Jeremías 2:8

Ñanderuete Ñe’ẽ Porã 2015

Umi pa’i nde’íri: Mamo piko oime Ñanderuete. Umi che rembiapoukapy rerekua voi opu’ãmba cherehe, ha umi proféta katu omomarandu (oprofetiza) Baal rérape, ha oikova’ekue hikuái ambue jára gua’u rapykuéri, oipytyvõkuaa’ỹva avavépe.

Referencias Cruzadas

1 Réyes 18:22

Ha Elías he’i jevy hetãyguakuérape: Che añoite cheremby Ñanderuete proféta apytégui, ha Baal profetakuéra katu oĩ 450.

1 Réyes 18:29

Péicha ohasa pe asaje ha ha’ekuéra osapukái itarovávaicha pe kuave’ẽmby, hóra mbohapy peve, ha ndaipóri avave ombohováiva, ha avave nohendúi mba’eve.

1 Réyes 18:40

Upémaramo Elías he’i ichupekuéra: Peapresa Baal profetakuérape, anítei okañy avave. Ha ha’ekuéra oapresa ichupekuéra ha Elías ogueraha ichupekuéra Cison yakãme ha upépe ojukapa Baal profetakuérape.

Job 35:10

Avave katu noporandúi moõpa oĩ Ñanderuete, oporombopurahéiva pyhare pytépe jepe.

Isaías 28:7

Ko’ã pa’i ko’ãva ovava joa hikuái oka’úgui. Ipa’i ha iprofetakuéra oka’u joa, ovava hikuái ndoporombojovake porãi ha omomarandu (oprofetiza) vai joaite hikuái.

Isaías 29:10

Ñanderuete oñohẽ pendeári peteĩ pytu penembohopehýiva ha Ha’e voi omboty pende proféta resa, ha Ha’e omoypytũ penehekombo’éva akã.

Isaías 30:5

mba’eve ndohupitymo’ãi, upépe katuete oñemotĩta ha pytyvõ’ỹre ou jevyva’erã, ndojohúi katu pe ñepytyvõ oha’ãrõva.

Jeremías 10:21

Umi ovecha rerekua itavypa ha ndohekái ñande Ruetépe; upévarehe noñemopu’ãmo’ãi hikuái, ha hymbakuéra isarambipa.

Jeremías 12:10

Heta tetã ruvicha ombyaipava’ekue che parralty (che retã), opyrũmba che kokue rehe ha ojapo hikuái che yvy porãitégui yvy perõ ha tapere.

Jeremías 16:19

Nde, che Ruete, chembopu’akáva ha chemombaretéva, Nde ningo che mo’ãha pe jepy’apy vaiha árape, heta tetã ou joava’erã ne rendápe yvy apýra guive ha he’i joava’erã hikuái: Añetehápe ore rukuéra orembo’e roporombotavy hag̃ua ha ijára gua’u noipytyvõkuaái ichupekuéra.

Jeremías 18:18

Ha he’i hikuái oñondive: Peju ha ñañemongeta ñemi ñahundi hag̃ua Jeremíaspe; katuete oĩta pa’ikuéra ñanerekombo’étava, karai iñarandúva ñanepytyvõtava, ha oĩta proféta ñe’ẽ ñandéve g̃uarã. Peju ha ñande juru rupi jajahéi hese, ha ani jajapysaka mba’eveichagua ñe’ẽ rehe ha’e he’íva guive ñanderehe.

Jeremías 2:11

Oĩ nga’u piko tetã omyengoviáva ijarakuéra, umía ndaha’éi ramojepe jára añeteguáva. Che retã katu omyengovia Ijaratee reko jajaipáva ambue jára gua’u rehehápe, ojapokuaa’ỹva mba’eve rehe.

Jeremías 2:6

Ha nde’íri hikuái: Mamo piko oime Ñanderuete ñaneguenohẽva’ekue Egípto retãgui, ñanesãmbyhyva’ekue desiérto rupi, peteĩ yvy nandípe, avave oiko’ỹha rupi, yvy ipiru ha iñypytũva, peteĩ yvy ojeiko’ỹha, ni avave ndoikoihápe.

Jeremías 4:22

Ko che retã ningo itavy, ha’ekuéra ndachekuaái he’i pende Ruete; ita’yrakuéra itavy ha naiñakã porãi; ivale ojapo hag̃ua mba’evai, ndojapokuaái katu mba’eporã.

Jeremías 5:31

Iprofetakuéra ijapupa ha ipa’ikuéra omboguata hapichakuérape oipota háichante, ha pévante ombovy’a che retãyguakuérape. Ha mba’éiko pejapóta og̃uahẽ vove pe jejopy vai Che ha’emava’ekue peẽme.

Jeremías 7:8

Peẽ ningo pejerovia umi ñe’ẽ añete’ỹva ha výro reíva rehe.

Jeremías 9:14

oikónte uvei hikuái ipy’apýpe oñandu háicha, ha oiko hikuái ijára gua’u Baal rapykuéri, ituvakuéra ombo’e haguéicha ichupekuéra.

Ezequiel 22:26

Ipa’ikuéra opyrũ che rembiapoukapy rehe, ha omongy’a che rogaguasu; nombojuavýi ojuehegui mba’e che rembipota ha yvyarigua rembipota apytépe, ha nombojuavýi teko potĩ ha teko vai apytégui, ha che pytu’uha áragui omboty hikuái hesakuéra, ha ijapytepekuéra ndache’apói mba’eve ramo.

Ezequiel 34:2

Kuimba’e ra’y, emomarandu umi Israel rerekuápe; eprofetiza ha ere ichupekuéra: Péicha he’i pende Ruete: Angái, angái umi Israel rerekua rehe, oñangarekóva ijehénte. Umi ovecha rerekua noñangarekovéima ijovecha aty rehe.

Oséas 4:6

Che retãyguakuéra oñehundíta hendivekuéra nacherendúi haguére. Umi pa’i omboyke haguére pe arandu Che avei amboykéta ichupekuéra, ha nderesarái haguére nde Jára rembiapoukapýgui, Che cheresaráita avei ndehegui.

Habacuc 2:18

Ma’erãpa iporã pe ta’ãnga yvyrágui ojejapova’ekue. Ma’erãpa iporã pe ta’ãnga bróncegui ojejapova’ekue, japúnte ombo’éva, ha pe ta’ãnga apohára ojeroviánepa hembiapokue iñe’ẽngúva rehe.

Matéo 16:26

Mba’épa oguenohẽta pe kuimba’e térã kuña oñemomba’epa ramo ko yvy arigua rehe, ha ohundi ramo hekove. Mba’épa pe yvyarigua ome’ẽkuaa hekove rekovia rehe.

Lúcas 11:52

Angái peẽ, peporombo’éva Moises rembiapoukapykuéra, peẽ pemboyke pe kuaapy lláve. Peẽ voi ndapeikemo’ãi yvágape ha ndapehejái oike umi oikesévape.

Juan 16:3

Ko’ã mba’e ojapóta hikuái ndoikuaa porãigui Ñanderuetépe ni chéve.

Juan 8:55

Peẽ ndapeikuaái ichupe Che ningo aikuaa ichupe; ha Che ha’e ramo ndaikuaaiha ichupe, chejapúta peẽ pendejapu háicha.

2 Corintoyguakuérape 4:2

Ore ropoíma umi mba’e ñemi vai oremotĩkuaávagui, ore ndoroikói tova mokõi reheve, ore norombojehe’ái Ñanderuete ñe’ẽ ambue mba’e reheve, romyasãi hekopete ha añetehápe uvei iñe’ẽ opaite kuimba’ekuéra ha kuñakuéra py’apyñe’ẽme g̃uarã (conciéncia) Ñanderuete renondépe.

Deuteronómio 33:10

Ha’ekuéra ombo’eva’erã Jacóbope Ñanderuete justícia rehe ha Israélpe hembiapoukapy rehe. Omoĩva’erã ne renondépe mba’e ryakuã porã ha oikuave’ẽva’erã ne kuave’ẽmby renda ári.

1 Samuel 12:21

Aníke pejerovia jára gua’u rehe, ndojeporukuaái ni noporopytyvõkuaái, umía mba’e výro reígui voi.

1 Samuel 2:12

Eli ra’ykuéra ningo kuimba’e iñañáva ha ndojeroviáiva Ñanderuete rehe.