Jeremías 2:9

Ñanderuete Ñe’ẽ Porã 2015

Upévare Che pombojovakéta, he’i pende Ruete, ha pende ra’ykuéra ra’yre jevy ndive añorãirõta.

Referencias Cruzadas

Salmokuéra 50:4

Ohenoimbáta umi yvagayguápe, ha avei yvyariguakuérape, ohecha hag̃ua hikuái mba’éichapa Ñanderuete ombojovakéta hetãme.

Éxodo 20:5

ha nereñesũiva’erã henondepekuéra, ha neremomba’eguasuiva’erã; che ha’égui Jahve, nde Ruete, imbaretéva, hakate’ỹ rekóva ha amyengoviáva tuvakuéra reko vai ita’yrakuéra ári, heminenonguéra ári, ha avei heminenonguéra ra’ykuéra ári, irundy ñemoñare rekove peve, umi cherehe ija’e’ỹvape.

Isaías 3:13

Yvága atykuéra Jára opu’ã ombojovake hag̃ua, Ha’e oñembo’y omohenda porã hag̃ua tetãnguérape.

Isaías 43:26

Nde chemomandu’a ñañombojovake hag̃ua, eñe’ẽ katu reñembohekojoja hag̃ua.

Jeremías 2:29

Mba’upéiko pembyasy. Peẽ voi pepoi chehegui, he’i pe Oikóva tapia g̃uarã.

Jeremías 2:35

Upeichavéramo jepe nde ere: Che reko ipotĩgui, ipochykue oñemboyke chehegui. Ema’ẽ porãke, Che rombojovakéta, ere haguére: Nacherembiapo vaíri.

Oséas 12:3

Isy ryépe katu ojapyhy ityke’ýra pytasãgui ha ikuimba’e pu’aka porã reheve oñemoĩ Yvága Jára rehe.

Oséas 2:2

Ñanderuete he’i: Peñemoĩ pende sy rehe, ha’e ndaha’evéigui che rembireko, ha che ndaha’evéigui iména; tojei ikuña reko vaígui ha tomombo umi mba’e oĩva hova ha hetére, ohechaukáva ikuña reko vaiha.

Oséas 4:1

Israel ra’ykuéra pehendúke Ñanderuete ñe’ẽ, Ha’e voi oñorãirõta hetãyguakuéra ndive, Israelguakuéra opoi haguére pe añeteguágui, pe mborayhu ha ijeroviágui.

Levítico 20:5

upéicharamo, Che voi añemoĩta pe kuimba’ére ha ipehẽnguekuéra rehe, ha ahundíta ichupekuéra hetãyguakuéra apytégui, oñemopeteĩgui Moloc ndive.

Miquéas 6:2

Cerrokuéra pehendúke, Ñanderuete ombojovakéta hetãme ha peẽ yvy pyenda pejapysaka porãke Ñanderuete oñorãirõgui hetã Israel ndive.