Jeremías 4:11

Ñanderuete Ñe’ẽ Porã 2015

Umi ára umívape oje’éta ko tetã ha Jerusalenguápe: Yvytu aku oipeju hatã desiértogui che retã rapére, ndaha’éi omboyvytu ni omopotĩ hag̃ua kóga’a.

Referencias Cruzadas

Salmokuéra 11:6

Iñañáva ári omongýta mba’evaieta, tata, ita’aysy (azúfre) ha yvytu aku. Péva ningo hembiapo vai repyrã.

Isaías 22:4

Upévare ha’ékuri: Cherejána peẽ tajahe’o asy hag̃ua, ani peñeha’ãtei chemoangapyhy, oñehundipágui che retãyguakuéra.

Isaías 27:8

Ñanderuete ohaviráta ichupekuéra, ha’ekuéra oñemboyke haguére Ijáragui. Ha’e oguerova ichupekuéra ijyvytu’atã rupi oúva kuarahyresẽguio.

Isaías 41:16

Remombóta yvytúre, ha pe yvytu oguerovevepáta, ha pe yvytu jepoka omosarambipáta; revy’aitéta nde Ruete ndive, ha nderoryetéta Israel Jára ndive.

Isaías 64:6

Ore ningo rojogua mba’e ky’ápe, ha opaite ore rembiapo porã ojogua avei ao ky’akuépe; ha ore ro’apa ku yvyra roguekuéicha, ha ore ñaña reko oregueraha yvytúicha.

Jeremías 13:24

Upévare Che amosarambi ichupekuéra yvytu rupi desiértope, ku yvyra rogue pirukuéicha.

Jeremías 14:17

Ha nde, Jeremías, eréta ichupekuéra ko ñe’ẽ kóva: Che resakuéragui osyry che resay opi’ỹre ára ha pyhare, jepy’apyrã tuichaitéva og̃uahẽta che retãme ha jehasa asy ipohyietereíva ho’áta hi’arikuéra.

Jeremías 23:19

Upévagui pende Ruete pochy osẽta yvytu’atãicha; ha oipeju hatã jave ojeitýta umi iñañaitéva akã ári.

Jeremías 4:12

Yvytu hatãitereíva Che amboúta; Che voi ambojovakéta ichupekuéra.

Jeremías 8:19

Tetã mombyrýgui oñehendu che retãygua pyahẽ ha he’i hikuái: Noĩvéi piko Ñanderuete Siónpe. Noĩvéi piko ipype hetã ruvicha. Mba’upéiko ha’ekuéra chembopochy ijára gua’u ra’ãnga ha ambue tetã jarakuéra rupi.

Jeremías 9:1

Mba’eichatamora’e ko che akã tahenyhẽ yetágui, ha che resakuéra toiko tesay yvu ramo, cherasẽ hag̃ua ára ha pyhare pukukue che retã re’õnguekuéra rehe.

Jeremías 9:7

upévare pende Ruete, Yvága Atykuéra Jára, he’iuka: Pema’ẽ porãke, Che nambuepotirichénepa ichupekuéra ha namyengoviaichénepa che retã rembiapo vaieta.

Lamentaciónes 2:11

Che resa tesay hetaitereígui ou hypa, che py’a tarovaite, che py’a ho’a yvy rehe, oñehundígui che retã rajy (Jerusalen) ha ohasa asyetereígui mitãkuéra ha umi okambúva avei ko táva ryepýpe.

Lamentaciónes 3:48

Y añohẽ che reságui ku ysyrýicha, ajepy’apyetereígui, ahechávo mba’éichapa Jerusalen oñehundíma.

Lamentaciónes 4:10

Umi kuña ipy’a porãva jepe, ipotee rupi ombojy imembykuérape, imembykueratee oiko hembi’u ramo che retã rajykuéra jepy’apy vaietereiha árape.

Lamentaciónes 4:3

Umi aguaraguasu jepe ome’ẽ ikáma omokambu hag̃ua imembykuérape; che retã rajy katu ipy’a hatã ku ñanduguasúicha oikóva desiértope.

Lamentaciónes 4:6

Che retã rajy reko ñaña oñemboheta hetave Sodóma rembiapo vaígui, sapy’aitépe, peteĩ tesapirĩme pe táva oñehundi, yvyariguakuéra ndopokóirõ jepe hese.

Ezequiel 17:10

Ha péina oñeñotỹmba riréma, osẽ porãmbánepa. Ndaipirupaichénepa ág̃a oipeju vove yvytu kuarahyresẽguio. Hoky haguépe ipirúta.

Ezequiel 19:12

Ha jaheipópe oñemondoróra’e, ojeity yvy rehe, ha pe yvytu kuarahyresẽguio oúva ombopiru hi’a; hakãnguéra imbaretéva opẽmba ha ipirupa, ha tata ombokusuguepa.

Oséas 13:15

Ha Efrain hi’a porã ramojepe ku kapi’i y rembe’y peguáicha, katuete og̃uahẽta pe yvytu hakuetereíva ombohypa hag̃ua nde ykua ha nde yvukuéra. Ha hese ija’e’ỹva oguerahapáta ne mba’ejegua ha hepýva.

Oséas 13:3

Upévare Efrain ha’ete ku tatatĩna pyharevete peguáicha, ha ysapy ku ko’ẽ mboyve ohasávaicha; yvytu ratã oguerovevérõ guáicha trígo rogue piru ikogatýgui, ha tatatĩ osẽrõ guáicha tatakuágui.

Oséas 4:19

Pe yvytu vai pepokuéra tojapyhy ichupekuéra oñehundi hag̃ua ikuave’ẽmby hendapegua’ỹ rupi.

Habacuc 1:11

Upéi oho jevýta ku yvytu ratãicha, ha’ekuéra ojerovia ipu’aka rehénte.

Habacuc 1:6

Peikuaa porãke, Che voi amopu’ã umi Caldeayguápe, tetã iñarõséva ha ojejokokuaa’ỹva, ha oguatáva ko yvy apére oñemomba’e hag̃ua ambue yvy rehe, ndaha’éiva imba’e.

Matéo 3:12

Iñyrupẽ oĩma ipópe, omopotĩ porã hag̃ua ikóga’a; Ha’e ombyatýta pe trígo iñongatuhápe ha ohapýta pe kapi’i tata ogue’ỹvape araka’eve.

Lúcas 3:17

Ipópe oĩma pe yrupẽ, omopotĩ hag̃ua pe trígo ra’ỹi, oñongatu hag̃ua pe trígo hógape ha pe trígo pirekue katu Ha’e ohapyukáta tata ogue’ỹtavape araka’eve.