Jeremías 38:2

Ñanderuete Ñe’ẽ Porã 2015

Péicha he’i Ñanderuete: Upe opytáva ko táva kóvape omanóta kyse pukúpe, ñembyahýi térã mba’asy iñasãiva rupi; ha umi ohasáva Caldeayguakuéra rendápe nomanomo’ãi, oikovéta uvei, ha hekove oñeme’ẽta ichupekuéra peteĩ jopói ramo.

Referencias Cruzadas

Jeremías 21:4

Ñanderuete, Israel Jára, péicha he’i: Peikuaa porãke, Che voi ambojeréta tapykue gotýo pene ñorãirõ rembiporu peguerekóva pende pópe, umía reheve peñorãirõta Babilónia retã ruvicha ha umi Caldeaygua ndive oĩvahína pe táva korapy renondépe ha Che voi amoingéta ichupekuéra ko táva ryepýpe.

Jeremías 24:8

Ha umi higo ivaietéva, ivaietereígui ndaikatúiva oje’u, umía ha’e Sedequías, Juda retã ruvicha, mburuvichakuéra ha umi Jerusalengua hembýva ko tetãme ha Egípto retãme oikóvape, he’i pende Ruete.

Jeremías 27:11

Ha upe tetã oñemomirĩva Babilónia retã ruvicha renondépe opyta hag̃ua icangálla guýpe ha oiko hag̃ua hembiguái ramo, Che ahejáta ijyvyteépe, he’i Ñanderuete, oñemitỹ ha oiko hag̃ua ipype.

Jeremías 27:13

Mba’upéiko pemanose rei, nde ha ne retãyguakuéra, kyse puku, ñembyahýi térã mba’asy iñasãiva rupi, Ñanderuete he’íma voi opaite tetã oikose’ỹva Babilónia retã ruvicha rembiguái ramo oñehunditaha katuete.

Jeremías 29:16

Pende Ruete katu péicha he’i pe tetã ruvicha oguapyvahína David guapyhaguasúpe, ha opaite tetãyguápe oikóva guive ko táva kóvape, pene pehẽnguekuéra ndohoiva’ekue penendive jepokuapýpe;

Jeremías 29:18

Amuñáta ichupekuéra kyse puku rupi, ñembyahýi ha mba’asy iñasãiva rupi, ha amoĩta ichupekuéra ñemondýi ramo mayma tetãnguéra yvy ape ári oikóva guive, maldicion ha poromongyhyjeha ramo, ñembohoryha ha mba’e ñemotĩha ramo mayma tetãnguérape g̃uarã mamo Che amombo haguérupi ichupekuéra;

Jeremías 34:17

Upévare Che, pende Ruete, ha’e peẽme: Peẽ nacherendúi haguére pepoi hag̃ua pene pehẽnguekuéra ha pene irũnguéragui Che ndapoimo’ãi avei kyse puku, pe mba’asy iñasãiva ha ñembyahýigui, he’i pende Ruete; ha pomoĩta ñemondyiguasu ramo tetãnguéra yvy apére oĩva guivépe.

Jeremías 39:18

Che roñomíta ha ndere’amo’ãi kyse pukúpe, ame’ẽ jevýtagui nde rekove ndéve peteĩ jopói ramo rejerovia haguére cherehe, he’iuka ndéve Ñanderuete.

Jeremías 42:17

Mayma kuimba’e oikéva guive Egíptope oiko hag̃ua upépe, omanova’erã kyse pukúpe, ñembyahýi térã mba’asy iñasãiva rupi, ijapyteguikuéra avave nahembymo’ãi, ha avave nokañymo’ãi pe mba’evaígui Che aguerútava hi’arikuéra.

Jeremías 42:22

Peikuaa porã katu, kyse puku, ñembyahýi térã mba’asy iñasãiva rupi pemanova’erã Egípto retãme.

Jeremías 44:13

Cháke peẽ peikóva guive Egípto retãme, ahavira haguéicha Jerusalénpe, Che pohaviráta avei kyse puku rupi, ñembyahýi ha mba’asy iñasãiva rupi.

Jeremías 45:5

Ha nde piko reheka ndejupe g̃uarante mba’e tuichaitereíva, ani reheka, Ha ema’ẽ porãke, Che aguerúgui mba’evai opaite oikóvape guive ko yvy apére, he’i pende Ruete; ndéve katu ame’ẽta nde rekove, peteĩ jopói ramo, mamo rehoha rupi.

Ezequiel 14:21

Upévare péicha he’i pende Ruete: Che ambou ramojepe Jerusalen ári irundy che jehavira ivaietéva: Kyse puku, ñembyahýi, mymba ñarõita ha mba’asy iñasãiva, ajuka hag̃ua hetãygua ha hymbakuérape,

Ezequiel 6:11

Péicha he’i Yvága Atykuéra Jára, pende Ruete, ejepopete ha embota nde pýpe ere hag̃ua: Angái, angái, Israel oiko vaietégui ne rendápe og̃uahẽta: Kyse puku, ñembyahýi ha mba’asy iñasãiva (péste, varíola).

Ezequiel 7:15

Okáguio ou kyse puku, ha hyepýguio oĩ mba’asy iñasãiva ha ñembyahýi; umi ñúme oĩva omanóta kyse pukúpe, ha ñembyahýi ha mba’asy oñemosarambíva ojukáta umi oĩvape táva ryepýpe.