Jeremías 4:6

Ñanderuete Ñe’ẽ Porã 2015

Pehupi yvate pende poyviveve Siónpe, peñani ha ani pepyta pytátei. Cháke, nórteguio Che amboúta mba’evai ha jepy’apy ndetuichaitéva.

Referencias Cruzadas

Isaías 62:10

Pehasa hasa táva rokẽ rupi, pemopotĩ tetãygua rape; pembojoja joja pe tape, pemopotĩ itágui ha pemopu’ã poyviveve umi tetãme g̃uarã.

Jeremías 10:22

Cháke, ouhína ñe’ẽguyguy, tyapuguasu oñehendútama pe tetã yvatéogui, ombotapere hag̃ua opaite Juda tavakuéra, ha hendaguépe oiko hag̃ua jagua saitekuéra.

Jeremías 18:11

Ha ko’ág̃a, eñe’ẽ mayma Juda ha Jerusalenguápe, ha ere: Péicha he’i pende Ruete: Peikuaa porãke, Che ambosako’i mba’evai peẽme g̃uarã, ha ahaíma umi mba’e oikótava; peteĩteĩva tojevy hape vaígui ha tomyatỹrõ porã haperã ha hembiapo vaikuégui.

Jeremías 21:7

Uperire Ñanderuete he’i: Ame’ẽta Sedequías, Juda retã ruvicha, ha hembiguaikuérape Nabucodonosor pópe, ha hendivekuéra opaite umi tetãygua hembýva guive pe mba’asy vaietégui, pe kyse pukúgui ha ñembyahýigui; umía ho’apáta Nabucodonosor, Babilónia retã ruvicha pópe, umi hesekuéra ija’e’ỹva pópe, ha ha’e oikutúta ichupekuéra kyse puku rãimbépe; ha noperdonamo’ãi ni ndoiporiahuverekomo’ãi ichupekuéra.

Jeremías 22:7

Ambosako’íta umi nembyaítava, peteĩteĩva ihácha reheve, oikytĩva’erã hikuái nde cédro ojeporavopyréva oity hag̃ua tatápe.

Jeremías 25:9

ambyatyukáta ha amondóta umi tetã yvate gotyogua ha che rembiguái Nabucodonosor, Babilónia retã ruvichápe, pene retãme amoĩ hag̃ua ipoguýpe ko tetã kóvape ha ijerekuévo oĩva guivépe, ha péicha Che pohundíta peiko hag̃ua kyhyjepópe, ñembohoryha ramo ha jepy’apy vaípe opaite ára peve.

Jeremías 4:21

Araka’e pevépa ahecháta yvate pe poyviveve (bandéra) ha ahendúta turu pu ñorãirõ megua.

Jeremías 50:2

Pemyasãi ha peikuaauka ko ñe’ẽ tetãnguéra apytépe ha pemopu’ã avei poyviveve, ha ani peñomítei mba’eve; pemyasãi Babilónia oñembopoguýma, ijára Bel ipy’atarova, ha ijára Merodac ipy’amano; ijára gua’u ra’ãnga opyta toryja ramo ha oñehundi.

Jeremías 50:22

Ñorãirõ ryapu ningo oñehendúma tetãpy rehe, ha oikóma jepy’apy tuichaitéva.

Jeremías 51:12

Pemopu’ã pende poyviveve Babilónia korapyjere yvatépe, pembohetavéke umi tahachi oñangareko hag̃ua ha pembosako’i ñuhãrã; umi mba’e Ñanderuete ojaposéva Babiloniaygua rehe katuete ojapóta avei.

Jeremías 51:27

Pemopu’ã poyviveve tetã ryepýpe, pembopu turu tetãnguéra pa’ũme; tetãnguéra peñembosako’i peñemoĩ hag̃ua Babilónia rehe, pembyaty hese umi tetã Ararat, Mini ha Askenaz pegua; ha pemoĩ hi’arikuéra mburuvichakuéra, ha pemondo hendápe kavaju arigua tuku atyguasúicha.

Jeremías 51:54

Oñehendu sapukaiguasu Babilóniagui, ha jepy’apy asy Caldeayguakuéra oñanduhína.

Jeremías 6:1

Benjamin ñemoñarenguéra pekañy Jerusaléngui ha pembopu turu Tecóape, pemopu’ã tatatĩ, techaukaha ramo Bethaquérempe, cháke, nórtegui ou jejopy vai ha ñehundiguasu.

Jeremías 6:22

Péicha pende Ruete he’i: Pema’ẽ porãke, oúta peteĩ tetã yvatéogui, peteĩ tetã ndetuicháva opu’ãta umi mokõi yvy apýra guive.

Ezequiel 9:1

Ha osapukái hatã che apysakuápe, he’ívo: Umi táva hundihára og̃uahẽma, ha ipopekuéra ogueru joaite ikyse puku.

Ezequiel 9:2

Ha péina ápe 6 kuimba’e ou pe okẽ yvate gotýogui ha peteĩteĩva ogueru ipópe ikyse puku oporohundi hag̃ua. Ha ijapytepekuéra oĩ peteĩ kuimba’e oñemondéva línope (ao morotĩ hepývape) ha iku’a rehe ogueru peteĩ hyru kuatia haihára oiporu háicha; ha oikévo hikuái, oñembo’y pe kuave’ẽmby renda bronceguiguáva ypýpe.

Sofonías 1:10

Ha upe árape, he’i pende Ruete, oikóta sapukaiguasu Jerusalen pira rokẽ guasu guive, ha jahe’o asy pe táva pyahu rokẽguasúre, ha angekõi vai oúta umi cérrogui.

Zacarías 6:6

Ha pe cárro ikavaju hũva reheve oho pe tetã yvate gotýo, ha umi morotĩva oho hapykuéri, umi iparáva oho pe tetã yvy gotyoguápe.