Jeremías 5:7

Ñanderuete Ñe’ẽ Porã 2015

Mba’éicha piko roperdonáta. Nde ra’ykuéra cherejapáma, ha ome’ẽma iñe’ẽ ijára gua’úpe. Amohyg̃uatã porã ramojepe ichupekuéra, ha’ekuéra katu chembotavy ha oñembyaty hikuái kuña reko vai rógape.

Referencias Cruzadas

2 Crónicas 13:9

Peẽ piko napemosẽi Ñanderuete pa’ikuérape, Aaron ra’ykuérape ha Leviguakuérape, ha pemoĩ pende pa’i ramo ambue tetã ojapo háicha, ikatu hag̃uáicha oimeraẽva ou oñemomarangatu peteĩ tóro ra’y ha ovecha mácho reheve, ha péicha oiko hag̃ua ichugui jára gua’u pa’i ramo.

Job 31:12

Ha pe tata chembokusuguéta añaretãme ha opaite mba’e aguerekóva reheve.

Salmokuéra 50:18

Rehecha ramo pe mondahápe nde reikóta hendive ha remoirũta umi oikóva kuña rapykuéripe.

Jeremías 12:16

Ha peẽ, tetã ambueygua peguata porã ramo che retã Israel rapekuéra rehe, ha pejerovia ramo cherehe, pejerovia haguéicha Baal rehe, Che voi pomohenda porãta avei che retãyguakuéra apytépe.

Jeremías 13:27

Che ahecháma nderakuha ha remyakãratĩ kokue ha cérrope, ne rembiapo vaiete chembojeguarúva. Angái, angái Jerusalen, nereñemopotĩséi piko. Araka’épa reñembyasýta rejapo vai haguére.

Jeremías 16:11

Ha upevove eréta ichupekuéra: Pende rukuéra chemboyke haguére, he’i pende Ruete, ha oiko hikuái ambue jára gua’u rembiguaikuéra ramo, henondépe oñesũ hikuái; ha’ekuéra chemboyke chéve ha ndojapovéima hikuái che rembiapoukapykuéra.

Jeremías 16:20

Ikatúnepa pe yvyarigua ojapo ijararã, ha ojapo ramojepe umía, ndaha’éi mba’eveichagua jára,

Jeremías 2:11

Oĩ nga’u piko tetã omyengoviáva ijarakuéra, umía ndaha’éi ramojepe jára añeteguáva. Che retã katu omyengovia Ijaratee reko jajaipáva ambue jára gua’u rehehápe, ojapokuaa’ỹva mba’eve rehe.

Jeremías 2:31

Peẽ Israel ñemoñarenguéra, pejapysaka porãke pende Ruete ñe’ẽ rehe. Che piko aiko ku desiértoicha Israélpe g̃uarã, térã ku yvy iñypytũvaicha. Mba’érehepa che retã he’íra’e: Oresãsóma, araka’evéma ndorojuveimava’erã ne rendápe.

Jeremías 23:10

Pe tetãpy henyhẽgui tapichakuéra oporombotavývagui, maldicion rupi pe tetã itaperepa; pe kapi’ity ñumegua ipirupa; oñeha’ãmba hikuái oiko vai hag̃ua ha omboyke pe justícia (tekojoja).

Jeremías 3:19

Che aimo’ãva’ekue peẽ peikóta che ra’y ramo ha upévagui Che ame’ẽ peẽme pe yvy iporãvéva tetãnguéra apytépe. Ha Che aimo’ã peẽ cherenoitaha: Ore Ruete, ha napeñemboykemo’ãira’e araka’eve che rapykuérigui.

Jeremías 3:8

Oñemohembiapo vaígui Che ahavira ichupe, ndojevýi che rendápe ha oñemongy’apa avei itykéraicha.

Jeremías 7:9

Peiko peporomonda, peporojuka, pemongy’a pene menda reko, peme’ẽ rei pene ñe’ẽ, ha hi’ári pemyatatĩ Baálpe mba’e ryakuã porã, ha peiko ambue jarakuéra peikuaa’ỹva rapykuéri.

Jeremías 9:1

Mba’eichatamora’e ko che akã tahenyhẽ yetágui, ha che resakuéra toiko tesay yvu ramo, cherasẽ hag̃ua ára ha pyhare pukukue che retã re’õnguekuéra rehe.

Jeremías 9:2

Mba’eichatamora’e desiértope aguereko peteĩ tapýi ahasakuévo aiko hag̃ua, aheja rei hag̃ua che retãme, ha añemomombyry hag̃ua ichuguikuéra. Oporomyakãratĩ ha oporombotavységuinte.

Lamentaciónes 3:42

Ñande voi ñañemoĩmava’ekue hese, ha ndajaikói jaiko hag̃uáicha ha upévare Ha’e nañaneperdonái.

Ezequiel 22:11

Oĩ umi oikóva hapicha rembireko ha ita’ýra rembireko ndive ha oĩ umi oikóva heindy, itúva rajy ndive.

Oséas 11:8

Mba’éicha piko apoíta ndehegui Efrain. Che piko ambotovéta Israélpe. Ajapo nga’u piko nderehe ajapo haguéicha Adama ha Zeboim rehe (Deuteronómio 29,23). Che py’a ojepoka che retepýpe, Che voi roiporiahuverekoitereígui ndéve.

Oséas 13:6

Oñemohyg̃uatã porã rire hikuái katu oñembotuicha ipy’apýpe ha hesarái chehegui.

Oséas 4:2

Israelguakuéra oñe’ẽme’ẽ gua’u, ijapu, ojuka, omonda, ombyai pe mendare reko ha oñorãirõ hikuái.

Oséas 7:4

Ombyaipa hikuái imenda reko, oiko hikuái ku tatakua hakuetereívaicha, hakuete rire katu pe pan apohára ndohatapyñavéima, ha oñembosako’ipa rire ovupa pe pan.

Levítico 20:10

Peteĩ kuimba’e oñeno ramo hapicha rembireko ndive, upe kuimba’e ha upe kuña ojejukava’erã.

Amos 8:14

Umi ome’ẽva iñe’ẽ (juraménto) Samária jára gua’úpe he’ívo: Nde, Dan jára gua’u, ha nde, Beerséba jára gua’u; umía ho’apáta ha nopu’ãmo’ãvéima araka’eve.

Sofonías 1:5

Ha upéicha ahundíta avei umi óga apére omomba’eguasúva mbyjakuéra ára peguápe, ha umi oñesũva ha ome’ẽva oñondive iñe’ẽ pende Ruete ha ambue jára gua’úpe, oñembohérava Milcom.

Malaquías 3:5

Pe ángel atykuéra Jára he’i: Uperire ajúta pombojovake hag̃ua ha añemoĩta techahare ramo, ahavira hag̃ua umi paje apohárape, umi oikóvape hembirekotee’ỹva térã imenatee’ỹva ndive, umi ijapúvape, umi ojopyva’ekue imba’apohárape térã tetã ambueyguápe, imenave’ỹva térã ityre’ỹvape.

1 Corintoyguakuérape 6:9

Ndapeikuaái piko peẽ, umi heko vaíva ndoikemo’ãiha Ñanderuete retãguasúpe. Ani peñembotavy pendejupe, umi heko vaíva ndoikeiva’erã Ñanderuete retãguasúpe, ko’ãichagua ha’e: Umi oikóva ijyvyarigua rete rembipota vai poguýpe, umi ta’ãnga omomba’eguasúva, umi omenda ramojepe oikóva avei ambue kuña ndive, umi heko ky’áva, umi kuimba’e oikóva hapicha kuimba’e ndive,

1 Corintoyguakuérape 8:4

Ha añe’ẽse umi tembi’u oñekuave’ẽva rehe jára gua’úpe, jaikuaa voi ningo pe jára gua’u ndaha’eiha mba’eve añeteguáva ko múndope, ndaipóri ambue jára, peteĩnte oĩ, ha’éva Ñanderuete.

Galaciayguakuérape 4:8

Ymave ningo ndapeikuaaiva’ekue Ñanderuetépe, ha peserviva’ekue umi jára gua’úpe.

Deuteronómio 32:15

Ha Jesurun (Israel) ikyra rire oñemoĩ hese, opyvoi ha opoi Ñanderuete ijapoharégui, ha ndojapói mba’eve ramo Ijitaguasúpe (Isalvadórpe).

Deuteronómio 32:21

Ha’ekuéra chembopochy ijára gua’u rupi; chemoñeko’õi ijára gua’u ra’ãngakuéra rupi: Upévare Che avei ambopochýta ichupekuéra ambue tetã rupi, ndaha’éiva peteĩ tetã añeteguáva, amoñeko’õita ichupekuéra peteĩ tetã itarováva rupi.

hebreoyguakuerape 13:4

Pemomba’e pene mendare reko, ha peẽ pemendáva ani peñemongy’a ambue ndive. Ñanderuete voi ombojovakéta umi oñemongy’áva ha umi omongy’ávape imendare reko.

Tiágo 4:4

Peẽ peñemboykéva Ñanderuete rapégui, peiko ku tembireko opoimava’ekuéicha iménagui, oiko hag̃ua kuña reko vaícha; upe oikoséva ko múndo rayhupára ramo oikóta Ñanderuete rehe ija’e’ỹva ramo.

Josué 23:7

ani hag̃ua pejehe’a ko’ã tetã hembýva rehe ha oikóva gueteri pende apytépe, ani pemomba’eguasu ijarakuérape, ani peikótei hembiguái ramo ha ani peñesũtei henondepekuéra.