Jeremías 26:9

Ñanderuete Ñe’ẽ Porã 2015

Mba’érehe piko reprofetiza Ñanderuete rérape, erévo: Ko ogaguasu oñehundíta pe Silo peguaréicha, ha ko táva kóva itaperéta ha avave ndaiporimo’ãvéi ipype. Opaite tetãygua ijaty opu’ã hag̃ua Jeremías rehe Ñanderuete rogaguasu korapýpe.

Referencias Cruzadas

2 Crónicas 25:16

Pe proféta he’ívo ko’ã mba’e ichupe, ha’e ombohovái ichupe: Reñemoĩ piko ra’e tetã ruvicha rekombo’eha ramo. Ejehejána umi mba’égui. Mba’upéiko remanose. Ha ha’e oñe’ẽmbávo, pe proféta he’i jevy ichupe: Che aikuaa Ñanderuete he’íma hague Ha’e nehunditaha, rejapo haguére ko mba’e ha nerehendúigui che ha’éva ndéve.

Isaías 29:21

umi oporombotavýva ha ijapúva táva rokẽguasúpe, oñembojovakehápe, ombotavy hag̃ua umi oporombojovakéva ombojovake vai hag̃ua, umía omanombáta avei.

Jeremías 32:3

Sedequías, Juda retã ruvicha, ojapyhyukágui ichupe, he’ívo: Mba’érehepa reiko remomarandu erévo, péicha he’i pende Ruete: Peikuaa porãke, Che amoĩta ko táva kóva Babilónia retã ruvichaguasu poguýpe, ha katuete ho’áta ipopekuéra.

Jeremías 33:10

Péicha he’i pende Ruete: Ko táva kóvare, peje itapereha ha ipype ndoikovéima yvyarigua ni tymbakuéra, añetehápe ko’ág̃a umi Juda táva ha Jerusalen rapekuéra itaperepa ha ndaipóri yvyarigua ni tymbakuéra oguatáva upérupi.

Jeremías 36:29

Ha eréta Joacim, Juda retã ruvichápe: Péicha he’i Ñanderuete, nde rehapýgui pe kuatiañe’ẽ, Che ahaiukava’ekue: Eikuaa porãke, katuete Babilónia retã ruvicha oúta ha ohundíta ko tetã kóva ha ndohejamo’ãi ipype hetãygua ni tymbakuéra.

Jeremías 9:11

Jerusaléngui hembýta ita atyraguasúnte, opyta jagua saite rekoha ramo; Che ambotaperepáta Juda tavakuéra ha avave ndoikomo’ãvéima ipype.

Lamentaciónes 4:13

Ko’ã mba’e ojehu proféta rembiapo vai rupi ha ipa’ikuéra oñohẽ reiva’ekuégui umi heko potĩva ruguy.

Amos 5:10

Peẽ katu napehenduséi umi penembojovakévape ha pemboyke umi he’íva pe añetegua.

Miquéas 2:6

Ani pemoherakuã peichagua profecía: Ndaorerupitymo’ãi umi mba’evai, he’i ramojepe hikuái oremotĩ hag̃ua.

Matéo 21:23

Hesu og̃uahẽ Ñanderuete rogaguasúpe oporombo’e hag̃ua ha upejave ou hendápe pa’i ruvichakuéra ha karai ancianokuéra, ha oporandu ichupe: Mba’éichagua pu’aka rupi piko nde rejapo ko’ã mba’e, ha máva piko ome’ẽ ndéve ko pu’aka kóva.

Matéo 27:20

Ha umi pa’i ruvicha ha karai ancianokuéra ohekombo’e ijatýva guivépe ojerure hag̃ua Barrabas rehe, ha ojukauka hag̃ua Hesúpe.

Márcos 15:11

Pa’i ruvichakuéra omoĩma hetãyguakuéra akãme ojerure hag̃ua, Pilátope, opoi hag̃ua Barrabásgui.

Juan 8:20

Ko’ã ñe’ẽ ningo Hesu oñe’ẽ Ñanderuete rogaguasúpe, pe ofrénda mba’yru oĩháme, oporombo’e jave ha avavete ndoapresái ichupe, nog̃uahẽigui gueteri hi’óra.

Juan 8:59

Upémaramo ohupi hikuái ita ojapi hag̃ua ichupe, Hesu katu ojei ijapytégui ha osẽ Ñanderuete rogaguasúgui.

Apostolkuéra 13:50

Umi Judayguakuéra katu oñe’ẽ umi kuñakarai imba’e hetávape ha okyhyjéva avei Ñanderuetégui ha oñe’ẽ avei umi karaiguasuvéva ndive oñemoĩ hag̃ua Páblo ha Bernabe rehe, upévare umía omosẽ Páblo ha Bernabépe hekohágui.

Apostolkuéra 21:30

Ha oiko peteĩ apañuãi ndetuicháva Jerusalénpe ha oapresa rire Páblope ombotyryry ichupe Ñanderuete rogaguasu oka gotýo ha pya’e ombotypa hikuái hokẽnguéra.

Apostolkuéra 22:22

Ko ñe’ẽ kóva pevénte ojapysaka porã hikuái hese, uperire katu osapukái ha he’i: Peipe’a yvy ape árigui ko kuimba’e kóvape, naiporãi ha’e oikove.

Apostolkuéra 3:11

Pe ikarẽva’ekue omoirũ Pédro ha Juánpe heta hetãygua ipy’andýiva reheve ha oho hikuái Ñanderuete rogaguasu korapy tuichávape, pe tenda hérava Salomon rogaguyguasúpe, (oĩva Ñanderuete rogaguasu yképe kuarahyresẽ gotýo).

Apostolkuéra 5:12

Apostolkuéra po rupi oiko heta techaukaha ha milagrokuéra hetãyguakuéra apytépe, ha oĩmba hikuái py’a peteĩme Ñanderuete róga ykére, Salomon rogaguýpe.

Apostolkuéra 5:28

ha he’i: Ndoro’e porãi piko peẽme anive hag̃ua peporombo’e pe téra péva rehe. Ha péina pemyenyhẽmba Jerusalen pene mbo’epýgui, ha peityse ore ári pe kuimba’e péva ruguy.

Apostolkuéra 6:14

ore ningo rohendu ha’e he’i hague Hesu, pe Nazaretgua, ombyaitaha ko ogaguasu kóva ha omoambuetaha umi jepokuaa Moises ome’ẽmava’ekue ñandéve.

Josué 18:1

Mayma Israel ñemoñarenguéra oñembyaty Sílope, peteĩ atyguasúpe ha omopu’ã hikuái upépe pe óga jojohuha ombopoguy haguére Canaan retãnguérape.