Jeremías 4:10

Ñanderuete Ñe’ẽ Porã 2015

Che katu ha’e ichupe: Angái, angái, che Ruete, che Jára, Nde reheja oñembotavy ko tetã kóvape ha avei Jerusalénpe, oñemyasãi haguére: Peẽ pendepy’aguapy, pe kyse puku katu ojekutumahína ore ánga rehe.

Referencias Cruzadas

Éxodo 5:22

Upéramo Moises ojere ha he’i Ñanderuetépe: Che Jára, mba’érehe piko remyangekõi ko’ã tetãyguápe ore rupive. Mba’upe piko chemboúra’e.

Éxodo 9:14

Ko’ág̃a Che añemoĩta nderehe, ne rembiguái ha ne retãyguakuéra mayma rehe che plagakuéra rupi, rehechakuaa porã hag̃ua ndaiporiha ambue Jára cheichagua opaite yvy apére.

Isaías 30:10

ha’ekuéra he’i iprofétape: Ani pehechátei; ha imaranduhárape: Ani pemomarandútei (peprofetiza) oréve umi mba’e hekoite peguáva, pejénte oréve umi mba’e orembohorýva, pemomarandu ñembotavy;

Isaías 37:35

Che voi ningo añangarekóta ko táva kóva rehe aipytyvõ hag̃ua, Che ha che rembiguái David rayhupápe.

Isaías 63:17

Mba’érehepa nde, ore Ruete, reheja ropia nde rapégui, ha remohatã ore py’a rokyhyje’ỹ hag̃ua ndehegui. Ejevýna orendive, ne rembiguaikuéra rayhupápe ha ne retã rehehápe.

Jeremías 1:6

Ha che ha’e ichupe: Che Ruete, che Jára. Ema’ẽ porã, che nañe’ẽkuaái, che ningo che mitãiterei gueteri.

Jeremías 23:17

Umi oñembohorýva pende Ruetére he’i hikuái: Ñanderuete he’i peguerekotaha py’aguapy; ha umi oñembopy’ahatãvape he’i hikuái: Ndoumo’ãi pendeári mba’eve ivaíva.

Jeremías 32:17

Nde, che Ruete: Aikuaa porã ningo nde pu’aka rupi rejapomava’ekue umi yvága ha ko yvy, nde pyapy jepysopyre rembiapopa voi ningo; ndéve g̃uarã ndaipóri mba’eve ikatu’ỹva rejapo.

Jeremías 4:18

Ne aña reko ha ne rembiapo vaikue ogueru ko jejopy vai kóva; ne ñaña reko ndekutúta nde py’aitépe.

Jeremías 5:12

Opoi hikuái Ñanderuetégui, ha he’i hikuái: Ñanderuete ndaha’evéima mba’eve ñandéve g̃uarã, ha mba’eveichagua jehasa asy ndoumo’ãi ñande ári, ndajahechamo’ãi kyse puku ni ñembyahýi;

Jeremías 6:14

Ha’ekuéra oipohãno vai vai che retã mba’asy vai ku ndaha’éi ramoguáicha mba’eve, ha hi’ári he’i: Py’aguapy, py’aguapy, ha ndaipóri py’aguapy.

Jeremías 8:11

Ha’ekuéra oipohãno vai vai che retã rajykuéra ai, ku ndaha’éi ramoguáicha mba’evai, ha he’i hikuái: Py’aguapy, py’aguapy, ndaipóri ramojepe py’aguapy.

Lamentaciónes 2:21

Mitãkuéra ha tujakuéra ojepyso joa yvy rehe umi táva cálle rupi, che kuñataĩkuéra ha che karia’ykuéra ho’apa kyse puku rãimbekuépe, rejukava’ekue nde pochyha árape; rehundipákuri ichupekuéra reiporiahuvereko’ỹre.

Ezequiel 11:13

Ha ojehu che añe’ẽ jave, Pelatías, Benaía ra’y, omano. Upémaramo añesũ amboja peve che rova yvy rehe ha hatã asapukái, ha’évo: Nde, ore Ruete, rejukapátapa Israel rembyremíme.

Romayguakuérape 1:24

Upévare Ñanderuete opoi ichuguikuéra oiko hag̃ua ipy’apy rembipota vai ha mba’e ky’a tie’ỹ poguýpe, oñemongy’ave hag̃ua ohóvo heteteépe.

Romayguakuérape 1:26

Upévare Ñanderuete opoi ichuguikuéra ho’a hag̃ua ipy’apy rembipota ky’a vai poguýpe; ikuñakuéra jepe oiko rãngue kuimba’e ndive, oiko kuña kuña ndive,

Romayguakuérape 1:28

Ha’ekuéra opoi haguére Ñanderuetégui, Ñanderuete opoi avei ichuguikuéra, ha oñeme’ẽ hikuái ipy’apy rembipota ky’a vaípe, ojapo hag̃ua umi mba’e ojejapo’ỹva’erãva,