Jeremías 3:8

Ñanderuete Ñe’ẽ Porã 2015

Oñemohembiapo vaígui Che ahavira ichupe, ndojevýi che rendápe ha oñemongy’apa avei itykéraicha.

Referencias Cruzadas

2 Crónicas 21:11

Ha ombosako’i haguére avei umi yvy yvate Juda cérro rupi, omomba’eguasu hag̃ua upépe ambue jára gua’úpe, ha omyaña myaña avei Judayguakuérape tape vaíre.

Isaías 50:1

Péicha he’i pende Ruete: Moõ piko opyta pe kuatiañe’ẽ ame’ẽma pende sýpe apoi ramoguare ichugui térã moõ piko oĩ peteĩ ojeroviáva cherehe Che avendeva’ekue. Pema’ẽ porãke, peneñaña haguére aporome’ẽva’ekue (avende) peẽme, ha peñemoĩ haguére Cherehe apoimava’ekue pende sýgui (Sióngui).

Jeremías 2:19

Ne rembiapo vaikue nenupãta ha reñemoĩ haguére nde Ruete rehe Che rohaviráta; ejepy’amongeta porãke ha rehecha porãta mba’eichaitépa ivai ha irova’erã nde rekove repoi haguére nde Ruete, nde Járagui, rekyhyje’ỹre, he’i nde Ruete, pe yvága atykuéra Jára.

Jeremías 3:1

Oje’e ningo: Oime ramo opoíva hembirekógui, ha upéi kóva oho ramo ha oiko ambue kuimba’e ndive, upe kuña upéva ohokuaa jevýnepa iména tenondegua rendápe; ndaiky’apái piko ko yvy kóva pene rembiapo vai rupi. Ha nde katu, reiko kuña reko vaícha heta (jára gua’u) ndive; ha upéicha ramojepe rejuse jevy che rendápe, he’i pende Ruete.

Jeremías 33:24

Nderehechakuaáipa ko tetã rehe oje’éva: Ko’ã mokõi tetã, Juda ha Israel, Ñanderuete oiporavomava’ekue, ha ko’ág̃a Ha’e omboykéma. Péicha ojapo’i hikuái che retãme, ndoguerekovéi peve ichupe tetã ramo.

Jeremías 5:7

Mba’éicha piko roperdonáta. Nde ra’ykuéra cherejapáma, ha ome’ẽma iñe’ẽ ijára gua’úpe. Amohyg̃uatã porã ramojepe ichupekuéra, ha’ekuéra katu chembotavy ha oñembyaty hikuái kuña reko vai rógape.

Ezequiel 16:46

Ha nde kypy’y Samária imemby kuñakuéra ndive, oikóva nórte gotýo ndehegui; ha Sodóma imemby kuñakuéra ndive, ne ambue ryke oikóva sur gotýo ndehegui.

Ezequiel 16:47

Ndereikói hapekuéra rupi, ha nderejapói hembiapo vaiete, reñemboheko vaieteve katu ichuguikuéra opaite nde rapekuérape.

Ezequiel 16:51

Ha nde ryke Samária katu ndohupitýi ni mbyte rupi jepe ne rembiapo vaiete, nde remboheta hetavégui tembiapo vaiete ichuguikuéra, upévare nde rykekuéra heko potĩ ñambojoja ramo nde reko vai rehe.

Ezequiel 23:44

Ou hikuái hendápe ku kuña reko vai rendápe ramoguáicha; péicha ou hikuái Ohola ha Oholiba rendápe, ha’ekuéra ningo kuña reko vaietéva.

Ezequiel 23:9

Umi mba’evai rupi amoĩ ichupe imborayhu jarakuéra poguýpe, umi Asíriaygua ñemoñarenguéra poguýpe, iñakãraku haguére hesekuéra.

Oséas 3:4

Heta ára Israelguakuéra oikóta avei hetã ruvicha’ỹre, imburuvicha’ỹre, ikuave’ẽmby’ỹre, kuave’ẽmby renda’ỹre, pa’i ao’ỹre ha ambue jára gua’u ra’ãnga’ỹre.

Deuteronómio 24:1

Oime ramo peteĩ kuimba’e omendáva hembirekorã rehe, ha upéi ndoguerohoryvéi ramo, ojohúgui hese mba’evai, ohaiva’erã ichupe kuatiañe’ẽ menda jopoi reheguáva, ha ome’ẽva’erã ipópe, ha omondova’erã ichupe hógagui.

Deuteronómio 24:3

Ha iména pyahu ndaija’evéi ramo hese, ohaiva’erã kuatiañe’ẽ menda jopoi reheguáva ha omoĩ rire ipópe, omondo ichupe hógagui; térã omano ramo iména pyahu, omendamava’ekue hese,