Jeremías 3:5

Ñanderuete Ñe’ẽ Porã 2015

Ipochýnepa Ha’e opaite árape. Naneñeko’õi jeramo’ãvéi piko. Péicha nde ere ha rejapo opaichagua ñaña reko ojejapokuaáva guive.

Referencias Cruzadas

2 Crónicas 29:10

Ko’ág̃a che añembopy’apeteĩta Ñanderuete, Israel Jára ndive, Ha’e omboyke hag̃ua ñandehegui ipochy.

Salmokuéra 85:5

Opaite ára peve piko ndepochýta orendive. Reipysóta piko nde pochy ituvakuéra ára guive iñemoñare jevy jey peve.

Salmokuéra 85:6

Neremoingove jevymo’ãvéi piko ne retãme, ore rovy’a jevy hag̃ua nendive.

Isaías 57:16

Ndachepochymo’ãi tapiaite ni ndorohaviramo’ãi opaite árape, ỹrõ oimeraẽva pytu ojepy’apyetereíta ha yvyarigua ánga ojejopyetereíta, umíape Che voi amoingovemava’ekue.

Isaías 64:9

Anína ndepochyeterei, ore Ruete, ha anítei tapiaite nemandu’a ore aña reko rehe; péina, ema’ẽ ko’ág̃a ne retã rehe, ore voi ningo ne retãygua.

Jeremías 3:12

Tereho ha emyasãi ko ñe’ẽ kóva yvate (nórte) gotýo, ha ere: Nde Israel epoína nde reko ky’águi ha ejevy che rendápe, he’i pende Ruete; che pochykue ndo’amo’ãi ndeári, Che ningo chepy’a porã, he’i pende Jára, ndachepochymo’ãi opaite ára peve.

Jeremías 8:5

Mba’érehepa Jerusalengua tapia oñemoĩ cherehe. Ha’ekuéra ojapyhy pe japu rape, ha ndojevyséi.

Jeremías 8:6

Ajapysaka ahendu porã hag̃ua, ndaipóri katu peteĩnte jepe oñe’ẽva hekoite peguáva ha avave noñembyasýi ojapo vai haguére, he’i uvei: Mba’éiko ajapóra’e. Maymáva oñani hapekuéra rehe, ku kavaju oñani háicha ñorãirõme.

Ezequiel 22:6

Cháke peẽ, Israel pegua mburuvicha, peñeha’ãmbáva peñohẽ hag̃ua pende rapicha ruguy.

Miquéas 2:1

Cháke, peñeñangarekóke, peẽ pejepy’amongetáva mba’evaíre pende rupápe ha ko’ẽmbávo pesẽ pejapo vai hag̃ua, ha peiporu vai pende pu’aka.

Miquéas 7:3

Ipokuéra oñembopya’e ojapo vai hag̃ua. Pe mba’e heta oguerekóva ojogua ipirapire rehe pe mburuvicha ha pe mbojovakehára ojapo hag̃ua hembipota vai.