Jeremías 26:7

Ñanderuete Ñe’ẽ Porã 2015

Ha umi pa’i, proféta ha opaite tetãygua ohendupa rire Jeremías ñe’ẽ, Ñanderuete he’iukamava’ekue ichupe omombe’u hag̃ua Ñanderuete rogaguasu korapýpe,

Referencias Cruzadas

Jeremías 5:31

Iprofetakuéra ijapupa ha ipa’ikuéra omboguata hapichakuérape oipota háichante, ha pévante ombovy’a che retãyguakuérape. Ha mba’éiko pejapóta og̃uahẽ vove pe jejopy vai Che ha’emava’ekue peẽme.

Miquéas 3:11

Huvichakuéra ombojovake pirapire ñemiha megua reheve ha pa’ikuéra ombojovakesénte oñembopopegua ramo ichupekuéra, ha iproféta pirapire rupínte ombohasase imarandu ha he’i hikuái Ñanderuete oĩha ñanendive, mba’eve ivaíva ndojehumo’ãi, Ñanderuete oĩgui ñande apytépe.

Sofonías 3:4

Iprofetakuéra katu oñembotuicha ha oikónte pirapire rekávo, ipa’ikuéra omongy’a che rogaguasu ha omoambue pende Ruete rembiapoukapy.

Matéo 21:15

Ha umi pa’i ruvicha ha umi kuatia haihára ohechávo umi tembiapo techapyrã Ha’e ojapóva, ha umi mitã osapukaipáva: David Ra’y, oresalvána, ipochyeterei hikuái.

Apostolkuéra 5:17

Pe pa’iguasu ha opaite saduceokuéra hendive oĩva henyhẽmba hikuái ipy’arasýgui (envídiagui);