Jeremías 7:2

Ñanderuete Ñe’ẽ Porã 2015

Eñembo’y pende Ruete rogaguasu rokẽme, ha emyasãi upépe ko ñe’ẽ kóva, ha péicha eréta: Pehendúke pende Ruete ñe’ẽ, Judayguáva guive, ha peikéva guive ko okẽ rupi peñemomirĩ pejeitývo pende Ruete renondépe.

Referencias Cruzadas

1 Réyes 22:19

Upémaramo ha’e he’i: Ehendu Ñanderuete ñe’ẽ: Che ahecha Ñanderuetépe oguapy ramo iguapyha guasúpe, ha opaite yvága rembiguái oĩmba ijypýpe, ijakatúa ha ijasu gotýo.

Salmokuéra 122:2

Nde Jerusalen, roñembo’ýma ne rokẽme.

Isaías 1:10

Mburuvichakuéra Sodóma pegua, pehendu Ñanderuete ñe’ẽ; pejapysaka peẽ Gomorraygua ore Jára rembiapoukapy rehe.

Jeremías 10:1

Peẽ Israelgua, pehendúke Ñanderuete ñe’ẽ, Ha’e he’iva’ekue penderehe.

Jeremías 11:6

Ñanderuete he’i chéve: Eikuaauka ko’ã ñe’ẽ Juda tavakuéra ha Jerusalen ryepy rupi, ha ere: Pehendu ko ñe’ẽme’ẽ he’íva, ha pejapopa hekoitépe.

Jeremías 19:14

Ha Jeremías oho jevy Tofétgui, Ñanderuete omondo haguépe ichupe omomarandu hag̃ua, ha ou oñembo’y Ñanderuete rogaguasu korapýpe ha he’i mayma hetãyguakuérape,

Jeremías 2:2

Tereho ha esapukái Jerusalengua apysápe, ha ere: Péicha he’i pende Ruete: Chemandu’a nderehe, ne kuñataĩ ramoguare reikómi hekoitépe che rapykuéri, ha che rembirekorã arakuépe cherayhu porã hague, ha reju chendive pe desiértope, pe yvy oñeñemitỹ’ỹháme mba’eve.

Jeremías 2:4

Jacóbo rogaygua ha mayma Israel retãygua pehendúke pende Ruete ñe’ẽ.

Jeremías 26:2

Péicha he’i pende Ruete: Eñembo’y che rogaguasu korapýpe, ha eñe’ẽ opaite Juda tavayguakuérape oúva guive chemomba’eguasu hag̃ua ha ere ichupekuéra, opaite ñe’ẽ Che ha’éva ndéve ha anítei hemby peteĩ ñe’ẽ nde erese’ỹva.

Jeremías 28:5

Upéramo proféta Jeremías he’i pe proféta Hananíaspe, umi pa’i ha maymaite tetãygua renondépe oĩva guive Ñanderuete rogaguasúpe.

Jeremías 34:4

Upeichavéramo jepe, nde Sedequías, Juda retã ruvicha ehendu Ñanderuete ñe’ẽ: Péicha he’i Ñanderuete nderehe: Neremanomo’ãi kyse puku rupi.

Jeremías 36:10

Upérõ Baruc oho Ñanderuete rogaguasúpe ha oike pe haihára Gemarías kotýpe, itúva réra Safan, ha pe koty opyta pe korapy yvateoguápe, Ñanderuete róga rokẽ pyahu ypýpe.

Jeremías 36:6

upévare tereho nde, eike Ñanderuete rogaguasúpe ha emoñe’ẽ ko Ñanderuete kuatiañe’ẽ che jurúgui rehendu ha rehaiva’ekue, opaite tetãyguakuéra apysápe peteĩ arete árape pekaru’ỹva ha remoñe’ẽta avei umi Judaygua apysápe og̃uahẽtavahína ko távape.

Jeremías 44:24

Ha Jeremías he’i mayma hetãyguakuérape, ha opaite kuñakuérape: Pehendúke Ñanderuete ñe’ẽ, mayma Judaygua peikóva guive Egípto retãme:

Jeremías 7:1

Ñanderuete ñe’ẽ ou Jeremíaspe, ha he’i:

Ezequiel 37:1

Ñanderuete po ou cheári ha Ipytu Porãitéva chereraha ha chemboguejy peteĩ yvypépe henyhẽva kanguégui.

Oséas 5:1

Pa’ikuéra, pehendúke ko ñe’ẽ kóva, Israelguakuéra pejapysaka porã ha tetã ruvicha rogaygua pehendu porã: Peẽme g̃uarã og̃uahẽta pe jehaviraguasu, peiko haguére ñuhã ramo Mizpápe, peteĩ pira red ojepysóva ramo cérro Tabórpe,

Amos 7:16

Ha ág̃a, ehendu Ñanderuete ñe’ẽ. Nde ningo ere: Ani reprofetiza Israel rehe, ha ani reñe’ẽ Isaac róga rehe.

Miquéas 1:2

Pehendu porãke opaite tetãnguéra, ha pejapysaka porãke ko yvy apére oĩva guive, pende Ruete, pe Jaraitéva oiko techahare ramo ha oñemoĩta penderehe hogaguasu guive.

Miquéas 3:1

Che ha’emava’ekue: Pehendúke, peẽ, Jacóbo karaiguasukuéra ha Israel ruvichakuéra. Ndaijái piko peẽme peikuaa porã hag̃ua mba’épa he’ise justícia.

Miquéas 3:9

Pehendúke, peẽ pemyakãva Jacóbo rogaguasukuéra ha peẽ Israel retã ruvichakuéra, peẽ pemboyke pe justícia ha pemokarẽ pe añetegua.

Matéo 13:9

Ijapysáva ohendu hag̃ua, tohendu.

Juan 18:20

Hesu ombohovái ichupe: Che ningo aporombo’e’aína opavave rovake Ñanderuete rogakuéra Israel retãme ha Ñanderuete rogaguasúpe oĩva Jerusalénpe ha mba’eve nambo’éi ñemiháme.

Apostolkuéra 5:20

Tapeho Ñanderuete rogaguasúpe ha pemombe’u opavavépe Hesu Crísto evangélio, pe tekove rape rehegua.

Apostolkuéra 5:42

Ha opaite árape oporombo’e ha omombe’u hikuái Hesu Crísto evangélio Ñanderuete rogaguasúpe ha hetãyguakuéra róga rupi avei.

Apocalípsis 2:11

Pe ijapysáva tohendu, pe Pytu Porãmbáva he’íva ijiglesiakuérape. Upe ombopoguýva mba’evai natekotevẽi okyhyje pe ñemano mokõihágui.

Apocalípsis 2:17

Pe ijapysáva tohendu pe Pytu Porãmbáva he’íva ijiglesiakuérape: Pe ombopoguýva pe mba’evai, Che ame’ẽta ichupe pe mana ñemimby ha ame’ẽta avei ichupe peteĩ ita morotĩ ojehaihápe héra pyahu avave oikuaa’ỹva, pe ohupitývamante.

Apocalípsis 2:29

Pe ijapysáva tohendu pe Pytu Porãmbáva he’íva ijiglesiakuérape.

Apocalípsis 2:7

Pe ijapysáva tohendu pe Pytu Porãmbáva he’íva ijiglésiape: Pe ombopoguýva mba’evai che voi ame’ẽta ichupe pe tekove yvyra’a oĩva Ñanderuete yvyraty hi’a porãitéva mbytépe.

Apocalípsis 3:13

Pe ijapysáva tohendu pe Pytu Porãmbáva he’íva ijiglesiakuérape.

Apocalípsis 3:22

Pe ijapysáva tohendu pe Pytu Porãmbáva he’íva ijiglesiakuérape.

Apocalípsis 3:6

Pe ijapysáva tohendu pe Pytu Porãmbáva he’íva ijiglesiakuérape.