Jeremías 5:1

Ñanderuete Ñe’ẽ Porã 2015

Ñanderuete he’i: Peguata Jerusalen táva cálle rehe, pema’ẽ porã opa rupi; peheka ipláza rupi pejohu hag̃ua peteĩ kuimba’e jepe oñeha’ãmbáva oiko hag̃ua hekoitépe ha ohekáva pe añetegua, upéicha ramo aperdonáta Jerusalen rembiapo vaikue.

Referencias Cruzadas

1 Réyes 19:10

Ha Elías he’i: Che cherakate’ỹeterei che Ruete, pe yvága atykuéra Jára rehe; Israel ñemoñarenguéra opoi haguére ndehegui, oitypa hikuái ne kuave’ẽmby renda, ha kyse pukúpe ojuka nde profetakuérape, ha che añoite cheremby, ha chereka hikuái chejuka hag̃ua avei.

2 Crónicas 16:9

Ñanderuete resa ohechapa opaite yvy ape ariguápe, oipytyvõ hag̃ua ipu’aka rupi umi ojeroviáva añetehápe hese. Ko’ã mba’e rejapóva itavýva rembiapo; ko ára guive reñorãirõva’erã remano meve.

Salmokuéra 12:1

Nde, ore Ruete, oreguenohẽmína ore jejopy vaígui, opáma umi heko potĩva; yvyariguakuéra apytépe ndaiporivéima umi ojerovia porãva nderehe.

Salmokuéra 14:2

Ñanderuete katu oma’ẽ yvága guive yvyariguakuéra rehe, ohecha hag̃ua oĩnepa iñakãporãva ha ohekáva Ijarateépe.

Salmokuéra 14:3

Opavave opia hapégui, peteĩcha oñemboheko vaipa, ndaipóri peteĩnte jepe hembiapo porãva.

Salmokuéra 94:16

Mávapa chemoirũta añemoĩ jave tekove ñañáva rehe, ha mávapa ohóta che rapykuéri opu’ã hag̃ua hembiapo vaíva rehe.

Mga Kawikaan 20:6

Heta tapicha he’i ipy’a porãha, oñekotevẽ ramo peteĩ ipy’a porãva katu hasyete ojejohu hag̃ua peteĩme jepe.

Mga Kawikaan 23:23

Ejogua pe añetegua, ha ani revende jevýtei ha upéicha avei pe arandu, pe tekombo’e ha pe akãguapy porã.

Mga Kawikaan 8:3

umi okẽ oĩháme pe táva ojeikehápe, umi okẽ ojeikehápe osapukái:

Cantar de los cantáres 3:2

Upéramo apu’ã, ha ajere jere pe tavapy rehe; umi cálle ha okarusu (pláza) rupi, aheka pe che ánga ohayhúvape, ndajohúi katu ichupe.

Isaías 59:4

Ombotavy ha ijapu hag̃uánte ogueraha hapichápe mbojovakehára rendápe. Oñe’ẽ ha ojerovia hikuái mba’e rei rehe, ñaña rekógui hyeguasu ha imemby hikuái ñehundi.

Jeremías 2:29

Mba’upéiko pembyasy. Peẽ voi pepoi chehegui, he’i pe Oikóva tapia g̃uarã.

Jeremías 44:15

Upéramo umi kuimba’e oikuaa porãva hembirekokuéra oikuave’ẽha mba’e ryakuã porã ambue jarakuérape, ha heta kuña oñembyatýva hendivekuéra peteĩ atyguasúpe, oikóva tetã ambueygua ramo Patróspe, Egípto retãme, he’i jevy hikuái oñondive Jeremíaspe:

Jeremías 8:6

Ajapysaka ahendu porã hag̃ua, ndaipóri katu peteĩnte jepe oñe’ẽva hekoite peguáva ha avave noñembyasýi ojapo vai haguére, he’i uvei: Mba’éiko ajapóra’e. Maymáva oñani hapekuéra rehe, ku kavaju oñani háicha ñorãirõme.

Jeremías 9:2

Mba’eichatamora’e desiértope aguereko peteĩ tapýi ahasakuévo aiko hag̃ua, aheja rei hag̃ua che retãme, ha añemomombyry hag̃ua ichuguikuéra. Oporomyakãratĩ ha oporombotavységuinte.

Jeremías 9:7

upévare pende Ruete, Yvága Atykuéra Jára, he’iuka: Pema’ẽ porãke, Che nambuepotirichénepa ichupekuéra ha namyengoviaichénepa che retã rembiapo vaieta.

Ezequiel 22:30

Ha aheka ijapytepekuéra peteĩ kuimba’e omopu’ãkuaáva pe tápia ha omboty jevýva ikuára ani hag̃ua Che ambyai ko tetãme, ha ndajohúi avavépe.

Ezequiel 9:9

Ha Ha’e he’i chéve: Juda ha Israel retã ñañangue ituichaitereirasa ha pe yvy henyhẽ tuguýgui, ha pe táva katu henyhẽ teko vaígui; he’ígui hikuái: Ñanderuete opoi rei hetãgui ha ndohechái ore rembiapo vai rehe,

Daniel 12:4

Ha nde, Daniel, ejokua hatã ha eñongatu porã ko kuatiañe’ẽ umi ára paha peve. Heta oĩta oipyguaráva ágotyo pégotyo, ha upépe ae oñemyesakãve ohóvo.

Joel 2:9

Ojeity hikuái pe táva ári, oñani joáta ojupi hag̃ua táva tápia rehe umi óga ári, mondaháicha oikéta hikuái umi óga rovetã rupi,

Amos 8:12

Ha pehasáta peteĩ yguasúgui ambue yguasúpe, yvate guive kuarahyresẽ meve pehekáta pende Ruete ñe’ẽ, ha ndapejohumo’ãvéima.

Zacarías 2:4

ha he’i ichupe: Eñani, ha ere ko kuimba’épe, oguerekóva ipópe pe sã: Jerusalen opytáta kora yvate’ỹre, hetaitereíta kuimba’e, kuñakuéra ha tymbakuéra oikotavahína ipype.

Lúcas 14:21

Ha pe ogajára rembiguái ojevy omombe’upa ijárape. Upérõ ha’e ipochyete ha he’i hembiguáipe: Pya’e tereho pe táva cálle rupi ha erupa umi imboriahúvape, ijyva’ỹvape, térã hetyma’ỹvape, umi hesatũvape ha umi ikarẽvape.

2 Tesalonicayguakuérape 2:10

Opaite ko’ã mba’e rupi ombotavýta umi oñehundítavape, ha’ekuéra ndohayhúi ha omboyke haguére pe añetegua ha pe salvacion rape.