Jeremías 21:2

Ñanderuete Ñe’ẽ Porã 2015

Emba’eporandu orerehe Ñanderuetépe, mba’épa ojehúta ñandéve Nabucodonosor, pe Babilónia retã ruvicha ojeity ramo oreári, ikatu piko Ñanderuete ohechauka ipu’aka tuichaitéva ha omosẽ Nabucodonosórpe ñane retãgui.

Referencias Cruzadas

Genesis 10:10

Ha’e oñepyrũ oisãmbyhy Babel, Erec, Acad ha Calne, Sinar retãme.

2 Réyes 1:3

Upéramo Ñanderuete yvága rembiguái oñe’ẽ Elías, pe Tisbeguápe, he’ívo: Epu’ã ha ehug̃uaitĩ tetã ruvicha rembijokuaikuéra ndive, ha ere ichupekuéra: Ndaipóri piko Israélpe pende Ruete, peho hag̃ua pemba’eporandu Baal-zebub, Ecron járape.

2 Réyes 17:24

Asíria retã ruvicha ogueru tetã ambueygua aty Babilónia, Cuta, Ava, Hamat ha Sefarvaímgui, ha omohenda ichupekuéra Samáriape ha opaite itavakuérape, Israelguakuéra oiko haguépe; ha oñemomba’e hikuái Samária rehe, ha oiko hikuái itavakuérape.

2 Crónicas 32:21

Ha Ñanderuete ombou peteĩ yvága rembiguái (ángel) ohundi hag̃ua opaite Asiriaygua ipy’aguasúva ha ikatupyrývape, isoldádo ruvichakuéra ndive. Upéi Senaquerib oho jevy hetãme ñemotĩ tuichaite reheve; ha oikévo ijára tupãópe, upépe ita’yrakuéra voi ojuka ichupe kyse pukúpe.

Éxodo 9:28

Peñembo’e pende Ruetépe topi ore árigui pe arasunu ha pe amandáu, ha che ndapojokomo’ãvéima, apoíta uvei pendehegui.

Isaías 48:2

Peñembohéra táva oñemboykéva Ñanderuetépe g̃uarã ha Israel Jára réragui peha’ãrõ pene ñepytyvõrã, héra yvága atykuéra Jára.

Jeremías 15:11

Ñanderuete he’i chéve: Añetehápe Che roguenohẽta jejopy vaígui, nde rehasa porã hag̃ua. Upe jehasa asy árape Che voi rosalváta.

Jeremías 21:3

Upéramo Jeremías he’i ichupekuéra: Péicha pejéta Sedequíaspe:

Jeremías 32:17

Nde, che Ruete: Aikuaa porã ningo nde pu’aka rupi rejapomava’ekue umi yvága ha ko yvy, nde pyapy jepysopyre rembiapopa voi ningo; ndéve g̃uarã ndaipóri mba’eve ikatu’ỹva rejapo.

Jeremías 32:24

Pema’ẽ porãke, omopu’ã hikuái yvy atýra Jerusalen tápia renondépe ha oko’i hikuái ko táva rehe ombopoguy hag̃ua, ha ko táva kóva ho’átagui umi Caldeaygua pópe, ikyse puku, ñembyahýi ha mba’asy iñasãiva rupi; ha ojehupáta Nde ereva’ekue guive, ha’ekuéra voi ohecha porãmbátama.

Jeremías 34:1

Ñanderuete ñe’ẽ ou Jeremíaspe, Nabucodonosor, Babilónia retã ruvicha ha mayma isoldadokuéra, omongora aja Jerusalénpe ha ambue Juda tavakuérape heta tetãyguakuéra ndive, oĩva ipoguýpe.

Jeremías 37:17

Uperire tetã ruvicha Sedequías oguenohẽuka ichupe pe cárcelgui; ha ñemiháme tetã ruvicha oporandu ichupe hógape, ha he’i ichupe: Oĩpa Ñanderuete ñe’ẽ. Ha Jeremías he’i: Oĩ. Ha he’i ichupe: Re’áta Babilónia retã ruvicha pópe.

Jeremías 37:3

Ha tetã ruvicha Sedequías omondo Jucal, Selemías ra’ýpe, ha pa’i Sofonías, Maasías ra’ýpe, omombe’u hag̃ua proféta Jeremíaspe: Emba’ejeruréna orerehe Ñanderuete, Ñandejárape.

Jeremías 37:7

Péicha he’i pende Ruete, Israel Jára: Péicha eréta Juda retã ruvichápe, ha’e voi nembouva’ekue che rendápe omba’eporandu hag̃ua chéve: Eikuaa porãke, faraon soldádo aty osẽma penepytyvõ hag̃ua, ojevy jeýta katu hetã Egíptope penepytyvõ’ỹre.

Ezequiel 7:26

Oúta jepy’apy vai, ha jehasa asy ojoapykuéri; upéramo reiete ohekáta proféta ñe’ẽ, ipa’ikuéra ndive ndojohumo’ãi ñemoangapyhy, hi’ancianokuéra nohekombo’emo’ãvéi ipy’andýigui.

Juéces 20:27

Ha umi Israel ñemoñare omba’eporandu Ñanderuetépe (ikarameg̃ua oĩ umi árape avei Mizpápe).

1 Samuel 10:22

Upéi oñeporandu Ñanderuetépe ne’ĩrapa ou Saul, ha Ñanderuete he’i jevy: Péina ha’e okañy umi cárga (vultokuéra) apytépe.

1 Samuel 28:15

Ha Samuel he’i Saúlpe: Mba’érehe piko chemyangekõi chererúvo. Ha Saul he’i jevy: Ajepy’apyeterei Filisteayguakuéra chejopyetégui ha Ñanderuete oñemboykégui chehegui, ha noñe’ẽvéi chéve iproféta rupi, ni kepegua rupi; upévare rehenoikákuri, emyesakã hag̃ua chéve ajapova’erãva.

1 Samuel 28:6

Ha Saul oporanduse Ñanderuetépe, Ha’e katu nopenái hese ike pegua rupi, ni Urim rupi, ni iproféta rupi.