Jeremías 32:4

Ñanderuete Ñe’ẽ Porã 2015

Sedequías, Juda retã ruvicha, nokañymo’ãi Caldeayguakuéragui, añetehápe oñemoĩta ichupe Babilónia retã ruvicha pópe, ha oñe’ẽta hendive ojovakete ha hesatee rupi ohecháta ichupe.

Referencias Cruzadas

Jeremías 21:7

Uperire Ñanderuete he’i: Ame’ẽta Sedequías, Juda retã ruvicha, ha hembiguaikuérape Nabucodonosor pópe, ha hendivekuéra opaite umi tetãygua hembýva guive pe mba’asy vaietégui, pe kyse pukúgui ha ñembyahýigui; umía ho’apáta Nabucodonosor, Babilónia retã ruvicha pópe, umi hesekuéra ija’e’ỹva pópe, ha ha’e oikutúta ichupekuéra kyse puku rãimbépe; ha noperdonamo’ãi ni ndoiporiahuverekomo’ãi ichupekuéra.

Jeremías 25:35

Umi ovecha rerekua ndaikatumo’ãi okañy ha umi mburuvicha ndohomo’ãi ñemiháme.

Jeremías 34:21

Ha Sedequías, Juda retã ruvicha, ha umi mburuvichápe amoĩta hesekuéra ija’e’ỹva ha ijukasehára pópe, ha pe Babilónia retã ruvicha soldadokuéra pópe, ame’ẽmbáta ohopa hag̃ua ko’ág̃a.

Jeremías 34:3

Ha nde ndaikatumo’ãi rekañy ipógui, katuete ha’ekuéra ndejapyhýta ha nemoĩta ipópe, nde resa ohecháta Babilónia retã ruvicha resa, ha nde juru oñe’ẽta hendive ha reg̃uahẽta Babilónia retãme.

Jeremías 37:17

Uperire tetã ruvicha Sedequías oguenohẽuka ichupe pe cárcelgui; ha ñemiháme tetã ruvicha oporandu ichupe hógape, ha he’i ichupe: Oĩpa Ñanderuete ñe’ẽ. Ha Jeremías he’i: Oĩ. Ha he’i ichupe: Re’áta Babilónia retã ruvicha pópe.

Jeremías 38:18

Ha nde nereñemoĩri ramo Babilónia retã ruvicha remimbouguasu poguýpe ko táva kóva ho’áta Caldeayguakuéra pópe, ha ohapýta hikuái, ha nde nerekañykuaamo’ãi ichuguikuéra.

Jeremías 38:23

Umi Caldeaygua oguenohẽmbáta ne rembirekokuéra ha nde ra’ykuéra, ha nerekañymo’ãi ipoguikuéra, re’áta uvei Babilónia retã ruvicha pópe, ha ko táva kóva ojehapypava’erã.