uarã.

Jeremías 18:11

Ha ko’ág̃a, eñe’ẽ mayma Juda ha Jerusalenguápe, ha ere: Péicha he’i pende Ruete: Peikuaa porãke, Che ambosako’i mba’evai peẽme g̃uarã, ha ahaíma umi mba’e oikótava; peteĩteĩva tojevy hape vaígui ha tomyatỹrõ porã haperã ha hembiapo vaikuégui.

Jeremías 18:8

Ha upe tetã ha’emava’ekuépe oñembyasy jevy ramo ojapo vai haguére ha opoi ramo hembiapo vaígui Che avei apoíta che ñe’ẽnguégui ha ndajapomo’ãi ajapomo’ãva’ekue hesekuéra.

Jeremías 26:13

Pepoi katu pende rape ha pene rembiapo vaígui, ha peneñe’ẽrendu Ñanderuete, pende Járape, ha Ñanderuete ndojapomo’ãi opaite mba’evai he’imava’ekue penderehe.

Jeremías 35:15

Ha tapia amondo peẽme che rembiguái profetakuérape, ha’euka hag̃ua peẽme: Pepia joaite pende rape vaígui, ha peñemohembiapo porã hag̃ua, ha ani pehótei ambue jára rapykuéri peiko hag̃ua hembiguái ramo, ha peikovéta ko yvy kóvape, ame’ẽva’ekue pende rukuérape, peẽ katu ndapecherendúi ha ndapeikuaaséi mba’eve chehegui.

Jeremías 35:16

Añetehápe Jonadab, Recab ra’y, ñemoñarenguéra omoañete itúva he’iva’ekue guive; ha ko tetã kóva katu naiñe’ẽrenduséi chéve ko ára peve.

Jeremías 4:1

Nde, Israel, rejevy ramo, he’iuka ndéve Ñanderuete, rejevykuaa hendápe, repoi ramo nde jára ambuégui rejukuaa jevy nde Ruete rendápe.

Jeremías 6:16

Péicha he’i pende Ruete: Tapeho umi tape rupi, pema’ẽ porã ha peporandu pe tape porã ymaguare rehe, moõitépa oĩ pe tape iporãitéva, ha peguata hi’ári, pejohu hag̃ua pytu’u pene ángape g̃uarã. He’i katu hikuái: Ndoroguatamo’ãi.

Tiágo 4:8

Peñemboja Ñanderuete rehe, ha Ha’e oñembojáta penderehe. Pemopotĩ pende pokuéra, peẽ angaipavóra, ha pemopotĩ porã pende py’apy, peẽ pendepy’a mokõiva.