Jeremías 4:8

Ñanderuete Ñe’ẽ Porã 2015

Upévarehe peñemonde ao vosakuépe, pejahe’o ha peguahu; Ñanderuete pochy noñemboykevéima ñandehegui.

Referencias Cruzadas

Salmokuéra 78:49

Hi’angelkuéra rupi Ha’e oity hi’ári ipochy, iñeko’õi, ipy’aro ha ijejopy vai.

Isaías 10:4

Cherehe’ỹ ojegueraháta ñemokarapã ha jepokuahápe ha ho’a joa hag̃ua omanóva apytépe. Ha ko’ã mba’e reheve jepe Ñanderuete pochy ndopimo’ãi, ipo ojepysónte gueteri hi’arikuéra.

Isaías 13:6

Pejahe’óke, hi’ag̃uietéma Ñanderuete ára, oúta pe Ipu’akapáva ombyai hag̃ua.

Isaías 22:12

Upévare Ñanderuete, yvága atykuéra Jára he’iva’ekue peẽme pe ára pévape pejahe’o ha peñembyasy, peñemyakã perõ ha peñemonde ao vosakuépe;

Isaías 32:11

Peryrýike, peẽ pejepy’apy’ỹva mba’eve rehe; peñemyangekõike, peẽ peñembotuicháva; peipe’a pendejehegui pende aokuéra, peñemboi ha pemonde ao vosakue pehechauka hag̃ua pende vy’a’ỹ.

Isaías 5:25

Ko’ã mba’e rupi Ñanderuete oñemoĩ hetãyguakuéra rehe, ha oipyso ipo ohavira hag̃ua ichupekuéra. Umi cérro oryryipa. He’õnguekuéra oñemombopa tapére ytýicha ha upeichavéramo jepe ndopíri ipochy, ha ojepyso gueteri hína ipo.

Isaías 9:12

kuarahyresẽguio umi Aramguápe ha kuarahyreikéguio Filisteayguakuérape; ha ijuru omokõta ohóvo Israelguakuérape. Upeichavérõ jepe Ñanderuete pochy ndopíri, ipo ojepysónte gueteri hesekuéra.

Isaías 9:17

Upévagui Ñanderuete ndaipy’arorymo’ãvéi umi mitãrusu rehe, ha ndoiporiahuverekomo’ãi umi ityre’ỹva ha imenave’ỹvape; opaite umía ijapu ha heko vai, ha ijuru oñe’ẽ mba’e rei rei, upévare Ñanderuete pochy ndopíri, ipo ojepysónte gueteri hesekuéra.

Isaías 9:21

Manases omokõse Efraínpe, Efrain Manaséspe, ha mokõivéva Judápe. Ko’ã mba’e rehe Ñanderuete ipochýgui, ha ipo ojepysónte gueteri hi’arikuéra.

Jeremías 25:34

Peẽ ovecha rerekua, peguahúke ha pesapukái: Peẽ peporosãmbyhýva, pejapajeréi yvy timbópe, og̃uahẽmagui pende ára pejejuka térã peñemosarambi hag̃ua, ha pejejukáta ovecha kyráicha.

Jeremías 30:24

Ndopamo’ãi Ñanderuete pochy ojapopa peve ipy’apýpe ojaposéva; ág̃a upe ára pahakuévo peikuaa porãta mba’épa he’ise ko’ã mba’e.

Jeremías 48:20

Moab opyta otĩete. Sarambi oiko ichugui; pejahe’o ha pesapukái; Arnon rupi pemoherakuã Moab oñehundi hague.

Jeremías 6:26

Che retã, ejeku’a jokua, eñemonde ao vosakuépe (ao hũvape), ha ejapajeréi tanimbúpe; eñembyasy ha ejahe’o, pe kuña imenave’ỹva ojahe’o háicha omano ramo imemby ha’eñomíva ha hasẽva py’a ñembyasýgui; cháke, upe ñanembyaítava pya’e oúta ñandeári.

Lamentaciónes 1:12

Ha peẽ pehasáva umi tape rupi napeñandúi piko ore jepy’apy asy. Pema’ẽmína, oiménepa oñembyasýva ku che añembyasy háicha; Ñanderuete katu chembohasa asy ipochy rupi iñembojovakeha árape.

Ezequiel 21:12

Esapukái ha ejahe’o, kuimba’e ra’y, kóa oúta che retã ha mayma imburuvichakuéra ári; ha’ekuéra ho’áta avei kyse puku rupi che retãyguakuéra ndive, upévagui einupã nde ku’a rehe.

Ezequiel 30:2

Kuimba’e ra’y, eprofetiza ha ere: Péicha he’i pende Ruete, pejahe’óta, angái, angái, upe ára upévare.

Joel 1:13

Peẽ pa’ikuéra pejeku’a jopy ha pejahe’o joáke, penepyahẽ asy joáke, peẽ kuave’ẽmby renda rembiguaikuéra. Peju ha peke ao vosakue reheve, che Jára rembiguaikuéra, ojepe’a haguére pe kuave’ẽmby tembi’u ha víno rehegua pende Ruete rogaguasúgui.

Amos 8:10

Pende aretekuéra rendaguépe oikóta tesay, ha pende purahéigui oikóta jahe’o, pomondeukáta ao vosakuépe ha peñemyakã perõta, peñembyasýta ha pejahe’óta, pende ra’y peteĩmíva omano ramoguáicha, ha ipahápe pemanóta py’angekõita reheve.

Miquéas 1:16

Eñapĩ perõ nde ra’y nembopy’aroryetéva ha emoakãperõ yryvu ruvicháicha, ojererahágui ichupekuéra tembiguáirõ ambue tetãme.

Números 25:4

Ha Ñanderuete he’i Moiséspe: Eguenohẽ tríbu ruvichakuérape ha ejuvy ichupekuéra kuarahy renondépe, ha pende Jára pochy ojeíta Israélgui.