Jeremías 48:3

Ñanderuete Ñe’ẽ Porã 2015

Horonaímgui oñehendu sapukái, ñehundi ha jehasa asy ndetuichaitéva.

Referencias Cruzadas

Isaías 15:2

Umi Dibongua oho ojahe’o hag̃ua yvy ijyvatehápe ha itupã rógape; Moabguakuéra hasẽ Nebo ha Medéba rehe; omoperõmba hikuái iñakã, ha hendyva oñekytĩmba joa hikuái.

Isaías 15:5

Che ajepy’apyete Moab rehe, hetãyguakuéra okañýva og̃uahẽma Zoar ha Eglat Celícia peve. Oho hikuái hasẽháme Luhit rape rehe ha jahe’ohápe osapukái Horonaim rape rehe, hetã oñembyai haguére.

Isaías 15:8

Moab retãyguakuéra osapukái hatã Eglaim peve, oñehendu ijahe’o Beer-elim peve.

Isaías 22:4

Upévare ha’ékuri: Cherejána peẽ tajahe’o asy hag̃ua, ani peñeha’ãtei chemoangapyhy, oñehundipágui che retãyguakuéra.

Jeremías 20:16

Ha pe kuimba’e péva toiko umi táva Ñanderuete ombotapereva’ekuéicha, oiporiahuvereko’ỹre; ha tohendu umi osapukái asýva, pyharevete ha asajekue ojahe’óva.

Jeremías 47:2

Péicha he’i Ñanderuete: Pema’ẽ porãke, yvatéguio ou pe ysyry, ha hatãite osyrýta, oñuãmba peve ijyvy tuichakue, itavakuéra ha ipy peguakuérape; ha hetãyguakuéra osapukái ha ojahe’ojoáta,

Jeremías 48:34

Hesbongua sapukái asy oñehendu Eleale ha Jaháza peve, iñe’ẽpu ohasa Zoar guive Horonáim ha Eglat-Selísia peve, hypa haguére avei Nimrim yvukuéra.

Jeremías 48:4

Moab oñehundíma, isapukái asy oñehendúma Zóar peve.

Jeremías 48:5

Jahe’opópe ojejupíta pe cérro Luhit gotýo; Horonaímgui okañy umi hese ija’e’ỹva, jepy’apy sapukái reheve.

Jeremías 51:54

Oñehendu sapukaiguasu Babilóniagui, ha jepy’apy asy Caldeayguakuéra oñanduhína.