Jeremías 6:4

Ñanderuete Ñe’ẽ Porã 2015

Peñembosako’íke peñorãirõ hag̃ua Jerusalen ndive; pepu’ã joáke ha jajeity hi’arikuéra asaje mbytépe. Angái, angái ñandehegui, ka’aruetéma ha kuarahy oike jepéma.

Referencias Cruzadas

Job 7:2

Ku tembiguái oha’ãrõ háicha kuarahy’ã, ha pe omba’apóva oha’ãrõ háicha hembiapo repykue,

Cantar de los cantáres 2:17

Pe ára iñapysẽ meve ha ohopa peve umi kuarahy’ã, ejúna che mborayhu jára ku guasúicha térã guasu ra’ýicha cerrokuéra rehe.

Jeremías 15:8

Umi kuña imenave’ỹva oñemboheta hetave yvyku’i yguasu rembe’y peguágui; asajekuépe aguerúta hi’arikuéra ñehundiguasu omano hag̃ua sykuéra imemby ndive, amboúta ñemondýi ha kyhyjeguasu itavakuéra ári.

Jeremías 15:9

Ikangypáma pe kuña imembyva’ekue 7, hi’ánga henyhẽ mba’embyasýgui, ig̃uaig̃ui mboyve og̃uahẽma hi’ára paha, oñemotĩ ha ipy’a tarovaite; ha imemby hembymíva ári aitýta umi hesekuéra ija’e’ỹva kyse puku, he’i pende Ruete.

Jeremías 5:10

Pejupi iparralty oĩháme ha pembyai, ág̃a anítei pembyaipa; peikytĩ hakãnguéra, ndaha’evéimagui pende Ruete mba’e.

Jeremías 6:23

Ipópe ogueru iguyrapa ha ijyvyra puku akua; iñarõ hikuái ha ndoiporoporiahuverekomo’ãi; hyapu ha okororõva ku yguasúicha, kuimba’ekuéra ikatupyrýva ha oñorãirõkuaáva ou Sion távape ojeity hag̃ua hi’ári.

Jeremías 8:20

Ohasáma ñemono’õha ára, opáma arahaku, ha ne’ĩra ou ñaneguenohẽ hag̃ua ko jejopy vaígui, ñandesalva hag̃ua.

Joel 3:9

Peikuaauka ko’ã mba’e tetãnguéra apytépe, peñembosako’i peñorãirõ hag̃ua, pemombáy umi ipy’aguasúvape, toñemboja joaite hikuái, toupaite umi kuimba’e ikatupyrýva ñorãirõme.

Abdías 1:1

Ñanderuete ohechauka Abdíaspe ipayetépe (visiónpe) ko’ã mba’e Edom rehegua: Rohendu peteĩ marandu (notícia) Ñanderuetégui, ha ñe’ẽ rerahahára oñemondo umi tetãme ha péicha he’i: Pepu’ãke ñañorãirõ hag̃ua Edomguakuéra ndive.

Miquéas 3:5

Péicha Ñanderuete he’i umi proféta (gua’u) rehe, ombotavýva che retãyguakuérape: Ha’ekuéra omoherakuã mba’eporã umi omongaru porãvape proféta gua’ukuérape, umi omongaruse’ỹvape ichupekuéra katu omoherakuã mba’evai.

Sofonías 2:4

Gáza inandi veráta, Ascalon oñembotaperéta, Asdódgui oñemosẽmbáta asaje pytépe, ha Ecron pegua omanombáta.