Jeremías 3:2

Ñanderuete Ñe’ẽ Porã 2015

Ejesaupi umi desiérto rehe, ha ema’ẽ porãke, opa rupiete reñemongy’apa. Umi tape yke rehe reha’ãrõ ñemiháme, umi Arabiaygua ojapo háicha desiértope, rejeity hag̃ua umi ohasáva guive ári ha ne rembiapo vai rupi reju remongy’a rehóvo ko yvy kóvape.

Referencias Cruzadas

Genesis 38:14

Upéramo Tamar oipe’a ijao menave’ỹ reheguáva, ha oñemo’ã peteĩ ahojápe, ha oguapy Enaímpe, Timnat rape ypýpe; ohechágui Sela okakuaambamaha, ha noñeme’ẽi ichupe hembirekorã ramo.

1 Réyes 11:3

Ha’e 700 hembirekoteéva, mburuvicha rajykuérava, ha 300 ambue kuña, opaite ko’ãva omombiavahína Salomónpe Ñanderuete rapégui.

2 Réyes 23:13

Upépe ha’e ombyai avei umi yvy yvate oĩva Jerusalen rovái, ñande po akatúa gotýo, pe olívo cérrope; upépe Salomón, Israel retã ruvichakue, omopu’ãva’ekue Astoret ra’ãnga ahẽvape, Sidongua mba’éva; Quemos ra’ãnga ahẽvape, Moab mba’éva; ha Milcom ra’ãnga ahẽvape g̃uarã, Amon ñemoñare mba’éva, ko’ãva Josías ohundipa avei.

Salmokuéra 106:38

Ha oñohẽ hikuái heko potĩva ruguy. Ita’ýra ha itajyrakuéra ruguy oikuave’ẽ hikuái kuave’ẽmby ramo Canaan jarakuérape ha upévagui pe yvy oñemongy’a huguy rupi.

Mga Kawikaan 23:28

Ha’e avei, ku mondaháicha omaña ñemi, ha ombohetave kuimba’ekuéra apytépe umi oporomyakã ratĩva.

Mga Kawikaan 7:11

iñakã rakúva ha ndaipy’aguapýi, ipy ndaikatúiva opyta hógape.

Jeremías 12:12

Umi cérro perõ meve ou umi mba’e mbyaihára; Ñanderuete kyse puku ohundíta pe yvy peteĩ apýra guive ambue apýra peve; ha avave ndopytu’umo’ãvéi py’aguapýpe.

Jeremías 2:20

Hetaite árama ohasa, remopẽ hague nde cangálla ha remondoho ne sã, ha ereva’ekue: Ndaikomo’ãvéi Ñanderuete rembiguái ramo; mayma cérro ári ha yvyraguasu iporãva guýpe rejeity ku kuña reko vaícha (remomba’eguasu hag̃ua ambue járape).

Jeremías 2:23

Mba’éicha piko ikatu ere gueteri: Nañemongy’ái ha araka’eve namomba’eguasúi ambue járape. Ema’ẽ porãke, ne rembiapo vaikue rehe rejapova’ekue pe vállepe (Ben-Hinómpe), ehechakuaána ne rembiapokue, nde ningo ku caméllo kuña hakúvaicha, pya’e oñaníva ágotyo pégotyo.

Jeremías 2:7

Ha Che pomoingeva’ekue yvy porãme, pe’u hag̃ua hi’akue ha opaite mba’eporã amongakuaava’ekue peẽme; peẽ katu peike ha pemongy’apa che yvy, ha che mba’eteégui pejapo mba’e ky’a oporombojoguarúva.

Jeremías 3:1

Oje’e ningo: Oime ramo opoíva hembirekógui, ha upéi kóva oho ramo ha oiko ambue kuimba’e ndive, upe kuña upéva ohokuaa jevýnepa iména tenondegua rendápe; ndaiky’apái piko ko yvy kóva pene rembiapo vai rupi. Ha nde katu, reiko kuña reko vaícha heta (jára gua’u) ndive; ha upéicha ramojepe rejuse jevy che rendápe, he’i pende Ruete.

Jeremías 3:13

Eñembyasy rejapo vai haguére, reñemoĩvo nde Ruete rehe, umi yvyraguasu guýpe remomba’eguasu ambue jarakuéra ndereikuaáivape ha nerehendúi che ñe’ẽ, he’i nde Ruete, nde Jára.

Jeremías 3:21

Oñehendu umi desiérto rehe Israel ñemoñarenguéra rasẽ omba’ejerure asýva jeporiahuvereko opia haguére hape porãgui; ha hesaráigui Ijarateégui.

Jeremías 3:9

Hembiapo ky’a rupi omongy’apa ijyvy, omomba’eguasúgui ambue járape, ojejapomava’ekue ita ha yvyrágui.

Jeremías 7:29

Nde, Jerusalen rajy, eikytĩ ne akã rague iporãva, ha emombo, ejahe’o cérro perõre; Ñanderuete omboyke ha oity ko tetãme ombopochy haguére ichupe.

Ezequiel 16:16

Nde rejapyhy nde aokuéra, ha rembosako’i ndejupe g̃uarã heta yvy yvate hape remomba’eguasu hag̃ua ambue járape ha reñemongy’a ko’ã mba’e rehe araka’eve ndoikoiva’ekue ne mbytépe ni ndoikoveimava’erã.

Ezequiel 20:28

Che ame’ẽma che ñe’ẽ ame’ẽtaha ichupekuéra ko yvy kóva ha agueru avei ichupekuéra ko yvy kóvape, ha’ekuéra katu oma’ẽ mayma cérro ijyvatéva rehe ha mayma yvyra ikuarahy’ã porãva rehe, ha upépe oikuave’ẽ ambue járape chembopochy hag̃ua, ha upépe avei omoĩ hikuái imba’e ryakuã porãva, ha upépe oikuave’ẽ avei ivíno.

Oséas 2:5

isy peteĩ kuña reko vaíva ha ha’e oñemongy’a haguére ha otĩ’ỹre he’i: Che aháta che rembiayhuharakuéra rendápe ome’ẽ hag̃ua chéve pan ha y, ovecha rague ha inimbo, acéite ha víno.

Lúcas 16:23

Ha’e ohasa asyete aja aña retãme, ojesaupi ha ohecha mombyryete Abrahámpe, ha hendive ohecha avei Lázarope.

Deuteronómio 12:2

Peẽ pehundipaiteva’erã umi yvy pehẽngue Canaan retãyguakuéra omomba’eguasu haguépe ijarakuérape, opytáva cérro ári, térã cérro yke rupi, térã umi yvyra kakuaaitéva guýpe.