Jeremías 4:7

Ñanderuete Ñe’ẽ Porã 2015

Pe leõ ouhína ikehágui isoldádo aty reheve ha umi tetã hundihára og̃uahẽtama, osẽma oikohágui ombotapere hag̃ua nde yvy; nde tavakuéra itaperepáta ha avave ndoikomo’ãvéima ipype.

Referencias Cruzadas

2 Réyes 24:1

Hi’árape ojupi Nabucodonosor, Babilónia retã ruvicha, isoldádo atyguasu reheve. Ha Joacim oiko hembiguái ramo mbohapy áño pukukue, ha upéi oñemoĩ hese.

2 Réyes 25:1

Ojehu Sedequías oisãmbyhývo pe áño 9-hápe, pe jasy 10-hápe ha pe ára 10-hápe, Nabucodonosor, Babilónia retã ruvicha, ou isoldádo atyguasu reheve ojeity hag̃ua Jerusalén ári, ha omongora pe táva, ha omopu’ã Jerusalén tápia renondépe escaléra isoldadokuéra ohasa hag̃ua pe táva tápia ári.

Isaías 1:7

Pende yvy iperõmbáma, pende resa renondépe ojejatapy pende táva rehe ha tetã ambueygua ho’upa pende koga’a, ha ombyaipa pende yvy Sodóma peguaréicha.

Isaías 5:9

Che apysápe ahendu Ñanderuete ñe’ẽ he’íva: Añetehápe heta óga oñemonandíta iporã ha ituicha ramojepe.

Isaías 6:11

Ha che aporandu: Araka’e pevépa, che Jára. Ha Ha’e he’i chéve: Oñehundipa peve itavakuéra ha ndojeikovéi peve ipype, ha oñemonandiete peve hóga ha oñembotapere peve ikogakuéra.

Jeremías 2:15

Umi leõ ra’yrusu okororõ ichupekuéra, osapukái ha ombotapere ijyvykuéra; ojehapypa itavakuéra, avave ndoikovéima ipype.

Jeremías 22:6

upévarehe pende Ruete he’i Juda retã ruvicha róga rehe: Ku Galaad yvy porãitéicha nde reiko chéve g̃uarã, ku Líbano ru’ãicha Che romopu’ã, upeichavéramo jepe Che rombotaperéta ha nde táva ryepýpe avave ndoikomo’ãvéima.

Jeremías 22:7

Ambosako’íta umi nembyaítava, peteĩteĩva ihácha reheve, oikytĩva’erã hikuái nde cédro ojeporavopyréva oity hag̃ua tatápe.

Jeremías 25:38

Pe leõ opoi rei háicha ikehágui; upéicha Ñanderuete ombyaipa pe yvy péva ipochy ha ijejopy vai rupi.

Jeremías 25:9

ambyatyukáta ha amondóta umi tetã yvate gotyogua ha che rembiguái Nabucodonosor, Babilónia retã ruvichápe, pene retãme amoĩ hag̃ua ipoguýpe ko tetã kóvape ha ijerekuévo oĩva guivépe, ha péicha Che pohundíta peiko hag̃ua kyhyjepópe, ñembohoryha ramo ha jepy’apy vaípe opaite ára peve.

Jeremías 26:9

Mba’érehe piko reprofetiza Ñanderuete rérape, erévo: Ko ogaguasu oñehundíta pe Silo peguaréicha, ha ko táva kóva itaperéta ha avave ndaiporimo’ãvéi ipype. Opaite tetãygua ijaty opu’ã hag̃ua Jeremías rehe Ñanderuete rogaguasu korapýpe.

Jeremías 27:8

Ha upe tetã ndoikoséiva Nabucodonosor, Babilónia retã ruvicha rembiguái ramo, ha nomoĩséi ramo ijatúa ári Babilónia ruvicha cangálla, upe tetã upévape ahaviráta kyse puku, ñembyahýi ha mba’asy iñasãiva rupi, he’i pende Ruete, ahundi peve ipo rupi.

Jeremías 33:10

Péicha he’i pende Ruete: Ko táva kóvare, peje itapereha ha ipype ndoikovéima yvyarigua ni tymbakuéra, añetehápe ko’ág̃a umi Juda táva ha Jerusalen rapekuéra itaperepa ha ndaipóri yvyarigua ni tymbakuéra oguatáva upérupi.

Jeremías 34:22

Pema’ẽ porãke, Che ha’éta ichupe, ou jevy hag̃ua ko táva kóvape, ha’e ojeitýta hi’ári ha omoĩta ipoguýpe, ha upéi ohapýta ko távape; ha ambotaperéta umi táva Juda pegua, ndaiporivéi peve avave ipype.

Jeremías 4:29

Umi tavaygua okañymba ohendúvo umi kavaju árigua ha umi hu’y poihára oikepa ka’aguy mbytépe, ha ojupi hikuái umi cerrorusu rehe; pe táva ojehejareipa, ha avave ndopytái ipype.

Jeremías 44:2

Péicha he’i Yvága Atykuéra Jára, Israel Jára: Peẽ pehechapáma umi mba’evaieta aguerumava’ekue Jerusalen ha Juda tavakuéra ári; ha peikuaa porãke umía ko’ág̃a itaperepáma; ha ndaiporivéima hetãyguakuéra oikóva ipype.

Jeremías 46:18

Che rekove rehe, he’i Tetã Ruvichaguasuvéva, héra, Yvága Atykuéra Jára, ku cérro Tabor ijyvatevéva cerrokuéra apytégui, ha pe Carmel oñemopu’ã háicha yguasu rembe’ýpe, péicha Nabucodonosor katuete opu’ãta nderehe, faraon.

Jeremías 49:19

Pema’ẽ porãke, ku leõicha osẽva Jordan ka’aguýgui ñu porãme, upéicha sapy’aitépe amosẽta avei Edómpe hetãgui, ha Che aiporavóma pe oikótava upépe, péva opytáta ijyvy jára ramo. Máva piko ikatúta oñembojoja cherehe. Ha mávapa ikatu oñemoĩ cherehe. Mamo piko oĩ tetã ruvicha ikatúva oñembo’y che renondépe.

Jeremías 5:6

Upévare, pe leõ ka’aguýpe oikóva, ojukáta ichupekuéra; pe aguaraguasu desiértope oikóva sarambi ojapóta ijapytépe ha pe jaguarete hũ ojere jere itavakuéra rehe omondyryry hag̃ua oimeraẽ osẽva guivépe itavapýgui. Ko’ã mba’e oikóta hembiapo vaieta rupi, oñemoĩ haguére Ituvatee rehe.

Jeremías 50:17

Israel ojogua ovecha aty okañývape ha peteĩ leõ omuñávape ichupe; Asíria retã ruvicha omokõ raẽ Israélpe ha ág̃a ipahápe Nabucodonosor, Babilónia retã ruvicha oñapi’ũ ikanguekuéra.

Jeremías 50:44

Cháke, ku leõ osẽ háicha ysyry Jordan ka’aguýgui ñu porãme, peichaite peteĩ sapy’aitépe, Che amosẽta ichupekuéra upégui, pe Che aiporavomava’ekue opytáta oisãmbyhy hag̃ua; ha máva piko ikatu chembojoja, ha máva piko ikatu oiko che mbojovakehára ramo térã mba’eichagua mburuvicha piko ikatu oñembo’y che renondépe.

Jeremías 8:16

Dan guive oñehendúma henda kavajukuéra pyambu; ha umi henda kavaju ayvúgui oryryipa pe yvy, ha ou hikuái omonandi pe yvy ha opaite mba’e oĩva guive ipype, oguerahapa hag̃ua ojohúva guive.

Jeremías 9:11

Jerusaléngui hembýta ita atyraguasúnte, opyta jagua saite rekoha ramo; Che ambotaperepáta Juda tavakuéra ha avave ndoikomo’ãvéima ipype.

Ezequiel 12:20

Ha umi táva ojeikoha guive oñembotaperepáta, ha pe yvy itaperepáta avei; ha peikuaáta Che ha’eha pe Oikovéva tapia g̃uarã.

Ezequiel 21:31

Che añohẽta ndeári che pochy; che pochy amyendýta ndeári, ha Che romoĩta ndéve kuimba’ekuéra okyhyje’ỹva ha oporohundíva poguýpe.

Ezequiel 32:2

Kuimba’e ra’y, epurahéi ñemano jahe’o purahéi faraon rehe, Egípto retã ruvicha, ha ere ichupe: Rejoguaite leõ ra’ýpe tetãnguéra apytépe, ha reiko ku tejujaguáicha ysyryguasu Nílope ha reipeju hatã ne tĩ rupi nde ysyrykuéra, rembotyai pe y nde pykuérape, ha reipyvu pyvu ysyrykuéra.

Daniel 5:19

Ñanderuete ome’ẽva’ekue ichupe pu’akaguasu, oryrýi ha okyhyje hag̃ua nde ru renondépe opaite tetãnguéra ha opaichagua tetã ambueyguáva. Nde ru ojukauka ojukasévape ha oheja oikove ha’e oipotáva guivépe, ha’e ombotuichaukase ramo peteĩme ombotuicha ichupe, omomirĩukase ramo ambuépe omomirĩ ichupe.

Daniel 7:4

Pe mymba peteĩha ojogua leõme, ha ipepo ñapykanícha. Ha che ama’ẽ jave ipepokuéra rehe, oñemondoro umía ichugui, oñemopu’ã yvýgui ha oñembo’y ipy rehe kuimba’éicha ha oñeme’ẽ ichupe peteĩ tapicha py’a.

Levítico 26:31

Pende tavakuéra ha pe óga jojohuha ambotaperéta, ha nahetũmo’ãi pene mba’e ryakuã asy.

Levítico 26:33

Che pomosarambíta tetãnguéra rupi, ha amondóta che kyse puku pende rapykuéri; ha pende táva ha pende yvýgui oikóta tapere.