Jeremías 4:9

Ñanderuete Ñe’ẽ Porã 2015

Upe ára upévape he’i Ñanderuete: Tetã ruvicha ha mburuvichakuéra py’a omanombáta, pa’ikuéra ipy’andyipáta ha profetakuéra oñemondyipáta.

Referencias Cruzadas

2 Réyes 25:4

Ha ojapo rire peteĩ kuára pe táva tápia yvate rehe, umi soldádo okañy péva rupi, pyharekuépe, pe okẽ oĩva mokõivéva táva tápia pa’ũ rupi, tetã ruvicha ka’avoty rembe’ýpe, ha umi Caldeaygua oĩ joa táva jerekue rehe; ha pe tetã ruvicha oho Jordan ñu rape rupi.

Salmokuéra 102:4

Che py’a katu ikangypa ku ñana pirúicha, ha upévagui cheresarái ha’u hag̃ua che pan.

Isaías 19:16

Upe ára upévape umi kuimba’e Egiptoygua ojoguáta kuñáme; oñemondyipáta ha oryryipáta hikuái Ñanderuete omopu’ã jave ipo henondepekuéra.

Isaías 19:3

Ha umi Egíptoygua ipy’aguasúva ogueve ohóvo ha iñakã porãva opa reíta ha oñembotavy hag̃ua omba’eporandúta ijára gua’úpe, ipaje apohakuérape, ita’ývõhárape (imba’ekuaávape) ha umi ohenóiva omanóva anguépe.

Isaías 28:19

Akói og̃uahẽ vove, katuete pendejapyhýta; ohasátagui ko’ẽ ko’ẽ rehe, ára ha pyhare; ha pehendu vove katuete peñemondyietéta.

Jeremías 2:26

Ku mondaha otĩ háicha ojejohu ramo ichupe hembiapo vaihápe, upeichaite otĩva’erã Israel, hetãyguakuéra, imburuvichakuéra, hetã ruvicha, ipa’ikuéra ha iprofetakuéra.

Jeremías 25:34

Peẽ ovecha rerekua, peguahúke ha pesapukái: Peẽ peporosãmbyhýva, pejapajeréi yvy timbópe, og̃uahẽmagui pende ára pejejuka térã peñemosarambi hag̃ua, ha pejejukáta ovecha kyráicha.

Jeremías 37:19

Ha mamo piko oime pende profetakuéra oikómiva omomarandu peẽme he’ívo: Ndoumo’ãi Babilónia retã ruvicha ko tetãme ni ko távape.

Jeremías 48:41

Ojejapyhypáta umi táva ha umi hekoha oñemombaretéva; ha upe ára upévape umi Moabgua ipy’aguasuvéva ojoguáta kuña imembypotávape.

Jeremías 5:31

Iprofetakuéra ijapupa ha ipa’ikuéra omboguata hapichakuérape oipota háichante, ha pévante ombovy’a che retãyguakuérape. Ha mba’éiko pejapóta og̃uahẽ vove pe jejopy vai Che ha’emava’ekue peẽme.

Jeremías 52:7

Upémaramo ombokua pe táva korapy jere, ha Judaygua soldádo osẽ ha okañymba hikuái itávagui, pyharekuépe osẽ hikuái pe okẽ oĩva umi mokõi táva korapy pa’ũ rupi ha hi’ag̃ui tetã ruvichaguasu kógagui ha oipykúi hikuái pe tape ohóva Jordan ñu gotýo.

Apostolkuéra 13:41

Pema’ẽ porãke, peẽ pemboykéva Ñanderuete rembiapo, ha peñembohorýva hese, cháke, peẽ peñemondyiva’erã ha peñehundiva’erã, Che ajapótagui peteĩ tembiapo peẽ ndapegueroviáitava, oñemombe’u ramojepe peẽme che rembiaporã, (Habacuc 1,5).