Jeremías 3:4

Ñanderuete Ñe’ẽ Porã 2015

Ha péina ko’ág̃a, nde cherenói erévo, che Ruete, che mitã ára guive Nde chesãmbyhyva’ekue.

Referencias Cruzadas

Salmokuéra 119:9

Mba’éichapa peteĩ karia’y oiko porãta (nde resa renondépe); oñeha’ãmba ramo ojapopa hag̃ua ne ñe’ẽ he’i háicha.

Salmokuéra 48:14

Ñanderuete toiko ore Jaratee ramo opaite árape g̃uarã, Ha’e ñanesãmbyhyva’erã pe ñemano amo gotyove g̃uarãgui jepeve.

Salmokuéra 71:17

Nde, ore Ruete, chembo’eva’ekue che mitãrusu ára guive, ha ko’ág̃a peve amombe’u’aína ne rembiapo tuichaitéva.

Salmokuéra 71:5

Che Ruete, nderehénte che ajejoko che mitã guive ha Nde reñangareko porã cherehe.

Mga Kawikaan 1:4

omoarandu hag̃ua umi iñarandu’ỹvape, ha ome’ẽ hag̃ua mitãrusukuérape akãporã ha akãguapy.

Mga Kawikaan 2:17

upe kuña ningo opoi iménagui oikuaáva imitã ára guive, ha hesarái iñe’ẽ ome’ẽva’ekuégui iménape,

Jeremías 2:2

Tereho ha esapukái Jerusalengua apysápe, ha ere: Péicha he’i pende Ruete: Chemandu’a nderehe, ne kuñataĩ ramoguare reikómi hekoitépe che rapykuéri, ha che rembirekorã arakuépe cherayhu porã hague, ha reju chendive pe desiértope, pe yvy oñeñemitỹ’ỹháme mba’eve.

Jeremías 2:27

Ha’ekuéra ningo he’i peteĩ yvyra pehẽnguépe: Nde voi ore ru; ha peteĩ itápe: Nde, ore sy. Chéve katu chemboyke, ha noma’ẽsevéi cherehe; ha og̃uahẽ vove jehasa asy hendapekuéra he’i hikuái chéve: Epu’ãna, orepytyvõ hag̃ua.

Jeremías 3:19

Che aimo’ãva’ekue peẽ peikóta che ra’y ramo ha upévagui Che ame’ẽ peẽme pe yvy iporãvéva tetãnguéra apytépe. Ha Che aimo’ã peẽ cherenoitaha: Ore Ruete, ha napeñemboykemo’ãira’e araka’eve che rapykuérigui.

Jeremías 31:22

Araka’e pevépa reikóta ágotyo pégotyo, nde tajýra py’a hatãitéva ha reñemboykéva chehegui. Pende Ruete ojapo mba’e ipyahuetéva ko yvy apére: Pe kuña (Israel) oikova’erã iména (Ñanderuete) rapykuéri.

Jeremías 31:9

Oñembo’évo jahe’ópe, agueru jevýta ichupekuéra, amohenda hag̃ua ichupekuéra yakã rembe’ýpe, ha amboguatáta ichupekuéra tape ikare’ỹva rehe ha noñepysãngamo’ãi hikuái, Che ningo Israel Ruteéva ha Efrain katu che ra’y ypykue.

Oséas 2:15

Upéramo ame’ẽ jevýta ichupe iparraltykuéra ha Acor ñúgui ajapóta peteĩ jeporiahuvereko rokẽ ichupe g̃uarã ha upépe iñe’ẽrendu jevýta imitãrusukuéra, osẽ ramoguaréicha Egípto retãgui.

Malaquías 1:6

Pe ta’ýra omomba’e itúvape, ha pe tembiguái ijárape. Ha Che, pende Ruete ramojepe, mba’érehepa peẽ nachemomba’éi: Che ningo pende Ruete ha mba’éichapa peẽ ndapekyhyjéi chehegui. Péicha pende Ruete he’i ipa’ikuérape: Peẽ chemboyke, ha peẽ peje: Moõpa ore romboykéra’e.

Malaquías 2:14

Ha peẽ katu peje gueteri: Mba’upe piko péva. Pende Ruete ohecha porãgui peẽ pepoi haguére pene rembirekoteévagui, peikova’ekue ndive pende karia’y ára guive, ha peme’ẽ hague pene ñe’ẽ peiko hag̃ua hendive (pemano meve).