Jeremías 48:2

Ñanderuete Ñe’ẽ Porã 2015

Moab noñembotuichamo’ãvéima; Hesbongua omoheñói ijehe mba’evai ha he’i hikuái: Peju ñahundi hag̃ua hetãme, tetãnguéra apytégui. Ha nde avei Madmen reñehundíta, kyse puku ohóta nde rapykuéri.

Referencias Cruzadas

Isaías 15:1

Ñanderuete ñe’ẽ oprofetiza Moab rehe. Pyharekuépe oñehundíma Ar, ha Moab oñembotapere. Añetehápe, pyharekuépe oñehundi, Kir, ha Moab oñembotapere avei.

Isaías 15:5

Che ajepy’apyete Moab rehe, hetãyguakuéra okañýva og̃uahẽma Zoar ha Eglat Celícia peve. Oho hikuái hasẽháme Luhit rape rehe ha jahe’ohápe osapukái Horonaim rape rehe, hetã oñembyai haguére.

Isaías 16:14

Ko’ág̃a katu Ñanderuete he’íkuri: Ko’águi mbohapy año haguépe, peteĩ kuimba’e omba’apóva sapy’a ágotyo pégotyoicha, Moab pu’aka ho’áta yvýre, hetaiterei ramojepe hetãyguakuéra, mbovymínte hembýta ha ikangypa joáta hikuái.

Isaías 25:10

Ñanderuete po oñangarekóta ko cérro kóvare, Moab rehe oñepyrũmbáta, oñepyrũmba háicha kapi’íre ha tymba repoti atýre.

Jeremías 25:15

Péicha he’i chéve Ñanderuete, Israel Jára: Ejapyhy che pógui ko víno ryru, ha emboy’uka ichugui opaite tetãnguérape Che romondotahápe.

Jeremías 25:17

Upéi ajapyhy pe váso Ñanderuete pógui, ha amboy’uka opaite tetãnguérape, Ñanderuete chemondo haguérupi:

Jeremías 31:36

Og̃uahẽ ramo peteĩ ára umi mba’e ymaguare ndoikomo’ãvéi ramo, he’i pende Ruete, upéramo ae Israel ñemoñare ndoikomo’ãvéi avei che retã ramo.

Jeremías 33:24

Nderehechakuaáipa ko tetã rehe oje’éva: Ko’ã mokõi tetã, Juda ha Israel, Ñanderuete oiporavomava’ekue, ha ko’ág̃a Ha’e omboykéma. Péicha ojapo’i hikuái che retãme, ndoguerekovéi peve ichupe tetã ramo.

Jeremías 46:28

Nde, Jacóbo, che rembiguaitee, ani rekyhyje, he’i pende Ruete, Che aĩgui nendive; ahundipátagui umi tetã Che pomosarambi haguérupi; ha ndéve norohundietemo’ãi; Che rohaviráta hekoitépe katu ha ndorohejamo’ãi jehavira’ỹre.

Jeremías 48:17

Peñembyasy peẽ peikóva guive ijerekue rehe; ha peikuaáva guive héra, peje: Mba’eichaite piko ipu’aka ha imbaretekue opa rei.

Jeremías 48:42

Moab oñembyaíta, ha hetã opáta, oñemoĩ haguére Ñanderuetére.

Jeremías 48:45

Umi okañýva Hesbónpe, opytu’u hag̃ua ikuarahy’ãme, oñemondýita ohechávo Hesbóngui osẽha tata ha Sehon rogaguasu okaiha ohapy hag̃ua Moab karaikuéra ha soldádo akãnguéra.

Jeremías 49:3

Ejahe’o, nde Hesbon, oñembyaipámagui Hai; pesapukái, peẽ tavakuéra peiméva Raba jerekuévo ha peñemonde ao vosakuépe, pejahe’o ha pejere rei pe korapy ryepýpe, ojeguerahágui Milcomguakuéra jepokuapýpe, ipa’i ha imburuvichakuérape.

Jeremías 49:37

Ha Che amongyhyjéta ichupekuéra umi hese ija’e’ỹvagui ha ijukaháragui; ha aguerúta hi’ári mba’evai ha che pochy, he’i pende Ruete; ha amondóta hapykuéri che kyse puku ajukauka hag̃ua ichupekuéra.

Números 32:37

Ha Ruben tribukuéra omopu’ã jevy Hesbon, Eleale, Quiriataim,