Jeremías 3:1

Ñanderuete Ñe’ẽ Porã 2015

Oje’e ningo: Oime ramo opoíva hembirekógui, ha upéi kóva oho ramo ha oiko ambue kuimba’e ndive, upe kuña upéva ohokuaa jevýnepa iména tenondegua rendápe; ndaiky’apái piko ko yvy kóva pene rembiapo vai rupi. Ha nde katu, reiko kuña reko vaícha heta (jára gua’u) ndive; ha upéicha ramojepe rejuse jevy che rendápe, he’i pende Ruete.

Referencias Cruzadas

Salmokuéra 106:38

Ha oñohẽ hikuái heko potĩva ruguy. Ita’ýra ha itajyrakuéra ruguy oikuave’ẽ hikuái kuave’ẽmby ramo Canaan jarakuérape ha upévagui pe yvy oñemongy’a huguy rupi.

Isaías 24:5

Omongy’a hikuái ko yvy tuichakue, omboyke hikuái Ñanderuete rembiapoukapy, omokarẽ hikuái hekoite peguáva ha tapia opyrũ hikuái pe ñe’ẽ oñeme’ẽmava’ekue rehe ichupekuéra.

Jeremías 2:20

Hetaite árama ohasa, remopẽ hague nde cangálla ha remondoho ne sã, ha ereva’ekue: Ndaikomo’ãvéi Ñanderuete rembiguái ramo; mayma cérro ári ha yvyraguasu iporãva guýpe rejeity ku kuña reko vaícha (remomba’eguasu hag̃ua ambue járape).

Jeremías 2:23

Mba’éicha piko ikatu ere gueteri: Nañemongy’ái ha araka’eve namomba’eguasúi ambue járape. Ema’ẽ porãke, ne rembiapo vaikue rehe rejapova’ekue pe vállepe (Ben-Hinómpe), ehechakuaána ne rembiapokue, nde ningo ku caméllo kuña hakúvaicha, pya’e oñaníva ágotyo pégotyo.

Jeremías 2:7

Ha Che pomoingeva’ekue yvy porãme, pe’u hag̃ua hi’akue ha opaite mba’eporã amongakuaava’ekue peẽme; peẽ katu peike ha pemongy’apa che yvy, ha che mba’eteégui pejapo mba’e ky’a oporombojoguarúva.

Jeremías 22:20

Ejupi Líbanope ha esapukái, ehenduka ne ñe’ẽ Basánpe; Abarim cérro guive esapukái oñehundipa haguére opaite ne irũnguérape.

Jeremías 3:22

Pejevy peẽ peñemoĩva pende Ruete rehe ha Che pomongueráta pende reko pu’ãségui. Péina ápe ore rojuroína ne rendápe, Nde ha’eguihína ore Ruete, ore Jaratee.

Jeremías 3:9

Hembiapo ky’a rupi omongy’apa ijyvy, omomba’eguasúgui ambue járape, ojejapomava’ekue ita ha yvyrágui.

Jeremías 31:22

Araka’e pevépa reikóta ágotyo pégotyo, nde tajýra py’a hatãitéva ha reñemboykéva chehegui. Pende Ruete ojapo mba’e ipyahuetéva ko yvy apére: Pe kuña (Israel) oikova’erã iména (Ñanderuete) rapykuéri.

Jeremías 4:1

Nde, Israel, rejevy ramo, he’iuka ndéve Ñanderuete, rejevykuaa hendápe, repoi ramo nde jára ambuégui rejukuaa jevy nde Ruete rendápe.

Jeremías 4:14

Nde py’apýgui ejohéi ne mba’e ky’a, nde Jerusalen, resẽ jevy hag̃ua nde jehasa asýgui. Araka’e pevépa rejepy’amongetáta ivaíva rehe.

Lamentaciónes 1:2

Jerusalen ojahe’o asy pyhare pukukue aja, hesay hova rehe osyry, iñangirũ apytégui ndaiporivéima omoangapyhýva ichupe; oñemboykepa hikuái ichugui ha oiko hikuái ku hese ija’e’ỹva ramo.

Ezequiel 16:26

Reiko kuña reko vai ramo Egípto ra’ykuéra ndive, ne retã yke rehegua ndive, iñakãrakúva; ha upéicha remboheta hetave ne angaipa chembopochyete peve.

Ezequiel 16:30

Nde py’apy itarova, reñeme’ẽgui ku kuña heko vaícha otĩ’ỹre, he’i nde Ruete.

Ezequiel 16:35

Upévare nde, kuña heko vaíva, ehendúke pende Ruete ñe’ẽ,

Ezequiel 33:11

Ere ichupekuéra: Che rekovére, he’i pende Ruete, ndaipotái pe heko vaíva omano, aipota uvei ojevy hape vaígui, upévare pejevy peikove hag̃ua, pejevy joaite pende rape vaígui; mba’érehe piko pemanose peẽ, Israel retãyguakuéra.

Oséas 1:2

Ñanderuete oñepyrũvo oñe’ẽ Oséas ndive he’i ichupe: Tereho emenda peteĩ kuña reko vaíva rehe ha tandera’y ichugui, che retã oikógui kuña reko vaícha, oguata ambue jára gua’u rapykuéri.

Oséas 2:2

Ñanderuete he’i: Peñemoĩ pende sy rehe, ha’e ndaha’evéigui che rembireko, ha che ndaha’evéigui iména; tojei ikuña reko vaígui ha tomombo umi mba’e oĩva hova ha hetére, ohechaukáva ikuña reko vaiha.

Miquéas 2:10

Upévare pepu’ã ha tapeho, ko’ápe ndaha’evéima pende pytu’uha renda, peñemongy’apa haguére peñehundipáta.

Zacarías 1:3

Upévare ere ichupekuéra: Péicha he’i ángel atykuéra Jára: Pejevy che rendápe, ha Che ajevýta pene rendápe, kóva ningo ángel atykuéra Jára ñe’ẽ peẽme g̃uarã.

Matéo 5:31

Oje’eva’ekue avei: Upe opoíva hembirekógui, tome’ẽ ichupe peteĩ mendare jepoi rehegua kuatiañe’ẽ.

Deuteronómio 22:21

upéicharamo oñeguenohẽva’erã ichupe itúva róga rokẽme, ha umi kuimba’e upe táva pegua ojapiva’erã itápe ha’e omano meve, oñemohembiapo vaietégui Israel retãme ha oiko vaígui itúva rógape; péicha reipe’áta mba’evai pende apytégui.

Juéces 19:2

Ha pe kuña oiko haguére ambue kuimba’e ndive, okañy itúva rógape, Belen, Juda yvýpe, ha upépe oiko 4 jasy pukukue.